1 तीमुथियुस 4:2 - Bagheli Bible

² इआ उन लबरी सिच्छा देंइ बाले मनइन के कपट के कारन होई, जिनखर बुद्धी भ्रस्ट होइगे ही।

1 तीमुथियुस 4:2 ပူးပေါင်းရင်းမြစ်များ

मत्ती 24:24

काहेकि लबरे मसीह, अउर परमातिमा के सँदेस बतामँइ बाले लबरे मनई तइआर होइहँय, अउर ऊँ पंचे बड़े-बड़े चिन्ह अउर अचरज के काम देखइहँय, कि होइ सकय त चुने मनइन काहीं घलाय भटकाय देंय,

मत्ती 7:15

“परमातिमा के झूँठ सँदेस बतामँइ बालेन से सचेत रहा, काहेकि ऊँ पंचे गाड़र कि नाईं भेस बनाइके तोंहरे पंचन के लघे आबत हें, पय ऊँ पंचे भीतर से डगर कि नाईं खतरनाक होत हें।

खास चेलन 20:30

इहाँ तक कि अपना पंचन के बीचय म से अइसन मनई तइआर होइहँय, जउन चेलन काहीं अपने पीछे खींच लेंइ के खातिर, बातन काहीं टोर-मरोरिके कइहँय।

रोमियन 1:28

काहेकि ऊँ पंचे परमातिमा काहीं पहिचानँय से इनकार कइ दिहिन, एसे परमातिमव उनहीं पंचन काहीं उनखे बुरे मन के मुताबिक छोंड़ दिहिन; कि जउने ऊँ पंचे अनुचित काम करँय।

रोमियन 16:18

काहेकि इआमेर के मनई हमरे पंचन के प्रभू यीसु मसीह के सेबा नहीं करँय, बलकिन अपने कमाई के खातिर सेबा करत हें; अउर मीठ-मीठ बातँय कइके भोले-भाले मनइन काहीं बिसुआस से भटकाय देत हें।

इफीसियन 4:14

जउने हम पंचे चुने बुदे लड़िका कि नाईं न रही, जउन ठग बिद्या अउर चतुराई के बातन माहीं, अउर दुसरेन के भ्रम माहीं डारँइ बाली बातन माहीं, अउर गलत उपदेसन माहीं परि जात हें, अउर जउनी कइती नहीं जाँय चाहँय ओहिन कइती भटक जात हें।

इफीसियन 4:19

अउर ऊँ पंचे नीक-नागा पहिचानँय के सक्ती काहीं गमाइके, लुचपन के कामन माहीं लगिगे हँय, कि हरेकमेर के बुरे काम अपने बुरी इच्छा से करा करँय।

2 तीमुथियुस 3:5

ऊँ पंचे अइसन ढोंग करिहँय, कि परमातिमा के सगलेन से बड़े भक्त उँइन आहीं, पय परमातिमा के सामर्थ काहीं न मनि हँय, अइसन मनइन से तूँ दूरिन रह्या।

दरसनन के बातँय 16:14

ईं चमत्कार देखामँइ बाली बुरी आत्मा आहीं, जउन सगले संसार के राजन के लघे निकरिके एसे जाती हईं, कि उनहीं पंचन काहीं, सर्बसक्तिमान परमातिमा के, उआ बड़े दिन के लड़ाई के खातिर एकट्ठा करँय।