1 तीमुथियुस 5:13 - Bagheli Bible

¹³ एखे साथय-साथ ऊँ घरन-घरन बागत फिरती हईं, अउर काम धंधा करब छोंड़िके आलसी बन जाती हईं, अउर केबल आलसी भर नहीं, बलकिन बेफालतू के बात करत रहती हईं, अउर दुसरे के कामन माहीं टाँग अँड़उती हईं, अउर अनुचित बातँय बोलती हईं।

1 तीमुथियुस 5:13 ပူးပေါင်းရင်းမြစ်များ

लूका 10:7

जउने घर माहीं जया, उहय घर माहीं रह्या, अउर जउन कुछू उआ घर के मनई खबामँय, उहय खया-पिया, काहेकि मजूर काहीं आपन मजूरी जरूर मिलँय चाही; खाँय के खातिर घर-घर न जया।

खास चेलन 20:20

अउर जउन-जउन बातँय अपना पंचन के फायदा के रही हँय, उनहीं बतामँइ माहीं अउर घर-घर जाइके मनइन काहीं सिखामँइ माहीं कबहूँ अरचन नहीं मानेन।

खास चेलन 20:30

इहाँ तक कि अपना पंचन के बीचय म से अइसन मनई तइआर होइहँय, जउन चेलन काहीं अपने पीछे खींच लेंइ के खातिर, बातन काहीं टोर-मरोरिके कइहँय।

1 तीमुथियुस 5:12

ऊँ परमातिमा के नजर माहीं दोसी ठहरती हईं, काहेकि ऊँ मसीह के साथ कीन अपने वादा काहीं छोंड़ि दिहिन हीं।

तीतुस 1:11

इआमेर के मनइन काहीं गलत साबित कइके उनखर मुँह बंद करँइ चाही, काहेकि ईं लोग जादा पइसा कमाँय के खातिर, लोगन काहीं गलत सिच्छा दइके, पूरे घर के लोगन काहीं बिगाड़ देत हें।

याकूब 3:10

एकय मुँहे से सराप अउर धन्यबाद दोनव निकरत हें, हे हमार भाई-बहिनिव, तोंहईं इआमेर से न होंइ चाही।

1 पतरस 4:15

पय तूँ पंचे इआ ध्यान रख्या, कि तोंहरे पंचन के बीच म से कउनव मनई, मसीह के नाम के अलाबा, कतल करँइ के कारन, इआ कि चोरी करँइ के कारन, इआ कि कुकर्मी होंइ के कारन, इआ कि दुसरे के काम माहीं टाँग अड़ामँइ के कारन दुख न पाबय।

3 यूहन्ना 1:10

एसे जब हम अउब, त ओखे कामन काहीं जउन उआ कइ रहा हय, सुधि देबाउब, कि उआ हमरे बारे माहीं बुरी-बुरी बात कहत हय; अउर एखे बादव ओही सन्तोस नहीं मिलय, अउर खुदय बिसुआसी भाइन काहीं सोइकार नहीं करय, अउर उनहीं जउन हमरे बातन काहीं अपनामँइ चाहत हें, बरज देत हय, अउर मसीही मन्डली से निकार देत हय।