1 तीमुथियुस 4:6 - Bagheli Bible

⁶ हे तीमुथियुस, अगर तूँ ईं सगली बातन काहीं सगले बिसुआसी भाई-बहिनिन काहीं सुध देबाबत रइहा, त तूँ मसीह यीसु के निकहे सेबक कहइहा, जिनखर आत्मिक लालन-पालन, परमातिमा के ऊपर बिसुआस, अउर उहय सत्य सिच्छा के व्दारा होत हय, जेही तूँ अपनाए हया।

1 तीमुथियुस 4:6 ပူးပေါင်းရင်းမြစ်များ

मत्ती 13:52

तब यीसु उनसे कहिन, कि “एसे हरेक यहूदी बिधान सिखामँइ बाला, जउन स्वरगराज के चेला बना हय, उआ, घर के उआ मालिक कि नाईं हय, जउन अपने भन्डार से नई अउर पुरान चीजँय निकारत हय।”

लूका 1:3

तब यीसु मसीह के बारे माहीं जउन घटना घटी हँय, सुरुआत से उनहीं निकहा से जाँचे-परखे के बाद हम इआ निरनय लिहेन हय, कि इनखे बारे माहीं बड़े ध्यान से अउर क्रम से तोंहईं लिखी।

खास चेलन 1:15

अउर उँइन दिनन माहीं पतरस बिसुआसी भाइन के बीच माहीं ठाढ़ होइके, जउन एक सव बीस जन के करीब रहे हँय, कहँइ लागें।

खास चेलन 20:31

एसे जागत रहा; अउर सुध करा; कि हम तीन बरिस तक रात-दिना आँसू बहाय-बहाइके, हरेक जन काहीं चेतउनी देब नहीं छोंड़ेन।

खास चेलन 20:35

अउर हम अपना पंचन काहीं सब कुछ कइके देखायन हय, कि कउनमेर से मेहनत कइके कमजोर मनइन के मदत करँइ चाही, अउर हमहीं पंचन काहीं प्रभू यीसु के कहे उआ बचन काहीं हमेसा सुध रक्खँइ चाही, जउने काहीं ऊँ खुदय कहिन तय, कि ‘लेंइ से देब भला होत हय’।”

रोमियन 15:15

तऊ हम तोंहईं पंचन काहीं, इआ चिट्ठी माहीं पुनि सुधि देबामँइ के खातिर, कुछ बातन के बारे माहीं कहँव-कहँव बड़ा साहस कइके लिखेन हय। अउर हम ईं बातन काहीं उआ किरपा के कारन लिखेन हय, जउन परमातिमा हमहीं दिहिन हीं।

1 कुरिन्थियन 4:17

एसे हम तीमुथियुस काहीं, तोंहरे लघे पठएन हँय, जउन प्रभू माहीं बिसुआस करँइ के कारन, हमार पियार अउर बिसुआस के काबिल लड़िका आहीं। अउर हम हरेक जघा माहीं, अउर हरेक मसीही मन्डली माहीं मसीह के बारे माहीं जउन उपदेस देइत हएन, ऊँ उनखे बारे माहीं तोहईं पंचन काहीं सुध देबइहँय।

2 कुरिन्थियन 11:23

अगर ऊँ पंचे खुद काहीं मसीह के सेबक समझत हें, त हमहूँ पागल कि नाईं इआ कहित हएन, कि हम उनसे बढ़िके हएन। चाह उआ मेहनत करँइ माहीं होय, चाह उआ बेर-बेर जेल जाँइ माहीं होय, चाह उआ चाबुक से मार खाँइ माहीं होय। चाह उआ बेर-बेर मउत के मुँहे म जाँइ माहीं होय।

2 कुरिन्थियन 3:6

उँइन हमहीं पंचन काहीं नई करार के सेबक बनँइ के काबिल बनाइन हीं। मूसा के बिधान के सेबक नहीं, बलकिन पबित्र आत्मा के सेबक बनाइन हीं, काहेकि मूसा के बिधान मउत के सजा सुनाबत हय, पय पबित्र आत्मा जीबन देत हय।

2 कुरिन्थियन 6:4

बलकिन हम पंचे परमातिमा के सेबक के रूप माहीं, खुद काहीं निकहा साबित करित हएन, बड़े धीरज के साथ दुख-मुसीबत माहीं, गरीबी माहीं, संकटन माहीं,

इफीसियन 6:21

अउर तुखिकुस जउन पियार भाई अउर प्रभू यीसु के बिसुआस के काबिल सेबक आहीं, तोंहईं पंचन काहीं हमरे बारे माहीं सगली बातँय बतइहँय, कि जउने तूँ पंचे इआ जाना, कि हम कउने हाल माहीं रहित हएन।

फिलिप्पियन 2:20

काहेकि हमरे लघे इनखे सुभाव कि नाईं अउर कउनव मनई नहिं आय, जउन तोंहरे भलाई के खातिर सच्चे मन से चिन्ता करत होय।

फिलिप्पियन 2:22

पय तूँ पंचे, तीमुथियुस काहीं अजमाइके जानिव लिहा हय, कि जइसन लड़िका अपने बाप के साथ मेहनत करत हय, उहयमेर खुसी के खबर के प्रचार करँय माहीं ऊँ हमरे साथ मेहनत किहिन हीं।

फिलिप्पियन 3:16

एसे जउने सत्य तक हम पंचे पहुँच चुकेन हय, ओहिन के मुताबिक चलत रही।

कुलुस्सियन 2:19

अउर अइसन मनई अपने-आप काहीं मसीह के अधीन नहीं रक्खय जउन सिरोमनि आहीं, उँइन जोड़न अउर नसन से सगले देंह के पालन-पोसन करत हें, अउर सगले देंह के अंगन काहीं एक साथ जोड़िके, परमातिमा कइती बढ़ाबत जात हें।

कुलुस्सियन 3:16

अउर मसीह के बचन काहीं जादा से जादा अपने हिरदँय माहीं बसाबा, जउने परमातिमा के ग्यान से भरपूर होइके एक दुसरे काहीं सिखाबा, अउर गलती करँइ त चेताबा, अउर परमातिमा के इआ किरपा के कारन उनखे खातिर अपने-अपने मनन माहीं भजन, स्तुति के गाना, अउर आत्मिक गाना गाबत रहा।

कुलुस्सियन 4:7

पियार भाई तुखिकुस जउन बिसुआस के काबिल सेबक हें, अउर प्रभू के सेबा माहीं हमार साथ देंइ बाले साथी आहीं, उँइन हमरे बारे माहीं सगली बातन काहीं तोंहईं बतइहँय।

1 थिस्सलुनीकियन 3:2

अउर हम तीमुथियुस काहीं जउन मसीह के खुसी के खबर के प्रचार करँइ माहीं हमार सहयोगी भाई, अउर परमातिमा के सेबक आहीं, उनहीं एसे पठएन हय, कि ऊँ तोंहईं समझाइके बिसुआस माहीं मजबूत बनामँइ,

1 तीमुथियुस 1:10

अउर ब्यभिचारिन, जउन मंसेरुअय, मंसेरुअय एक दुसरे के साथ गलत सम्बन्ध बनाबत हें, अउर मनइन काहीं बेचँय बालेन, अउर झूँठ बोलँइ बालेन, अउर झूँठ किरिआ करँइ बालेन, अउर इनखे अलाबव सत्य उपदेस के सगले बिरोधिन के खातिर ठहराए गे हँय।

1 तीमुथियुस 4:16

अउर खुद के जीबन, अउर जउन उपदेस देते हया ओखर चउकसी करा, अउर ईं बातन काहीं हमेसा करत रहा, जइसन हम तोंहईं बतायन हय, काहेकि अगर तूँ इहइमेर करत रइहा, त तूँ अपने अउर सुनँइ बालेन के खातिर घलाय मुक्ती पामँइ के कारन बनिहा।

1 तीमुथियुस 6:3

अगर कोऊ यीसु मसीह के उपदेस काहीं छोंड़िके, दूसर मेर के उपदेस देत हय; अउर सही बातन काहीं, मतलब हमरे पंचन के प्रभू यीसु मसीह के बातन काहीं, अउर उआ उपदेस काहीं, जउन मनइन काहीं परमातिमा के इच्छा के मुताबिक जीबन जिअँइ माहीं मदत करत हय, उआ नहीं मानय।

2 तीमुथियुस 1:6

इहय कारन से हम तोंहईं सुध देबाइत हएन, कि तूँ परमातिमा के उआ बरदान काहीं, जउन हमरे हाँथ धइके प्राथना किहे के व्दारा तोहईं मिला रहा हय, ओखर निकहा से उपयोग करत रहा।

2 तीमुथियुस 3:10

चाह कुछू होय, पय तूँ हमरे सिच्छा के पालन किहा हय, हमरे चाल-चलन, हमरे जीबन के लच्छ, मनइन काहीं परमातिमा के बचन सुनाउब रहा हय, हमार मसीह के ऊपर बिसुआस, हरेक मेर के बातन काहीं सहँइ के हमार छमता, कइसन हम सगले लोगन के साथ धीरज अउर प्रेम से रहेन, अउर तूँ हमरे सताए जाँय, अउर दुख-मुसीबत माहीं हमार मदत किहा हय।

2 तीमुथियुस 4:3

हम इआ एसे बताइत हएन, कि एक समय अइसा अई, कि जब मनई उत्तम उपदेस काहीं सुनँय तक न चइहँय, ऊँ अपने मन के मुताबिक अपने खातिर उपदेस देंइ बालेन काहीं एकट्ठा कइ लेइहँय। ऊँ उहय उपदेस सुनइहँय, जउन ऊँ पंचे सुनँय चाहत हें।

तीतुस 2:1

पय तूँ अइसन बात कहा करा, जउन खरे उपदेस के काबिल होंय।

1 पतरस 2:2

नबा पइदा भे बच्चन कि नाईं सुद्ध आत्मिक दूध पामँइ के लालसा करा, जउने ओखे द्वारा मुक्ती पामँइ के खातिर आँगे बढ़त जा।

2 यूहन्ना 1:9

जे कोऊ मसीह के सिच्छा से आँगे बढ़ि जात हय, अउर ओखर पालन नहीं करय, ओखे लघे परमातिमा नहीं रहँय; अउर जे कोऊ मसीह के सिच्छा माहीं बना रहत हय, ओखे लघे पिता परमातिमा, अउर उनखर लड़िका यीसु मसीह घलाय रहत हें।

यहूदा 1:5

अउर हम तोंहईं पंचन काहीं इआ सुध देबामँइ के खातिर लिख रहेन हय, (काहेकि तूँ पंचे ईं सगली बातन काहीं खुदय जनते हया) कि प्रभू पहिले कइसन अपने चुने मनइन काहीं मिस्र देस के धरती से निकार लाएँ तय, अउर बाद माहीं जेतने जन उनखे ऊपर बिसुआस नहीं किहिन, त उनहीं नास कइ दिहिन तय।