1 तीमुथियुस 4:4 - Bagheli Bible

⁴ काहेकि परमातिमा जउन मनइन के खाँय के खातिर, हरेक चीजन काहीं बनाइन हीं, ऊँ सगली निकही हईं, अउर कउनव अइसा चीज नहिं आय, जिनहीं खाबा न जाय सकय; पय इआ कि परमातिमा से प्राथना अउर धन्यबाद कइके खाबा जाय।

1 तीमुथियुस 4:4 ပူးပေါင်းရင်းမြစ်များ

खास चेलन 10:15

पुनि दुसराय उनहीं इआ बोल सुनान, कि “जउन कुछू परमातिमा सुद्ध ठहराइन हीं, ओही तूँ असुद्ध न कहा।”

खास चेलन 15:29

कि तूँ पंचे मूरतिन माहीं चढ़ाए खाना से, अउर नेटई काटिके मारे गे पसुअन के माँस काहीं खाँय से, अउर ब्यभिचार से बचे रहा, त तोंहार पंचन के भला होई”। अउर तूँ पंचे नीके कुसल रहा।

खास चेलन 21:25

पय गैरयहूदी लोगन के बारे माहीं जउन प्रभू के ऊपर बिसुआस किहिन हीं, हम पंचे इआ निरनय कइके उनहीं चिट्ठी लिखिके पठयन हय, कि ऊँ पंचे मूरतिन के आँगे बली कीन माँस खाँय से, अउर खून से, नेटई काटे पसुअन के माँस खाँय से, अउर ब्यभिचार से बचे रहँय।”

रोमियन 14:14

अउर हम प्रभू यीसु के ऊपर बिसुआस करित हएन, अउर इआ निकहा से जानित हएन, कि कउनव खाँइ बाली चीज अपने-आप से असुद्ध नहीं होय, पय जे कोऊ कउनव खाँइ बाली चीज काहीं असुद्ध मानत हय, त उआ केबल ओहिन के खातिर भर असुद्ध होत ही।

रोमियन 14:20

अउर तूँ पंचे अपने खाँय-पिअँइ के कारन, परमातिमा के काम काहीं न बिगाड़ा, काहेकि सगली खाँय-पिअँइ बाली चीजँय सुद्ध त हईं, पय उआ मनई के खातिर सगली चीजन काहीं खाब ठीक नहिं आय, जउन दुसरे भाई-बहिनिन काहीं पाप के गइल माहीं लइ जाती हँय।

रोमियन 14:6

अउर जे कोऊ एक दिन काहीं दुसरे दिन से बढ़िके मानत हय, त उआ ओही प्रभू काहीं सम्मान देंइ के खातिर मानत हय। अउर जे कोऊ सब चीजन काहीं खात हय, उहव प्रभू काहीं सम्मान देंइ के खातिर खात हय, काहेकि उआ जउन कुछू खात हय, ओखे खातिर परमातिमा के धन्यबाद करत हय। अउर जे कोऊ कुछ चीजन काहीं नहीं खाय, उहव प्रभू काहीं सम्मान देंइ के खातिर नहीं खाय, अउर उहव परमातिमा के धन्यबाद करत हय।

1 कुरिन्थियन 10:23

सगली चीजँय उचित त हईं, पय सगली चीजँय लाभदायक नहिं आहीं, अउर सगली चीजँय उचित त हईं, पय सगली चीजन से आत्मिक उन्नति नहीं होय।

1 कुरिन्थियन 10:25

अउर बजार माहीं जउन माँस बिकत हय, त ओही बिना संकोच के खाय सकते हया, पय ग्यान होंइ के कारन अपने मन माहीं इआ संका न करा, कि कहँव इआ मूरतिन के चढ़ाबा त न होय।

1 कुरिन्थियन 10:26

काहेकि पबित्र सास्त्र माहीं इआ लिखा हय, कि “इआ धरती, अउर जउन कुछू एमाहीं हय, इआ सगला प्रभू के आय।”

1 कुरिन्थियन 10:30

अउर जउन कुछू हम पंचे खइत हएन, त परमातिमा काहीं धन्यबाद दइके खइत हएन, एसे जउने खाना काहीं हम परमातिमा काहीं धन्यबाद दइके खइत हएन, त ओही खाँय के कारन हमरे ऊपर दोस काहे लगाबा जात हय।

1 तीमुथियुस 4:3

जउन काज-बिआह करँइ से रोकि हँय, अउर खाँइ बाली कुछ चीजन काहीं न खाँइ चाही, इआ कहिके उनसे दूरी रहँइ के हुकुम देइहँय; जिनहीं परमातिमा एसे बनाइन हीं, कि बिसुआसी अउर सत्य काहीं जानँइ बाले, परमातिमा काहीं धन्यबाद दइके उनहीं खाँय।