1 तीमुथियुस 3:4 - Bagheli Bible

⁴ बलकिन अपने घर-परिबार के निकहा से प्रबन्ध करँइ बाला होय, अउर ओखर लड़िका-बच्चा ओखर कहा-बतान मानत होंय, अउर सम्मान करत होंय।

1 तीमुथियुस 3:4 ပူးပေါင်းရင်းမြစ်များ

खास चेलन 10:2

ऊँ भक्त रहे हँय, अउर अपने सगले घराना समेत परमातिमा के भय मानत रहे हँय, अउर यहूदी लोगन काहीं खुब दान देत रहे हँय, अउर हमेसा परमातिमा से प्राथना करत रहे हँय।

इफीसियन 5:24

एसे जइसन मसीही मन्डली, मसीह के अधीन ही, उहयमेर मेहेरिअव घलाय हरेक बात माहीं अपने-अपने मंसेरुअन के अधीन रहँय।

फिलिप्पियन 4:8

एसे हे भाई-बहिनिव, जउन-जउन बातँय सत्य हईं, अउर जउन-जउन बातँय आदर के काबिल हईं, अउर जउन-जउन बातँय उचित हईं, अउर जउन-जउन बातँय पबित्र हईं, अउर जउन-जउन बातँय निकही हईं, अउर जउन-जउन बातँय मन काहीं नीक लागँइ बाली हईं, मतलब इआ, कि जउन-जउन बातँय जीबन माहीं निकहे बिचार पइदा करती हईं, अउर जउन सराहनीय बातँय हईं, उनहिन के ऊपर आपन ध्यान रक्खा।

1 तीमुथियुस 3:12

सगले सेबकन के केबल एकय-एकयठे मेहेरिआ होंय, अउर अपने-अपने लड़िकन-बच्चन के, अउर अपने घर-परिबार के निकहा से प्रबन्ध करँइ बाले होंय।

तीतुस 1:6

तोंहरे व्दारा नियुक्त उआ अँगुआ बेकसूर होय, अउर ओखे एकयठे मेहेरिआ होय, अउर ओखर लड़िका-बच्चा यीसु के ऊपर बिसुआस करँइ बाले होंय, अउर उँइ लुच्चई करँइ बाले न होंय, अउर उनखे ऊपर बात न मानँय के अरोप न होंइ चाही।

तीतुस 2:2

जउने बुढ़ान मनई हुसिआर, अउर गम्भीर, अउर नीक-नागा पहिचानँय बाले होइ जाँय, अउर ऊँ बिसुआस रक्खँय माहीं, अउर प्रेम रक्खँय माहीं, अउर धीरज धरँय माहीं, मजबूत होइ जाँय।

तीतुस 2:7

तूँ जउन कुछू काम करा ऊँ निकहे होंय, जउने ईं सब कामन काहीं देखिके, जमान लोग उहयमेर जीबन जिअँइ। अउर तूँ जउन सिखाबा उआ निस्कपट होंइ चाही, जउने काहीं सुनिके लोग-बाग अपनाय सकँय।