1 तीमुथियुस 4:8 - Bagheli Bible

⁸ काहेकि कसरत कइके देंह काहीं मजबूत बनामँइ से खुब फायदा नहिं आय, पय परमातिमा के सत्य सिच्छा बताउब सगली बातन के खातिर फायदे मन्द ही, काहेकि इहव समय माहीं फायदा हय, अउर अनन्त जीबन देंइ के करार, एहिन खातिर कीन गे ही।

1 तीमुथियुस 4:8 ပူးပေါင်းရင်းမြစ်များ

मत्ती 12:32

अउर जे कोऊ मनई के लड़िका के बिरोध माहीं कउनव बात कही, ओखर इआ अपराध माफ कइ दीन जई, पय जे कोऊ पबित्र आत्मा के बिरोध माहीं कुछू कही, त ओखर इआ अपराध न त इआ संसार माही माफ कीन जई, अउर न त स्वरग माहीं माफ कीन जई।”

मत्ती 19:29

अउर जे कोऊ अपने घर-दुआरन, भाई-बहिनिन, महतारी-बाप, लड़िकन-बच्चन, अउर खेत-पातन काहीं हमरे नाम के खातिर छोंड़ि दिहिस ही, त ओही इनखे बदले माहीं सव गुना मिली; अउर उआ अनन्त जीबन के बारिसदार होई।

मत्ती 6:33

एसे पहिले तूँ पंचे परमातिमा के राज, अउर जउन उनखे नजर माहीं निकहा हय ओखर खोज करा, त ईं सगली चीजँय तोंहईं मिल जइहँय।

मरकुस 10:30

अउर अब इआ समय माहीं सव गुना न पाइस होय, अपने घरन, अउर भाइन अउर बहिनिन, अउर महतारिन, अउर लड़िकन-बच्चन, अउर खेतन काहीं, पय परमातिमा के खातिर सताव काहीं सहिके स्वरग माहीं अनन्त जीबन पाई,

लूका 5:38

एसे नबा अंगूर के रस नई मसकन माहीं भरँइ चाही।

रोमियन 8:28

अउर हम पंचे इआ जानित हएन, कि जेतने मनई परमातिमा से प्रेम करत हें, अउर परमातिमा के मरजी के मुताबिक बोलाए गे हँय, त परमातिमा उनखे जीबन माहीं जउन कुछू करत हें, त उनखे भलाइन के खातिर करत हें।

1 कुरिन्थियन 3:22

चाह पवलुस होय, चाह अपुल्लोस होय, चाह पतरस होय, चाह संसार के सगली चीजँय होंय, चाह तूँ पंचे जिन्दा रहा, चाह मरिजा, चाह इआ समय के बातँय होंय, अउर चाह भबिस्य के बातँय होंय, सब कुछू तोंहरे पंचन के भलाइन के खातिर आय।

1 कुरिन्थियन 8:8

पय खाना हमहीं पंचन काहीं परमातिमा के लघे नहीं पहुँचाबय, चाह हम पंचे खई, त ओसे हमहीं कउनव फायदा न होई, अउर चाह न खई, त हमहीं पंचन काहीं कुछू नुकसान न होई।

1 तीमुथियुस 4:7

पय तूँ बुढ़ान मनइन के व्दारा सुनाई जाँय बाली उन मनगढ़ंत किस्सा-कहानिन से दूरी रहा, जिनखर परमातिमा के बचन से कउनव लेन-देन नहिं आय, अउर परमातिमा के सत्य सिच्छा मनइन काहीं सिखामँइ माहीं लगे रहा।

1 तीमुथियुस 6:3

अगर कोऊ यीसु मसीह के उपदेस काहीं छोंड़िके, दूसर मेर के उपदेस देत हय; अउर सही बातन काहीं, मतलब हमरे पंचन के प्रभू यीसु मसीह के बातन काहीं, अउर उआ उपदेस काहीं, जउन मनइन काहीं परमातिमा के इच्छा के मुताबिक जीबन जिअँइ माहीं मदत करत हय, उआ नहीं मानय।

1 तीमुथियुस 6:5

अउर ऊँ मनइन माहीं फालतू के लड़ाई-झगड़ा पइदा होइ जात हें, अउर आपन नीक-नागा सोचँइ के उनखे अकिल नहिं आय। अउर ऊँ सत्य काहीं छोंड़ि दिहिन हीं, अउर इआ सोचत हें, कि परमातिमा के बचन सुनाउब पइसा कमाय के एकठे जरिया आय।

1 तीमुथियुस 6:6

जेतना जेही मिला हय, उआ ओतनेन माहीं सन्तोस मानिके, परमातिमा के भक्ती करत हय, त उहय ओखर सबसे बड़ी कमाई आय।

2 तीमुथियुस 3:5

ऊँ पंचे अइसन ढोंग करिहँय, कि परमातिमा के सगलेन से बड़े भक्त उँइन आहीं, पय परमातिमा के सामर्थ काहीं न मनि हँय, अइसन मनइन से तूँ दूरिन रह्या।

तीतुस 3:8

अउर ईं सगली बात सही हईं, अउर सगले मनइन के खातिर लाभदायक हईं, एसे हम चाहित हएन, कि तूँ ईं सगली बातन के बारे माहीं जोर दइके लोगन काहीं बताबा, एसे कि जउन लोग परमातिमा के ऊपर बिसुआस करत हें, ऊँ भले-भले कामन काहीं करँइ माहीं ध्यान देंय।

इब्रानियन 13:9

एसे तूँ पंचे हरेकमेर के बाहिरी उपदेसन के बातन माहीं न परा, जउन बिसुआस से भटकाय देती हईं। बलकिन अपने मन काहीं परमातिमा के किरपा से बिसुआस माहीं मजबूत करा, इआ नहीं कि तूँ पंचे खाँय-पिअँइ के नेमन माहीं परि जा, काहेकि जे कोऊ ईं खाँय-पिअँइ के नेमन काहीं मानत हें, उनहीं आत्मिक जीबन के खातिर कउनव फायदा नहीं भ आय।

1 यूहन्ना 2:25

अउर परमातिमा हमहीं पंचन काहीं अनन्त जीबन देंइ के बचन दिहिन हीं।

दरसनन के बातँय 3:12

जे बिजय पाई, ओही हम परमातिमा के मन्दिर माहीं एकठे खम्भा बनाउब; अउर उआ पुनि कबहूँ बहिरे न निकरी; अउर हम अपने परमातिमा के नाम, अउर अपने परमातिमा के सहर, अरथात नबा यरूसलेम सहर के नाम, जउन हमरे परमातिमा के लघे से, अरथात स्वरग से उतरँय बाला हय, अउर आपन नबा नाम ओखे ऊपर लिखब।

दरसनन के बातँय 3:21

जे बिजय पाई, ओही हम अपने साथ अपने सिंहासन माहीं बइठाउब, जइसन हमहूँ घलाय बिजय पाइके, अपने पिता के साथ उनखे सिंहासन माहीं बइठि गएन हय।