1 तीमुथियुस 5:17 - Bagheli Bible

¹⁷ जउन पुरान बिसुआसी मसीही मन्डली के सगला प्रबन्ध निकहा से करत हें, खास करके उँइ जउन बचन सुनामँइ अउर सिखामँइ माहीं मेहनत करत हें, उँइ दुगुने मान-सम्मान के काबिल समझे जाँय।

1 तीमुथियुस 5:17 ပူးပေါင်းရင်းမြစ်များ

मत्ती 24:25

अउर देखा, हम पहिलेन से तोंहईं पंचन काहीं सब कुछ बताय दिहेन हय।

लूका 10:7

जउने घर माहीं जया, उहय घर माहीं रह्या, अउर जउन कुछू उआ घर के मनई खबामँय, उहय खया-पिया, काहेकि मजूर काहीं आपन मजूरी जरूर मिलँय चाही; खाँय के खातिर घर-घर न जया।

लूका 12:42

तब प्रभू कहिन, “उआ बिसुआस के काबिल अउर बुद्धिमान सगले भन्डार के मालिक को कहाबत हय, उहय जेखर मालिक, ओही नोकर-चाकरन के ऊपर मुखिया बनामँय, कि उआ समय माहीं सगलेन काहीं खाँय बाली चीजन काहीं देय।

यूहन्ना 4:38

हम तोंहईं पंचन काहीं खेत काटँय के खातिर पठयन हय, जउने माहीं तूँ पंचे मेहनत नहीं किहा: दूसर मेहनत किहिन: अउर उनखे मेहनत के फर तोंहईं पंचन काहीं मिला हय।”

खास चेलन 11:30

अउर ऊँ पंचे इहइमेर किहिन; बरनबास अउर साऊल के हाँथे यहूदिया इलाका के मन्डली के अँगुअन के लघे कुछ धन पठय दिहिन।

खास चेलन 20:35

अउर हम अपना पंचन काहीं सब कुछ कइके देखायन हय, कि कउनमेर से मेहनत कइके कमजोर मनइन के मदत करँइ चाही, अउर हमहीं पंचन काहीं प्रभू यीसु के कहे उआ बचन काहीं हमेसा सुध रक्खँइ चाही, जउने काहीं ऊँ खुदय कहिन तय, कि ‘लेंइ से देब भला होत हय’।”

खास चेलन 28:10

अउर ऊँ पंचे हमार पंचन के खुब आदर सत्कार किहिन, अउर जब हम पंचे उहाँ से चलँइ लागेन, तब जउन कुछू हमहीं पंचन काहीं जरूरत रही हय, उन सगली चीजन काहीं ऊँ पंचे जिहाज माहीं धरबाय दिहिन।

रोमियन 12:8

अउर जेही उत्साहित करँइ के बरदान मिला होय, त उआ उत्साहित करँइ माहीं लगा रहय; अउर जेही दान देंइ के बरदान मिला होय, त उआ उदारता से दान देंइ माहीं लगा रहय, अउर जेही अँगुआई करँइ के बरदान मिला होय, त उआ लगन के साथ अँगुआई करय, अउर जेही दया करँइ के बरदान मिला होय, त उआ बड़े खुसी के साथ दया करय।

रोमियन 15:27

अउर इआ करँइ के खातिर उनहीं निकहा त लाग, पय ऊँ पंचे उनखर रिनिहा घलाय हें, काहेकि ईं पंचे गैरयहूदी लोग, यरूसलेम सहर के यहूदी जाति के बिसुआसी भाई-बहिनिन से आत्मिक बातन के आसीस अरथात खुसी के खबर पाइन हीं, त इनहूँ पंचन काहीं उचित होत हय, कि उनखे सारीरिक जरूरतन के खातिर, उनहीं पंचन काहीं दान दइके उनखर सेबा करँय।

रोमियन 16:12

अउर बहिनी त्रूफेना अउर त्रूफोस काहीं, जउन प्रभू के सेबा माहीं मेहनत करती हईं, हमार नबस्कार कहि दिहा, अउर पियार बहिनी पिरसिस काहीं घलाय जउन प्रभू के सेबा माहीं खुब मेहनत करती हईं, उनहूँ काहीं हमार नबस्कार कहि दिहा।

1 कुरिन्थियन 15:10

पय हम अब जउन कुछू हएन, त परमातिमा के किरपा से हएन, अउर उनखर जउन किरपा हमरे ऊपर भे ही, उआ बेकार नहीं गय; काहेकि हम ऊँ सगले खास चेलन से जादा मेहनत किहेन हय, अउर सचमुच उआ मेहनत हम खुद न होय किहेन हय, पय हमरे ऊपर किरपा कइके ओही परमातिमा किहिन हीं।

1 कुरिन्थियन 16:16

एसे हम तोंहसे इआ बिनती करित हएन, कि तूँ पंचे अइसन लोगन के अधीनता माहीं रहा, अउर जे कोऊ उनखे साथ कठोर मेहनत करत हें, उनहूँ पंचन के अधीनता माहीं घलाय रहा।

1 कुरिन्थियन 3:9

काहेकि हम पंचे परमातिमा के साथ काम करँइ माहीं साझीदार हएन; अउर तूँ पंचे परमातिमा के खेत अउर उनखे घर कि नाईं हया।

2 कुरिन्थियन 6:1

अउर परमातिमा के काम हम पंचे मिल जुलिके करित हएन, एसे हम पंचे, तोंहसे इआ बिनती करित हएन, कि परमातिमा के जउन किरपा तोंहरे पंचन के ऊपर भे ही, ओही बेकार न जाँइ द्या।

गलातियन 6:6

जेही परमातिमा के बचन सुनाबा ग हय, ओही चाही कि ओखे लघे जउन निकही चीजँय होंय, उनमा से अपने बचन सुनामँइ बाले काहीं कुछ दइके मदत करँय।

फिलिप्पियन 2:16

अउर मसीह के दुसराय आमँइ के दिन काहीं हमार छाती चउड़ी होइ जई, इआ देखिके, कि तूँ पंचे परमातिमा के अनन्त जीबन देंइ बाले बचन काहीं, अपने जीबन माहीं अपनाए हया, अउर हमरे जीबन के भाग-दउड़ अउर हमार मेहनत बेकार नहीं गे।

फिलिप्पियन 2:29

एसे तूँ पंचे प्रभू माहीं, उनखर बड़े आनन्द के साथ स्वागत किहा, अउर इआमेर के मनइन के आदर किहा करा।

फिलिप्पियन 4:3

अउर हे हमार सच्चे सहकर्मी हम तोंहऊँ से अनुरोध करित हएन, कि तूँ उन मेहेरिअन के मदत किहा, काहेकि ऊँ पंचे क्लेमेंस अउर हमरे साथ माहीं काम करँइ बालेन के साथय, खुसी के खबर के प्रचार करँइ माहीं बड़ी मेहनत किहिन हीं, इनखर नाम जीबन के किताब माहीं लिख लीनगे हँय।

1 तीमुथियुस 3:5

अगर कउनव मनई अपने घरय परिबार के निकहा से प्रबन्ध करँइ नहीं जानय, त उआ परमातिमा के मसीही मन्डली के प्रबन्ध कइसा कए पाई?

1 तीमुथियुस 4:10

काहेकि हम पंचे मेहनत अउर उपाय एहिन खातिर करित हएन, कि हमार पंचन के अनन्त जीबन पामँइ के आसा जिन्दा परमातिमा के ऊपर ही; जउन सगले मनइन काहीं, खास करके बिसुआसिअन काहीं मुक्ती देंइ बाले आहीं।

1 तीमुथियुस 4:14

हे बेटा तीमुथियुस, परमातिमा के उन सँदेस बतामँइ बालेन के बातन के मुताबिक, बुजुर्ग बिसुआसी के तोंहरे ऊपर हाँथ धइके प्राथना किहे से, जउन बरदान तोहईं मिला रहा हय, ओखर उपयोग करा,

1 तीमुथियुस 4:16

अउर खुद के जीबन, अउर जउन उपदेस देते हया ओखर चउकसी करा, अउर ईं बातन काहीं हमेसा करत रहा, जइसन हम तोंहईं बतायन हय, काहेकि अगर तूँ इहइमेर करत रइहा, त तूँ अपने अउर सुनँइ बालेन के खातिर घलाय मुक्ती पामँइ के कारन बनिहा।

1 तीमुथियुस 4:6

हे तीमुथियुस, अगर तूँ ईं सगली बातन काहीं सगले बिसुआसी भाई-बहिनिन काहीं सुध देबाबत रइहा, त तूँ मसीह यीसु के निकहे सेबक कहइहा, जिनखर आत्मिक लालन-पालन, परमातिमा के ऊपर बिसुआस, अउर उहय सत्य सिच्छा के व्दारा होत हय, जेही तूँ अपनाए हया।

1 तीमुथियुस 5:19

अगर कउनव पुरान बिसुआसी के ऊपर दोस लगाबा जाय, त ओही न मान्या, जब तक दुइ, इआ कि तीनठे गबाही न होंय।

1 तीमुथियुस 5:3

ऊँ बिधबन के जउन सही माहीं मदत के काबिल हईं, उनखर मदत करँइ के ध्यान द्या।

2 तीमुथियुस 2:6

जउन किसान खेती करँइ माहीं मेहनत करत हय, फसल के फायदा पहिले ओहिन काहीं मिलँय चाही।

2 तीमुथियुस 4:2

कि तूँ खुसी के खबर के प्रचार करा; चाह तोहईं सुबिधा होय, चाह असुबिधा, आपन करतब्य करँइ के खातिर हर समय तइआर रहा, हरेक मेर के बातन काहीं सहिके, अउर निकही सिच्छा द्या, जउन बुरा काम करत हें, उनहीं चेताय द्या, अउर उनहीं डाँटा, समझाबा।

इब्रानियन 13:17

अउर तूँ पंचे अपने आत्मिक अँगुअन के हुकुमन काहीं माना, अउर उनखे अधीनता माहीं रहा, काहेकि ऊँ पंचे तोंहरे आत्मिक बढ़ोत्तरी के खातिर, हमेसा खुसी से काम करत रहत हें, अउर उनहीं अपने ईं कामन के हिंसाब परमातिमा काहीं देंइ परी। पय तूँ पंचे उनहीं इआ मोका न दिहा, कि ऊँ इआ काम काहीं खुसी से नहीं, बलकिन बड़े दुख के साथ करँय, त इआ दसा माहीं तोंहईं पंचन काहीं कउनव फायदा न होई।

इब्रानियन 13:24

अउर तूँ पंचे अपने सगले अँगुअन काहीं, अउर सगले बिसुआसी भाई-बहिनिन काहीं, हमार पंचन के नबस्कार कहि दिहा। अउर इटली देस के रहँइ बाले घलाय, तोंहईं पंचन काहीं नबस्कार कहत हें।

इब्रानियन 13:7

जउन तोंहार पंचन के अँगुआ हें, अउर तोंहईं परमातिमा के बचन सुनाइन हीं, उनहीं हमेसा सुध रक्खा; अउर बड़े ध्यान से उनखे चाल-चलन के नतीजा काहीं देखिके, उनखर जइसन बिसुआस रहा हय, ओहिन के मुताबिक तुहूँ पंचे बिसुआस करा।