1 तीमुथियुस 5:14 - Bagheli Bible

¹⁴ एसे हम पवलुस इआ चाहित हएन, कि जमान बिधबा काज-बिआह कइलेंय, अउर लड़िका-बच्चा पइदा करँय, अउर आपन घर-गिरिस्ती सम्हारँय, अउर मसीह बिरोधी मनइन काहीं बदनाम करँइ के मोका न देंय।

1 तीमुथियुस 5:14 ပူးပေါင်းရင်းမြစ်များ

रोमियन 14:13

एसे हम पंचे आपस माहीं एक दुसरे के ऊपर दोस लगाउब छोंड़ि देई, अउर इआ ठान लेई, कि अपने बिसुआसी भाई-बहिनिन के गइल माहीं कउनव अरचन ठाढ़ न करब, अउर न ओही पाप करँइ के खातिर उकसउबय करब।

2 कुरिन्थियन 11:12

पय हम जउन करित हएन, उहय करत रहब; जउने हम हरेक ऊँ मोकन काहीं खतम कइ सकी, जउन ऊँ पंचे अपने घमन्ड के बातन माहीं, हमरे पंचन कि नाईं होंइ के दाबा करत हें।

1 तीमुथियुस 2:8

एसे हम चाहित हएन, कि हरेक मसीही मन्डलिन माहीं मंसेरुआ बिना गुस्सा, अउर झगड़ा किहे, खुद काहीं पबित्र रखिके अपने हाँथन काहीं ऊपर उठाइके परमातिमा से प्राथना करँय।

1 तीमुथियुस 4:3

जउन काज-बिआह करँइ से रोकि हँय, अउर खाँइ बाली कुछ चीजन काहीं न खाँइ चाही, इआ कहिके उनसे दूरी रहँइ के हुकुम देइहँय; जिनहीं परमातिमा एसे बनाइन हीं, कि बिसुआसी अउर सत्य काहीं जानँइ बाले, परमातिमा काहीं धन्यबाद दइके उनहीं खाँय।

1 तीमुथियुस 5:11

पय जमान बिधबन के नाम मसीही मन्डली के मदत सूची माहीं न लिख्या, काहेकि जब ऊँ मसीह के बचन काहीं मानब छोंड़िके, भोग-बिलास माहीं परि जाती हँय, त ऊँ बिआह करँय चहती हईं।

1 तीमुथियुस 6:1

जेतने सेबक अपने मालिकन के अधीनता माहीं हें, जइसन जुँआ के नीचे बरधा रहत हें, ऊँ अपने-अपने मालिकन के खुब मान-सम्मान करँय। जउने परमातिमा के नाम, अउर जउन बचन हम पंचे सिखाइत हएन, उनखर हँसी न होय।

तीतुस 2:5

अउर नीक-नागा पहिचानँय, अउर पतिब्रता, एखे साथय-साथ घर-दुआर के जबाबदारी, अउर आपन करतब्य निकहा से निभामँइ बाली बनँय, अउर अपने मंसेरुअन के कहा-बतान मानँइ बाली बनँय, जउने परमातिमा के बचन के बुराई न होंइ पाबय।

तीतुस 2:8

अउर जउन सही हय, उहय तूँ, लोगन काहीं सिखाबत रह्या, जउने कोऊ ओही गलत न कहँइ पामँय, अउर जउन हमार बिरोध करत हें, उनहीं कउनव गलती न मिलय जउने ऊँ सरमिन्दा होंय।

इब्रानियन 13:4

अउर काज-बिआह सबके बीच माहीं मान-सम्मान के बात समझी जाय, अउर उनखर बिछउना निस्कलंक होंइ चाही, अरथात जिनखर बिआह होत हय, उनहीं पबित्र होंइ चाही, काहेकि परमातिमा ब्यभिचारिन, अउर दुसरे के मेहेरिआ के साथ नजायज सम्बन्ध बनामँइ बालेन के न्याय करिहँय।