1 तीमुथियुस 4:15 - Bagheli Bible

¹⁵ ईं सगली बातन के ऊपर पूर ध्यान लगाए रहा, अउर इनहिन माहीं पूरी तरह से लीन रहा, जउने तोंहरे उन्नति काहीं सगले मनई देखँय।

1 तीमुथियुस 4:15 ပူးပေါင်းရင်းမြစ်များ

मत्ती 5:16

उहयमेर से तोंहार पंचन के निकहे काम उँजिआर कि नाईं मनइन के आँगे चमकँइ, जउने ऊँ पंचे तोंहरे निकहे कामन काहीं देखिके स्वरग माहीं रहँइ बाले तोंहरे पिता परमातिमा के बड़ाई करँय।”

खास चेलन 6:4

अउर हम पंचे त प्राथना करँइ माहीं, अउर बचन सुनामँइ के सेबा माहीं लगे रहब।”

1 कुरिन्थियन 16:15

हे भाई-बहिनिव, तूँ पंचे स्तिफनास के घर के मनइन काहीं त जनतेन हया, कि ऊँ पंचे अखाया प्रदेस के पहिल बिसुआसी आहीं, अउर ऊँ पंचे पबित्र लोगन के सेबा करँइ के खातिर हमेसा तइआर रहत हें।

2 कुरिन्थियन 4:14

काहेकि हम पंचे जानित हएन, कि जउन परमातिमा, प्रभू यीसु काहीं मरेन म से जिआइन हीं, उँइन हमहूँ पंचन काहीं घलाय उहयमेर जिअइहँय, जइसन यीसु काहीं जिआइन रहा हय। अउर ऊँ अपने आँगे हमहूँ पंचन काहीं घलाय, तोंहरे पंचन के साथय ठाढ़ करिहँय।

2 कुरिन्थियन 8:5

अउर हम पंचे उनसे जइसन आसा करत रहेन हय, उहयमेर नहीं बलकिन ओसे बढ़िके ऊँ पंचे पहिले खुद काहीं प्रभू के खातिर समरपित किहिन, ओखे बाद परमातिमा के मरजी से हमरेव पंचन के खातिर घलाय खुद काहीं समरपित कइ दिहिन।

1 तीमुथियुस 4:14

हे बेटा तीमुथियुस, परमातिमा के उन सँदेस बतामँइ बालेन के बातन के मुताबिक, बुजुर्ग बिसुआसी के तोंहरे ऊपर हाँथ धइके प्राथना किहे से, जउन बरदान तोहईं मिला रहा हय, ओखर उपयोग करा,

1 तीमुथियुस 4:16

अउर खुद के जीबन, अउर जउन उपदेस देते हया ओखर चउकसी करा, अउर ईं बातन काहीं हमेसा करत रहा, जइसन हम तोंहईं बतायन हय, काहेकि अगर तूँ इहइमेर करत रइहा, त तूँ अपने अउर सुनँइ बालेन के खातिर घलाय मुक्ती पामँइ के कारन बनिहा।

1 तीमुथियुस 4:6

हे तीमुथियुस, अगर तूँ ईं सगली बातन काहीं सगले बिसुआसी भाई-बहिनिन काहीं सुध देबाबत रइहा, त तूँ मसीह यीसु के निकहे सेबक कहइहा, जिनखर आत्मिक लालन-पालन, परमातिमा के ऊपर बिसुआस, अउर उहय सत्य सिच्छा के व्दारा होत हय, जेही तूँ अपनाए हया।

तीतुस 2:14

यीसु मसीह अपने इच्छा से हमरे पँचन खातिर मउत काहीं अपनाइन हीं, कि जउने हमहीं पँचन काहीं हरेकमेर के अधरम से छोड़ाय लेंय, अउर सुद्ध कइके अपने खातिर अइसन प्रजा बनाय लेंय, जउन निकहे-निकहे कामन काहीं करँइ के खातिर हरेक समय तइआर रहँय।