1 तीमुथियुस 3:16 - Bagheli Bible

¹⁶ हम पंचे जउन भक्ती करित हएन, ओखर रहस्य खुब महान हय, एमाहीं कउनव सन्देह नहिं आय, उआ भेद इआमेर से हय, मसीह मनई के देंह लइके जनम लिहिन, अउर पबित्र आत्मा उनहीं धरमी ठहराइन, अउर ऊँ स्वरगदूतन काहीं देखाई दिहिन, अउर सगले जातिअन माहीं उनखे बारे माहीं प्रचार कीन ग, अउर संसार के सगले मनई उनखे ऊपर बिसुआस किहिन, अउर परमातिमा बड़े आदर के साथ उनहीं स्वरग माहीं जिन्दय ऊपर उठाय लिहिन।

1 तीमुथियुस 3:16 ပူးပေါင်းရင်းမြစ်များ

मत्ती 1:23

कि “देखा एकठे कुमारी लड़कहाई होई, अउर ओखे लड़िका पइदा होई अउर ओखर नाम ‘इम्मानुएल’ धराबा जई, जेखर मतलब हय ‘परमातिमा हमरे पंचन के साथ हें’।”

मत्ती 13:11

तब यीसु उनहीं जबाब दिहिन, कि “परमातिमा के राज के जउने बातन काहीं दूसर लोग नहीं जानँय, ऊँ बातन काहीं परमातिमा तोहईं समझाइन हीं, पय उनहीं नहीं।”

मत्ती 28:2

तब उहाँ अचानक खुब तेज भुँइडोल भ, काहेकि प्रभू के एकठे दूत स्वरग से उतरें, अउर कब्र के लघे आइके उआ पथरा काहीं हटाय दिहिन, अउर ओहिन के ऊपर बइठिगें।

मत्ती 3:16

अउर यीसु बपतिस्मा लइके जइसय पानी से बहिरे निकरें, त देखा, उनखे खातिर अकास खुलिगा; अउर ऊँ परमातिमा के आत्मा काहीं परेबा के रूप म उतरत, अउर अपने ऊपर आबत देखिन।

मत्ती 4:11

तब सइतान उनखे लघे से चला ग, अउर देखा, स्वरगदूत आइके यीसु के सेबा-सहाई करँइ लागें।

मरकुस 1:13

अउर सुनसान जघा माहीं, सइतान उनखर चालिस दिना तक परिच्छा लिहिस; अउर उहाँ यीसु जंगल म रहँइ बाले जानबरन के बीच माहीं रहे हँय, अउर स्वरगदूत उनखर सेबा करत रहे हँय।

मरकुस 16:19

प्रभू यीसु चेलन से बात करे के बाद स्वरग माहीं ऊपर उठाय लीन गें, अउर जाइके परमातिमा के दहिने कइती बइठिगें।

मरकुस 16:5

अउर कब्र के भीतर जाइके ऊँ पंचे एकठे नवजमान काहीं उजर ओन्हा पहिरे, दहिने कइती बइठे देखिन, त चउआय गईं।

लूका 2:32

अउर ऊँ सगली जातिअन के लोगन काहीं उँजिआर देंइ के खातिर जोति आहीं, कि अपना के चुने इजराइली लोगन के नाम के बड़ाई होय।”

लूका 20:44

राजा दाऊद त खुदय उनहीं प्रभू कहत हें, त मसीह उनखर सन्तानव आहीं, अउर प्रभुअव आहीं?”

लूका 22:43

तब स्वरग से एकठे दूत यीसु काहीं देखान, जउन उनहीं सामर्थ देत रहा हय।

लूका 24:4

जब ऊँ पंचे इआ बात काहीं देखिके घबरान जात रही हँय, तबहिनय देखिन, कि दुइठे मंसेरुआ खुब चमकत ओन्हा पहिरे उनखे लघे आइके ठाढ़ होइगें।

लूका 24:51

अउर उनहीं आसिरबाद देत समय यीसु उनसे अलग होइगें, अउर स्वरग माहीं उठाय लीन गें।

यूहन्ना 1:14

अउर बचन मनई के रूप लइके संसार माहीं आएँ, अउर ऊँ किरपा अउर सच्चाई से भरपूर होइके, हमरे पंचन के बीच माहीं निबास किहिन, अउर हम पंचे उनखे महिमा काहीं, पिता परमातिमा के एकलउते लड़िका कि नाईं देखे हएन।

यूहन्ना 13:3

यीसु इआ जानिके, कि पिता परमातिमा सगली चीजन के ऊपर हमहीं अधिकार दइ दिहिन हीं, अउर हम परमातिमा के लघे से आएन हँय, अउर उनहिन के लघे जइत हएन।

यूहन्ना 15:26

पय जब उआ सहायक अई, जउने काहीं हम तोंहरे पंचन के लघे पठउब, अरथात सत्य के आत्मा जउन पिता परमातिमा के तरफ से आबत हय, उहय हमार गबाही देई।

यूहन्ना 16:28

हम पिता परमातिमा से निकरिके संसार माहीं आएन हँय, पुनि संसार काहीं छोंड़िके पिता परमातिमा के लघे जइत हएन।”

यूहन्ना 17:5

अउर अब, हे पिता परमातिमा, संसार के रचना होंइ से पहिले, जब हम अपना के साथ रहेन हय, तब हमहीं केतना सम्मान मिलत रहा हय, अब जब हम अपना के साथ रहब उहय सम्मान हमहीं पुनि देई।

यूहन्ना 20:12

त दुइठे स्वरगदूतन काहीं चमचमात उजर ओन्हा पहिरे, जहाँ यीसु के लहास धरी रही हय, उहाँ एकठे काहीं मूँड़े कइती, अउर दुसरे काहीं गोड़े कइती बइठ देखिन।

यूहन्ना 6:62

अउर अगर तूँ पंचे मनई के लड़िका काहीं, स्वरग माहीं जहाँ ऊँ पहिले रहे हँय, उहाँ ऊपर जात देखिहा त का होई?

खास चेलन 1:19

अउर इआ बात काहीं यरूसलेम सहर माहीं रहँइ बाले सगले मनई जानिगें, इहाँ तक कि उआ खेत के नाम उनखे भाँसा माहीं “हकलदमा” मतलब “खून के खेत” परिगा।)

खास चेलन 10:34

तब पतरस कहिन, “अब हम समझ गएन हय, कि परमातिमा कोहू के साथ भेदभाव नहीं करँय,

खास चेलन 14:27

उहाँ पहुँचिके ऊँ पंचे मसीही मन्डली के मनइन काहीं एकट्ठा किहिन, अउर बताइन, कि परमातिमा हमरे साथ होइके कइसन बड़े-बड़े काम किहिन हीं, अउर गैरयहूदी लोगन के खातिर बिसुआस करँइ के दुअरा खोल दिहिन हीं।

खास चेलन 20:28

एसे अपना पंचे आपन अउर अपने पूरे झुन्ड के रखबारी करी; जउने खातिर पबित्र आत्मा अपना पंचन काहीं अँगुआ ठहराइन हीं; कि अपना पंचे परमातिमा के मसीही मन्डली के रखबारी करी, जेही ऊँ अपने खून से मोल लिहिन हीं।

रोमियन 10:12

काहेकि यहूदी लोगन माहीं, अउर गैरयहूदी लोगन माहीं कउनव भेदभाव नहिं आय, एसे कि सगले मनइन के प्रभू एकय आहीं, अउर उनखर दया उन सगलेन के खातिर जेतने उनखर नाम लेत हें, उनहीं बड़ी उदारता से असीसित करत ही।

रोमियन 10:18

पय हम पूँछित हएन कि, का इजराइल के सन्तान हमरे बताए खुसी के खबर काहीं नहीं सुनिन? वास्तव माहीं ऊँ पंचे सुनिन त हय, काहेकि पबित्र सास्त्र माहीं लिखा हय, कि “परमातिमा के बचन के प्रचार करँइ बाले सगले धरती माहीं प्रचार किहिन हीं, अउर जउन बचन ऊँ पंचे सुनाइन हीं, उआ सगले संसार माहीं पहुँचिगा हय।”

रोमियन 16:25

अउर परमातिमा के बड़ाई होय, हम यीसु मसीह के बारे माहीं जउने खुसी के खबर काहीं तोंहईं पंचन काहीं बतायन हय, ओहिन के मुताबिक तोंहईं पंचन काहीं उँइन बिसुआस माहीं मजबूत कइ सकत हें, अउर परमातिमा के इआ रहस्यपूर्न सत्य जुगन-जुगन से छिपा रहा हय।

रोमियन 16:26

पय अब ओही हमेसा रहँइ बाले परमातिमा के हुकुम से उनखे सँदेस बतामँइ बालेन के लिखी किताबन के द्वारा, सगले जातिअन के मनइन काहीं बताबा ग हय, कि जउने उनखे ऊपर बिसुआस कइके, ऊँ पंचे उनखर हुकुम मानँइ बाले होइ जाँय।

रोमियन 3:4

बेलकुल नहीं, बलकिन सगले मनई झूँठ ठहरिहँय, अउर परमातिमा सच्चे ठहरिहँय, जइसन पबित्र सास्त्र माहीं लिखव हय, “जउने तूँ अपने हरेक बातन माहीं धरमी ठहरा, अउर न्याय करत समय तूँ बिजय पाबा।”

रोमियन 8:3

काहेकि जउन काम मूसा नबी के उआ बिधान, जउन मन के बुरी इच्छा के कारन निबल बनाय दीन ग रहा हय, नहीं कए पाइस, ओही परमातिमा अपने लड़िका काहीं हमरे पंचन कि नाईं देंह माहीं पठइके, जउने से हम पंचे पाप करित हएन, इआमेर से परमातिमा मनई के देंह माहीं पाप काहीं सजा दिहिन हीं

रोमियन 9:5

अउर पुरखव उनहिन के बंस के आहीं, अउर मसीह घलाय मनई के रूप लइके उनहिन के कुल माहीं पइदा भें, जउन सगले मनइन के परमातिमा आहीं, अउर उँइन मसीह जुग-जुग तक धन्य कहइहँय। आमीन!

1 कुरिन्थियन 15:47

अउर पहिल मनई अरथात आदम काहीं माटी से बनाबा ग रहा हय; पय दूसर मनई अरथात यीसु मसीह स्वरग से आए हें।

1 कुरिन्थियन 2:7

पय परमातिमा के जउन योजना, हमसे पंचन से पहिले छिपी रही ही, अउर हमरे पंचन के महिमा के खातिर परमातिमा सनातन काल से निस्चित किहिन रहा हय, उहय ग्यान काहीं हम पंचे सुनाइत हएन

2 कुरिन्थियन 1:19

काहेकि परमातिमा के लड़िका यीसु मसीह जिनखर हमरे पंचन के द्वारा, अरथात हमरे अउर सिलवानुस अउर तीमुथियुस के द्वारा तोंहरे पंचन के बीच माहीं प्रचार कीन ग हय; ओमाहीं “हाँ” अउर “न” दोनव नहीं रहा आय; बलकिन ओमा केबल “हाँ” भर रहा हय।

गलातियन 2:8

(काहेकि जइसन परमातिमा पतरस काहीं यहूदी लोगन के बीच माहीं यीसु के खास चेला के रूप माहीं, काम करँइ के सक्ती दिहिन हीं, उहयमेर परमातिमा हमहूँ काहीं यीसु के खास चेला के रूप माहीं, गैरयहूदी लोगन के बीच माहीं काम करँइ के सक्ती दिहिन हीं।)

गलातियन 4:4

पय जब परमातिमा के द्वारा निस्चित कीन समय पूर होइगा, तब ऊँ अपने लड़िका काहीं पठइन, जउन मेहेरिआ से पइदा भें, अउर मूसा के बिधान के अधीन रहिके ओखर पालन करत रहे हँय।

इफीसियन 1:9

अउर परमातिमा अपने इच्छा के भेद काहीं अपने निकहे बिचार के मुताबिक हमहीं पंचन काहीं बताइन हीं, जउने काहीं ऊँ मसीह के द्वारा हमहीं पंचन काहीं देखामँइ चाहत रहे हँय।

इफीसियन 6:19

अउर तूँ पंचे हमरेव खातिर प्राथना करत रहा, कि हमहीं बोलत के समय परमातिमा अइसन सामरथी बचन देंय, कि हम बड़े साहस के साथ खुसी के खबर के भेद काहीं बताय सकी, जउने के खातिर हम जंजीर से बाँधे राजदूत कि नाईं हएन।

कुलुस्सियन 1:23

इआ तबहिन होइ सकत हय, जब तूँ पंचे मसीह के ऊपर बिसुआस माहीं मजबूती के साथ अटल रहा, अउर जउने आसा काहीं तूँ पंचे खुसी के खबर के द्वारा सुने हया, उआ आसा काहीं न छोंड़ा, उहय खुसी के खबर के प्रचार अकास के नीचे सगले संसार माहीं कीन ग हय; अउर उहय खुसी के खबर काहीं सुनामँइ के खातिर, हम पवलुस सेबक बने हएन।

कुलुस्सियन 1:27

अउर इआ बात काहीं परमातिमा उनखे ऊपर एसे प्रगट किहिन हीं, कि जउने उनहीं मालुम होय, कि गैरयहूदी लोगन माहीं उआ भेद के महिमा के कीमत केतनी बड़ी ही? अउर उआ इआ आय, कि मसीह जउन महिमा के आसा आहीं, तोंहरे जीबन माहीं निबास करत हें।

कुलुस्सियन 1:6

अउर खुसी के खबर सगले संसार माहीं सफल होइके फइल रही हय, इआ उहयमेर होइ रहा हय, जइसन तोंहरे बीच माहीं इआ उहय समय से सफल होंइ लाग रहा हय, जउने दिना तूँ पंचे परमातिमा के किरपा के बारे माहीं सुने रह्या हय, अउर सचमुच माहीं समझ गया तय।

कुलुस्सियन 2:2

जउने उनखे मनन काहीं उत्साह मिलय, अउर ऊँ पंचे आपस म एक दुसरे से प्रेम माहीं बँधि जाँय, अउर बिसुआस के उआ सगला धन जउन सच्चे ग्यान से मिलत हय, उनहीं पंचन काहीं मिल जाय, जउने पिता परमातिमा के भेद काहीं, अरथात मसीह काहीं पहिचान लेंय।

2 थिस्सलुनीकियन 1:10

इआ उहय दिन होई, जब प्रभू यीसु अपने पबित्र लोगन माहीं महिमा पामँइ के खातिर, अउर सगले जउन उनखे ऊपर बिसुआस करत हें, उनखे बीच माहीं अचरज के कारन होंइ के खातिर अइहँय; ओमाहीं तुहूँ पंचे सामिल होइहा, काहेकि तूँ पंचे हमरे गबाही के बिसुआस किहा हय।

2 थिस्सलुनीकियन 2:7

काहेकि अधरम के रहस्समई सक्ती अबहिनव काम करत रहत ही, पय ओही अबहिनव एकठे रोंकँइ बाला हय, अउर जब तक उआ रोंकँइ बाला हटाय न दीन जई, तब तक उआ रोंके रही।

1 तीमुथियुस 3:9

बलकिन बिसुआस के बारे माहीं जउन खुसी के खबर परमातिमा प्रगट किहिन हीं, ओही पूरे पबित्र मन से उनहीं पकड़े रहँइ चाही।

इब्रानियन 1:3

अउर ऊँ परमातिमा के महिमा के उँजिआर, अउर उनखे हरेक सुभाव के साछात तसबीर आहीं, अउर उँइन सगली चीजन काहीं अपने सामरथी बचन से सम्हारत हें। अउर उँइन मनइन के पापन काहीं धोइके, सगलेन से ऊँच जघा अरथात स्वरग माहीं, सबसे महान परमातिमा के दहिने कइती जाइके बइठिगें हँय।

इब्रानियन 12:2

अउर बिसुआस के सुरुआत करँइ बाले, अउर ओही परिपूर्न करँइ बाले, यीसु के ऊपर हम पंचे ध्यान लगाए रही; जे उआ खुसी के खातिर जउन उनखे आँगे धरी रही हय, सरम के कउनव परबाह नहीं किहिन, अउर क्रूस के सजा काहीं सहि लिहिन, अउर जाइके परमातिमा के दहिने कइती सिंहासन माहीं बइठिगें हँय।

इब्रानियन 7:7

अउर इआ बात माहीं कउनव सन्देह नहिं आय। काहेकि छोट हमेसा बड़े से आसिरबाद पाबत हय।

इब्रानियन 8:1

अब जउन बातँय हम पंचे बताय रहेन हय, उनमा से सगलेन से खास बात त इआ हय, कि हमार पंचन के अइसन महायाजक हें, जउन स्वरग माहीं सबसे महान परमातिमा के सिंहासन के दहिने कइती जाइके बइठिगें हँय।

1 पतरस 1:12

अउर उनहीं पंचन काहीं इआ बताबा ग रहा हय, कि ऊँ पंचे ईं बातन काहीं बताइके आपन नहीं, बलकिन तोंहार पंचन के सेबा करत हें। अउर जउन खुसी के खबर अब तोंहईं पंचन काहीं, ऊँ मनइन के द्वारा मिली हय, जिनहीं स्वरग से पबित्र आत्मा मिला रहा हय, अउर ऊँ पंचे ओहिन के बताए से, तोंहईं पंचन काहीं खुसी के खबर सुनाइन रहा हय, अउर स्वरगदूत घलाय ईं बातन काहीं देखँइ के बड़ी लालसा करत हें।

1 पतरस 1:20

अउर मुक्ती देंइ के खातिर यीसु मसीह काहीं, संसार काहीं बनामँइ से पहिलेन चुनि लीन ग रहा हय, पय अब इआ अन्तिम जुग माहीं तोंहरे खातिर उनहीं प्रगट कीन ग हय।

1 पतरस 1:21

अउर तूँ पंचे उँइन यीसु मसीह के कारन, परमातिमा के ऊपर बिसुआस करते हया, जउन यीसु मसीह काहीं मरेन म से पुनि जिआइके, उनहीं महिमा दिहिन, कि जउने तोंहार पंचन के आसा अउर बिसुआस परमातिमा के ऊपर होय।

1 पतरस 3:18

काहेकि मसीह घलाय हमरे पंचन के पापन के बदले माहीं, दुख उठाइन हीं, अरथात ऊँ निरदोस रहे हँय, तऊ हम पंचे जउन पापी रहेन हँय, हमरे खातिर एक बेरकी मरिगें, कि जउने हमहीं पंचन काहीं परमातिमा के लघे लइ आमँय। मसीह सारीरिक रूप से त मारे गें, पय आत्मिक रूप से जिआय दीनगें।

1 पतरस 3:22

अउर यीसु मसीह स्वरग माहीं ऊपर जाइके, परमातिमा के दहिने कइती बइठिगें हँय; अउर स्वरग के दूत, अउर सगले अधिकारी, अउर सगली सक्ती, सब उनखे अधीन कइ दीनगे हँय।

1 यूहन्ना 1:2

ऊँ अनन्त जीबन देंइ बाले आहीं, उनहीं परमातिमा सगले मनइन के खातिर प्रगट किहिन हीं। हम पंचे उनहीं देखेन हय, अउर उनखे बारे माहीं जउन खुसी के खबर ही, ओही हम पंचे तोंहईं बताइत हएन, कि ऊँ तोंहऊँ काहीं अनन्त जीबन देंइ बाले आहीं, ऊँ पिता परमातिमा के साथ माहीं रहे हँय, अउर पिता परमातिमा उनहीं हमरे ऊपर प्रगट किहिन हीं।

1 यूहन्ना 3:5

अउर तूँ पंचे त जनतय हया, कि यीसु मसीह हमरे पंचन के पापन काहीं हरँय के खातिर प्रगट भें, अउर इहव, कि उनखे जीबन माहीं कउनव पाप नहिं आय।

1 यूहन्ना 3:8

जे कोऊ पाप करत रहत हय, उआ सइतान के सन्तान आय, काहेकि सइतान सुरुआतय से पाप करत चला आबा हय, एहिन से परमातिमा के लड़िका प्रगट भे हँय, कि सइतान के कामन काहीं नास कइ देंय।

दरसनन के बातँय 17:5

अउर ओखे लिलारे माहीं इआ नाम लिखा रहा हय, “भेद-बड़ा बेबीलोन, धरती के बेस्यन, अउर घिनही चीजन के महतारी।”

दरसनन के बातँय 17:7

तब ऊँ स्वरगदूत हमसे कहिन, “तूँ काहे चउआन हया? हम इआ मेहेरिआ, अउर उआ खतरनाक जानबर के, जेखे ऊपर उआ बइठ ही, अउर जेखे सातठे मूँड़ अउर दसठे सींग हईं, तोंहईं ओखर भेद बताइत हएन।

दरसनन के बातँय 7:9

एखे बाद हम देखेन, कि हरेक जाति, अउर कुल, अउर लोग अउर भाँसा म से एकठे अइसन बड़ी भीड़, जउने काहीं कोऊ गिन नहीं सकत रहा आय, उजर ओन्हा पहिरे, अउर अपने हाँथेन माहीं खजूर के डेरइअन काहीं लए, सिंहासन के आँगे, अउर मेम्ना के आँगे ठाढ़ रही ही।