1 तीमुथियुस 5:1 - Bagheli Bible

¹ हे तीमुथियुस, मसीही मन्डली माहीं जउन तोंहसे उमिर माहीं बड़े हँय उनहीं न डाँट्या; बलकिन उनहीं बाप कि नाईं जानिके समझाय दिहा, अउर जमानन काहीं भाई जानिके;

1 तीमुथियुस 5:1 ပူးပေါင်းရင်းမြစ်များ

मत्ती 23:8

पय तूँ पंचे खुद काहीं मनइन से गुरू न कहबाया, काहेकि तोंहार पंचन के एकइठे गुरू हें; अउर तूँ पंचे सगले जन भाई-बहिनी आह्या।

खास चेलन 14:23

अउर ऊँ पंचे हरेक मसीही मन्डली माहीं उनखे खातिर अँगुआ चुनिन, अउर उपबास समेत प्राथना कइके, उनहीं प्रभू काहीं सउँपि दिहिन, जिनखे ऊपर ऊँ पंचे बिसुआस किहिन रहा हय।

खास चेलन 15:4

जब ऊँ पंचे यरूसलेम सहर माहीं पहुँचे, तब मसीही मन्डली के मनई, अउर यीसु के खास चेला लोग, अउर मुखिया लोग, उनसे आनन्द के साथ मिलें, अउर ऊँ पंचे बताइन, कि “परमातिमा उनखे साथ माहीं रहिके कइसन-कइसन अचरज के काम किहिन रहा हय।”

खास चेलन 15:6

तब यीसु के खास चेला लोग, अउर मुखिया इआ बात के बारे माहीं बिचार करँइ के खातिर एकट्ठा भें।

खास चेलन 20:17

अउर ऊँ मिलेतुस सहर से इफिसुस सहर माहीं सँदेस पठबाइके, मसीही मन्डली के अँगुअन काहीं बोलबाइन।

रोमियन 13:7

एसे हरेक जन के हक्क चुकाबा करा, जइसन जेही कर देंइ चाही ओही कर द्या, अउर जेही चुंगी नाका माहीं पइसा देंइ चाही, ओही पइसा द्या; अउर जेसे डेराँइ चाही त ओसे डेरा; अउर जेखर मान-सम्मान करँइ चाही, त ओखर मान-सम्मान करा।

गलातियन 6:1

हे भाई-बहिनिव, अगर तोंहरे पंचन म से कोऊ कउनव अपराध माहीं पकड़ा जाय, त जउन तूँ पंचे आत्मा के मुताबिक चलते हया, नम्रता के साथ, सही गइल म आमँय माहीं ओखर मदत करा, अउर तुहूँ पंचे सतरक रहा, जउने कउनव परिच्छा माहीं न परा।

1 तीमुथियुस 5:17

जउन पुरान बिसुआसी मसीही मन्डली के सगला प्रबन्ध निकहा से करत हें, खास करके उँइ जउन बचन सुनामँइ अउर सिखामँइ माहीं मेहनत करत हें, उँइ दुगुने मान-सम्मान के काबिल समझे जाँय।

1 तीमुथियुस 5:2

अउर अपने से उमिर माहीं बड़ी मेहेरिअन काहीं, महतारी कि नाईं समझिके, अउर जमान मेहेरिअन काहीं अपने मन माहीं बिना बुरे बिचार किहे, पूरी पबित्रता के साथ बहिनी जानिके समझाय दिहा।

तीतुस 2:2

जउने बुढ़ान मनई हुसिआर, अउर गम्भीर, अउर नीक-नागा पहिचानँय बाले होइ जाँय, अउर ऊँ बिसुआस रक्खँय माहीं, अउर प्रेम रक्खँय माहीं, अउर धीरज धरँय माहीं, मजबूत होइ जाँय।

तीतुस 2:6

इहइमेर तूँ जमान मनइन काहीं घलाय समझाबा करा, कि ऊँ अपने ऊपर काबू रक्खँइ बाले बनँय।

याकूब 3:17

पय जउन ग्यान परमातिमा के तरफ से आबत हय, उआ पहिले त पबित्र होत हय, अउर मिलनसार, कोमल अउर मीठ बोलँइ बाला अउर दयालू, अउर निकहे फर से लदा, अउर बिना पच्छपात के, अउर बिना कपट के होत हय।

याकूब 5:14

अगर तोंहरे पंचन म से कोऊ बिमार होय, त मसीही मन्डली के अँगुअन काहीं बोलाबय, अउर उँइ प्रभू के नाम से ओखे तेल लगाइके प्राथना करँय।

1 पतरस 5:1

तोंहरे पंचन के बीच माहीं जउन मसीही मन्डली के अँगुआ हें, हमहूँ उनहिन कि नाईं अँगुआ हएन, अउर मसीह जउन दुख सहिन हीं, हम ओखर गबाह हएन, अउर प्रगट होंइ बाली महिमा माहीं भागीदार होइके, उनहीं पंचन काहीं इआ समझाइत हएन।

2 यूहन्ना 1:1

हम मसीही मन्डली के अँगुआ आहेन, हमरे तरफ से परमातिमा के व्दारा चुनी उआ बहिनी, अउर ओखे लड़िका बिटिअन के नाम, जिनसे हम सच्चा प्रेम रक्खित हएन, अउर केबल हमहिन भर नहीं, बलकिन ऊँ सगले जने तोंहसे प्रेम रक्खत हें, जउन सत्य काहीं जानत हें;

3 यूहन्ना 1:1

हम मसीही मन्डली के अँगुआ आहेन, हमरे तरफ से पियार गयुस के नाम, जेसे हम सच्चा प्रेम करित हएन।

दरसनन के बातँय 4:4

अउर उआ सिंहासन के चारिव कइती चउबिस सिंहासन हें; अउर ईं सिंहासनन के ऊपर चउबिस अँगुआ उजर ओन्हा पहिरे बइठ हें, अउर उनखे मूँड़ेन माहीं सोने के मुकुट हें।