1 तीमुथियुस 4:10 - Bagheli Bible

¹⁰ काहेकि हम पंचे मेहनत अउर उपाय एहिन खातिर करित हएन, कि हमार पंचन के अनन्त जीबन पामँइ के आसा जिन्दा परमातिमा के ऊपर ही; जउन सगले मनइन काहीं, खास करके बिसुआसिअन काहीं मुक्ती देंइ बाले आहीं।

1 तीमुथियुस 4:10 ပူးပေါင်းရင်းမြစ်များ

मत्ती 16:16

तब समौन जिनखर नाम पतरस घलाय रहा हय, यीसु से कहिन, “अपना जिन्दा परमातिमा के लड़िका मसीह आहेन।”

मत्ती 27:43

अउर एखर भरोसा परमातिमा के ऊपर हय; अगर ऊँ एही चाहत हें, त एही बचाय लेंय, काहेकि इआ कहिस रहा हय, कि ‘हम परमातिमा के लड़िका आहेन’।”

यूहन्ना 1:29

दुसरे दिन यूहन्ना बपतिस्मा देंइ बाले, यीसु काहीं अपनी कइती आबत देखिके कहिन, “देखा, ईं परमातिमा के मेम्ना आहीं, जउन संसार के मनइन के पाप उठाय लइ जइहँय।

यूहन्ना 4:42

अउर ऊँ पंचे उआ मेहेरिआ से कहिन, “अब हम पंचे तोंहरे बताएन भर से बिसुआस नहीं करी; काहेकि हम पंचे खुदय उनखर बचन सुने हएन, अउर जान गएन हय, कि वास्तव माहीं संसार के मनइन काहीं मुक्ती देंइ बाले ईंन आहीं।”

यूहन्ना 5:24

यीसु उनसे कहिन, “हम तोंहसे सही-सही कहित हएन, जे कोऊ हमरे बात काहीं सुनिके हमहीं पठमँइ बाले के ऊपर बिसुआस करत हय, उहय अनन्त जीबन पाई, अउर ओखे ऊपर न्याय के दन्ड न परी, बलकिन उआ मउत से पार होइके अनन्त जीबन पामँइ के हकदार बन चुका हय।

1 कुरिन्थियन 15:10

पय हम अब जउन कुछू हएन, त परमातिमा के किरपा से हएन, अउर उनखर जउन किरपा हमरे ऊपर भे ही, उआ बेकार नहीं गय; काहेकि हम ऊँ सगले खास चेलन से जादा मेहनत किहेन हय, अउर सचमुच उआ मेहनत हम खुद न होय किहेन हय, पय हमरे ऊपर किरपा कइके ओही परमातिमा किहिन हीं।

2 कुरिन्थियन 1:10

उँइन हमहीं पंचन काहीं उआ बड़े भारी मउत के संकट से बचाइन हीं, अउर बचउतय रइहँय, अउर हमार पंचन के उनहिन के ऊपर पूर आसा ही, कि उँइन हमहीं पंचन काहीं भबिस्य माहीं घलाय बचाबत रइहँय।

1 तीमुथियुस 2:3

अउर हमहीं पंचन काहीं मुक्ती देंइ बाले परमातिमा काहीं, इआ निकहा लागत हय, अउर ऊँ एसे प्रसन्नव होत हें।

1 तीमुथियुस 2:4

अउर परमातिमा इआ चाहत हें, कि सगले मनई मुक्ती पामँय; अउर ऊँ सत्य काहीं निकहा से जान लेंय

1 तीमुथियुस 2:6

जउन खुद काहीं सगले मनइन काहीं मुक्ती देंइ के खातिर, क्रूस माहीं बलिदान कइके कीमत चुकाइन हीं; इआ काम परमातिमा के ठहराए सही समय माहीं प्रभू यीसु मसीह पूर कइके गबाही दिहिन हीं।

1 तीमुथियुस 3:15

कि अगर हमरे आमँइ माहीं समय लग जाय, त तूँ जान लिहा, कि परमातिमा के घराना माहीं, जउन जिन्दा परमातिमा के मसीही मन्डली आय, अउर मसीही मन्डलिन, सत्य के नेव अउर खम्भा आय, ओमाहीं मनइन के आचरन कइसन होंइ चाही, इआ जानिल्या।

1 तीमुथियुस 6:17

इआ संसार माहीं जउन अपने काहीं धनी मानत हें, उनहीं इआ हुकुम द्या, कि ऊँ घमन्डी न होंय, अउर उआ धन से जउन हरबी चला जात हय; ओमाहीं बिसुआस न रक्खँय, बलकिन परमातिमा के ऊपर भरोसा रक्खँय, जउन हमरे पंचन के जीबन के सुख के खातिर, सब कुछ भरपूर देत हें।

इब्रानियन 11:26

अउर मूसा मसीह के खातिर अपमान सहब मिस्र देस के भन्डार से जादा कीमती धन समझिन, काहेकि उनखर नजर परमातिमा से प्रतिफल पामँइ माहीं लगी रही हय।

इब्रानियन 13:13

एसे आबा हमहूँ पंचे घलाय, उहय अपमान काहीं सहत, जउने काहीं यीसु सहिन तय, अपने डेरन से बहिरे निकरिके यीसु के लघे चली।

1 पतरस 1:21

अउर तूँ पंचे उँइन यीसु मसीह के कारन, परमातिमा के ऊपर बिसुआस करते हया, जउन यीसु मसीह काहीं मरेन म से पुनि जिआइके, उनहीं महिमा दिहिन, कि जउने तोंहार पंचन के आसा अउर बिसुआस परमातिमा के ऊपर होय।

1 यूहन्ना 2:2

ऊँ केबल हमरे पंचन के पापन के माफी के खातिर भर नहीं, बलकिन सगले संसार के पापन के माफी के खातिर घलाय बलिदान भें।

1 यूहन्ना 4:14

अउर हम पंचे देखिव लिहेन हय, अउर गबाही देइत हएन, कि परमातिमा अपने लड़िका काहीं, संसार के मनइन काहीं मुक्ती देंइ के खातिर पठइन हीं।