1 तीमुथियुस 5:10 - Bagheli Bible

¹⁰ अउर भलाई के कामन काहीं करँइ माहीं ओखर नाम आँगे रहा होय, अपने लड़िकन-बच्चन काहीं निकहा से पालिस-पोसिस होय; अउर महिमानन के सेबा किहिस होय, अउर उआ बिसुआसिअन के गोड़ धोइस होय, अउर दीन-दुखिअन के मदत किहिस होय, अउर भलाई के कामन काहीं मन लगाइके किहिस होय।

1 तीमुथियुस 5:10 ပူးပေါင်းရင်းမြစ်များ

मत्ती 25:17

अउर इहइमेर से जेही दुइठे थइली मिली रही हँय, त उहव घलाय दुइ थइली पइसा अउर कमान।

मत्ती 5:16

उहयमेर से तोंहार पंचन के निकहे काम उँजिआर कि नाईं मनइन के आँगे चमकँइ, जउने ऊँ पंचे तोंहरे निकहे कामन काहीं देखिके स्वरग माहीं रहँइ बाले तोंहरे पिता परमातिमा के बड़ाई करँय।”

लूका 7:38

अउर यीसु के गोड़े के लघे पीछे ठाढ़ होइके, रोबत-रोबत उनखे गोड़न काहीं आँसू से भिजाइके, अपने मूँड़े के बार से पोंछँइ लाग, अउर उनखे गोड़ेन काहीं बेर-बेर चूम के अँतर मलिस।

लूका 7:44

अउर उआ मेहेरिआ कइती फिरिके यीसु समौन से कहिन, “का तूँ इआ मेहेरिआ काहीं देखते हया? हम तोंहरे घर माहीं आएन, अउर तूँ हमरे गोड़ धोमँइ के खातिर पानिव तक नहीं दिहा, पय इआ मेहेरिआ हमरे गोड़न काहीं अपने अँसुअन से फुलाइके, अउर अपने मूँड़े के बालन से पोंछिस ही।

खास चेलन 10:22

तब ऊँ पंचे कहिन, “कुरनेलियुस सुबेदार जउन धरमी मनई हें, अउर परमातिमा के भय मानँइ बाले, अउर यहूदी जाति माहीं उनखर खुब सम्मान हय, ऊँ स्वरगदूत से इआ हुकुम पाइन हीं, कि अपना काहीं अपने घर माहीं बोलाइके अपना से बचन सुनँय।”

खास चेलन 22:12

अउर हनन्याह नाम के मनई जउन मूसा के बिधान के मुताबिक भक्त, अउर जिनखर उहाँ के रहँइ बाले सगले यहूदी लोगन माहीं बड़ा नाम रहा हय, हमरे लघे आएँ।

खास चेलन 6:3

एसे हे भाइव, अपने बीच म से सातठे नीक मनइन काहीं चुनि ल्या, जउन पबित्र आत्मा से भरपूर अउर बुद्धिमान होंय, कि जउने उनहीं हम पंचे इआ काम करँइ के जिम्मेबारी सउँपि देई।

खास चेलन 9:36

अउर याफा सहर माहीं एकठे तबीता नाम के बिसुआसिन रहत रही हय, जउन दोरकास नाम से घलाय जानी जात रही हय, उआ खुब निकहे-निकहे काम करत रही हय, अउर गरीबन काहीं दान देत रही हय।

खास चेलन 9:39

तब पतरस ठाढ़ होइके उनखे साथ चल दिहिन, अउर जब ऊँ उहाँ पहुँचे, तब ऊँ पंचे उनहीं अँटरिया माहीं लइगें; सगली बिधबा मेहेरिआ रोबत उनखे लघे आइके ठाढ़ होइ गईं, अउर जउन कुरथा अउर ओन्हा, दोरकास उनखे साथ माहीं रहत समय बनाइन तय, उनहीं देखामँइ लागीं।

रोमियन 12:13

अउर परमातिमा के पबित्र मनइन काहीं जउन जरूरत होय, त उनखर मदत करा; अउर महिमानन के स्वागत-सतकार करँइ माहीं लगे रहा।

इफीसियन 2:10

काहेकि हम पंचे परमातिमा के बनए आहेन; अउर ऊँ यीसु मसीह के द्वारा हमहीं पंचन काहीं एसे बनाइन हीं, कि हम पंचे निकहे कामन काहीं करी, जिनहीं परमातिमा पहिलेन से तइआर किहिन हीं, कि जउने हम पंचे उँइन कामन काहीं करत आपन जीबन बिताई।

कुलुस्सियन 1:10

जउने तोंहार चाल-चलन प्रभू के काबिल होय, अउर तूँ पंचे हरेकमेर से प्रभू काहीं प्रसन्न करँइ बाला जीबन जिअा, अउर तूँ पंचे हरेकमेर के भलाई के कामन काहीं करँइ माहीं लगे रहा, अउर परमातिमा के ग्यान माहीं लगीतार बढ़त जा।

1 तीमुथियुस 2:10

काहेकि जउन मेहेरिआ खुद काहीं परमातिमा के भक्ती करँइ बाली मनती हईं, उनखे खातिर इआ उचितव हय।

1 तीमुथियुस 3:2

एसे अँगुआ काहीं अइसा जीबन जिअँइ चाही, कि ओही कोऊ बुरा न कहे पाबय, अउर ओखे केबल एकयठे मेहेरिआ होय, अउर उआ खुद काहीं काबू माही रक्खँइ बाला होय, अउर सगले मनइन के साथ निकहा बेउहार करँइ बाला होय, अउर सभ्य, अउर महिमानन के स्वागत-सत्कार करँइ बाला होय, अउर उआ सिच्छा देंइ माही निपुन होय।

1 तीमुथियुस 3:7

अउर मसीही मन्डली के अलाबव, गाँव समाज के मनइव ओखर मान-सम्मान करत होंय, अइसन न होय कि उआ निन्दित होइके, जइसा पंछी सिकारी के जाल माहीं फँसि जात हय, उहइमेर उहव सइतान के जाल माहीं फँसि जाय।

1 तीमुथियुस 5:16

अगर कउनव बिसुआसिअन के घर माहीं बिधबा होंय, त उँइन पंचे ओखर मदत करँय, जउने उआ बिधबा के मसीही मन्डली के ऊपर बोझ न परय, जउने मसीही मन्डली ऊँ बिधबन के मदत कइ सकय, जउन वास्तव माहीं मदत के काबिल हईं।

1 तीमुथियुस 5:25

उहयमेर भलाई के काम घलाय, सब मनइन काहीं मालुम परि जात हें, पय जउन मालुम नहीं होए पामँय, ऊँ घलाय छुप नहीं सकँय।

1 तीमुथियुस 6:18

अउर ऊँ भलाई करँइ अउर भलाई के कामन काहीं करँइ माहीं धनी बनय, अउर ओदार, अउर अपने धन से दुसरेन के मदत करँइ के खातिर हमेसा तइआर रहँय।

2 तीमुथियुस 1:5

हमहीं यीसु मसीह के ऊपर किहे तोंहरे निस्कपट बिसुआस के सुधि आबत ही, जउन मेर पहिले तोंहार नानी लोइस अउर महतारी यूनीके करत रही हँय, अउर हमहीं इआ पूर बिसुआस हय, कि तूँ उहयमेर निस्कपट बिसुआस अबहिनव करते हया।

2 तीमुथियुस 2:21

एसे अगर कउनव मनई खुद काहीं बुराइन से सुद्ध करी, त उआ निकहे कामन माहीं काम आमँइ बाले बरतन कि नाईं पबित्र ठहरी, अउर अपने मालिक के काम अई, अउर हरेक निकहे कामन के खातिर तइआर रही।

2 तीमुथियुस 3:15

अउर लड़िकइन से पबित्र सास्त्र तोंहार जाना हय, जउन तोहईं मसीह यीसु के ऊपर बिसुआस किहे से, मुक्ती पामँइ के खातिर बुद्धिमान बनाय सकत हय।

2 तीमुथियुस 3:17

जउने परमातिमा के ऊपर बिसुआस करँइ बाले, बिसुआस माहीं मजबूत बनिके, हरेक भलाई के कामन के खातिर उपयोगी बन जाँय।

तीतुस 2:14

यीसु मसीह अपने इच्छा से हमरे पँचन खातिर मउत काहीं अपनाइन हीं, कि जउने हमहीं पँचन काहीं हरेकमेर के अधरम से छोड़ाय लेंय, अउर सुद्ध कइके अपने खातिर अइसन प्रजा बनाय लेंय, जउन निकहे-निकहे कामन काहीं करँइ के खातिर हरेक समय तइआर रहँय।

तीतुस 2:7

तूँ जउन कुछू काम करा ऊँ निकहे होंय, जउने ईं सब कामन काहीं देखिके, जमान लोग उहयमेर जीबन जिअँइ। अउर तूँ जउन सिखाबा उआ निस्कपट होंइ चाही, जउने काहीं सुनिके लोग-बाग अपनाय सकँय।

तीतुस 3:1

मसीही लोगन काहीं सुधि देबाबत रहा, कि ऊँ हाकिम अफसरन के सम्मान करँय, अउर उनखे हुकुमन काहीं मानँय, अउर हरेक निकहे कामन काहीं करँइ के खातिर तइआर रहँय।

तीतुस 3:14

हे तीतुस, तूँ सगले मसीही भाइन काहीं सिखाबा, कि ऊँ निकहे काम करत रहँय, जउने एक दुसरे के जरूरत काहीं पूर कइ सकँय, अउर उनखे कामन के व्दारा दुसरे लोगन काहीं फायदा मिलय।

तीतुस 3:8

अउर ईं सगली बात सही हईं, अउर सगले मनइन के खातिर लाभदायक हईं, एसे हम चाहित हएन, कि तूँ ईं सगली बातन के बारे माहीं जोर दइके लोगन काहीं बताबा, एसे कि जउन लोग परमातिमा के ऊपर बिसुआस करत हें, ऊँ भले-भले कामन काहीं करँइ माहीं ध्यान देंय।

इब्रानियन 10:24

एसे आबा, प्रेम करँइ के खातिर, अउर भलाई के कामन काहीं करँइ के खातिर, एक दुसरे काहीं उत्साहित करी।

इब्रानियन 13:2

अउर तूँ पंचे महिमानन के स्वागत-सत्कार करब कबहूँ न बिसराया, काहेकि एहिन के द्वारा कुछ मनई अनजाने माहीं स्वरगदूतन के स्वागत-सतकार किहिन हीं।

इब्रानियन 13:21

अउर उँइन परमातिमा तोंहईं पंचन काहीं, हरेक निकही बातन माहीं परिपूर्न करँय, जउने तूँ पंचे उनखे मरजी काहीं पूर करा, अउर उनहीं जउन कुछू नीक लागत हय, ओही ऊँ यीसु मसीह के द्वारा हमरे पंचन के भीतर पइदा करँय, अउर उनहिन के बड़ाई जुग-जुग होत रहय। आमीन।

1 पतरस 2:12

गैर मसीही मनइन के बीच माहीं, तोंहार चाल-चलन निकहा होंइ चाही; एसे कि जउने-जउने बातन माहीं, ऊँ पंचे तोहईं कुकर्मी जानिके बदनाम करत हें, ऊँ पंचे तोंहरे निकहे कामन काहीं देखिके; ईंन निकहे कामन के कारन परमातिमा के न्याय करँइ बाले दिन काहीं, परमातिमा के बड़ाई करँय।

1 पतरस 4:9

अउर बिना कुड़-कुड़ाए, एक दुसरे के निकहा स्वागत-सत्कार करा।

3 यूहन्ना 1:12

दिमेत्रियुस के बारे माहीं सबय कोऊ सराहत हें, बलकिन सत्य घलाय खुदय गबाह हय, अउर हमहूँ पंचे घलाय सराहित हएन, अउर तूँ त जनतेन हया, कि हमार पंचन के गबाही सही हय।