1 तीमुथियुस 5:12 - Bagheli Bible

¹² ऊँ परमातिमा के नजर माहीं दोसी ठहरती हईं, काहेकि ऊँ मसीह के साथ कीन अपने वादा काहीं छोंड़ि दिहिन हीं।

1 तीमुथियुस 5:12 ပူးပေါင်းရင်းမြစ်များ

1 कुरिन्थियन 11:34

पय अगर सचमुच कोहू काहीं खुब भूँख लगी होय, त ओही अपने घरय माहीं खाय लेंइ चाही, कि जउने तोंहार पंचन के एकट्ठा होब, परमातिमा से सजा पामँइ के कारन न बनय, अउर जब हम तोंहरे पंचन के लघे अउब, त दुसरे बातन काहीं समझाय देब।

गलातियन 1:6

हमहीं बड़ा अचरज होत हय, कि तूँ पंचे ऊँ परमातिमा काहीं जउन मसीह के किरपा अउर मदत से तोंहईं पंचन काहीं चुनिन रहा हय, उनहीं एतना हरबी छोंड़िके, जउन खुसी के खबर मसीह के न होय, ओही अपनामँइ लागे हया।

1 तीमुथियुस 5:11

पय जमान बिधबन के नाम मसीही मन्डली के मदत सूची माहीं न लिख्या, काहेकि जब ऊँ मसीह के बचन काहीं मानब छोंड़िके, भोग-बिलास माहीं परि जाती हँय, त ऊँ बिआह करँय चहती हईं।

1 तीमुथियुस 5:13

एखे साथय-साथ ऊँ घरन-घरन बागत फिरती हईं, अउर काम धंधा करब छोंड़िके आलसी बन जाती हईं, अउर केबल आलसी भर नहीं, बलकिन बेफालतू के बात करत रहती हईं, अउर दुसरे के कामन माहीं टाँग अँड़उती हईं, अउर अनुचित बातँय बोलती हईं।

याकूब 3:1

हे हमार भाई-बहिनिव, तोंहरे पंचन म से खुब जने उपदेसक न बनँय, काहेकि तूँ पंचे त जनतेन हया, कि हम पंचे जउन उपदेस देंइ बाले हएन, त हमार पंचन के न्याय अधिक कड़ाई के साथ कीन जई।

1 पतरस 4:17

काहेकि उआ समय आइगा हय, कि पहिले परमातिमा के ऊपर बिसुआस करँइ बाले मनइन के न्याय कीन जाय। अउर जब न्याय के सुरुआत, हमहिन पंचन से होई। त उनखर अन्त माहीं का हाल होई, जउन परमातिमा के खुसी के खबर काहीं नहीं मानँय?