1 तीमुथियुस 3:14 - Bagheli Bible

¹⁴ हम पवलुस तोंहरे लघे हरबी आमँइ के आसा कए हएन, तऊ ईं बातन काहीं एसे इआ चिट्ठी माहीं लिखित हएन।

1 तीमुथियुस 3:14 ပူးပေါင်းရင်းမြစ်များ

1 कुरिन्थियन 11:34

पय अगर सचमुच कोहू काहीं खुब भूँख लगी होय, त ओही अपने घरय माहीं खाय लेंइ चाही, कि जउने तोंहार पंचन के एकट्ठा होब, परमातिमा से सजा पामँइ के कारन न बनय, अउर जब हम तोंहरे पंचन के लघे अउब, त दुसरे बातन काहीं समझाय देब।

1 थिस्सलुनीकियन 2:18

एसे हम पंचे तोंहसे मिलँइ के खुब कोसिस किहेन (खास करके हम पवलुस कइअक बेरकी कोसिस किहेन) पय सइतान एक न एक अरचन डारेन रहिगा।

1 तीमुथियुस 3:13

काहेकि जउन सेबक, मसीही मन्डली के सेबा माहीं मदत कइके निकही सेबा करत हें, सगले मनई उनखर मान-सम्मान करत हें, अउर मसीह यीसु के ऊपर जउन बिसुआस ऊँ किहिन हीं, उआ बिसुआस काहीं दुसरे मनइन काहीं बतामँइ के खातिर, उनहीं बड़ी हिम्मत मिलत ही।

1 तीमुथियुस 3:15

कि अगर हमरे आमँइ माहीं समय लग जाय, त तूँ जान लिहा, कि परमातिमा के घराना माहीं, जउन जिन्दा परमातिमा के मसीही मन्डली आय, अउर मसीही मन्डलिन, सत्य के नेव अउर खम्भा आय, ओमाहीं मनइन के आचरन कइसन होंइ चाही, इआ जानिल्या।

1 तीमुथियुस 4:13

जब तक हम तोंहरे लघे न अई, तब तक मसीही मन्डली माहीं सगले जनेन के आँगे पबित्र सास्त्र के बचन पढ़ँइ, अउर उपदेस के बातन काहीं सिखामँइ माहीं लगे रहा।

फिलेमोन 1:22

हम तोंहसे एकठे बात अउर कहित हएन, कि हमरे रहँइ के खातिर जघा के प्रबन्ध कइ राख्या; हमहीं इआ पूर आसा ही, कि परमातिमा, तोंहरे पंचन के प्राथनन काहीं सुनिके, हमहीं जेल से छोड़ाइके तोंहरे लघे पुनि पठय देइहँय।

इब्रानियन 13:23

अउर तूँ पंचे इआ जानिल्या, कि हमार पंचन के बिसुआसी भाई तीमुथियुस जेल से छूटिगे हँय, अउर अगर ऊँ हरबिन हमरे लघे आय जइहँय, त हम उनखे साथय तोंहसे मिलँय के खातिर अउब।

2 यूहन्ना 1:12

तोंहईं पंचन काहीं लिखँइ के खातिर हमरे लघे खुब बातँय हईं; पय कागज अउर स्याही से लिखँय नहीं चाही; पय हमहीं आसा ही, कि हम तोंहरे लघे अउब, अउर आमने-सामने बइठिके बात करब, जउने तोंहार पंचन के आनन्द पूर होइ जाय।

3 यूहन्ना 1:14

पय हमहीं आसा ही, कि हम तोंहसे हरबिन मिलब, तब हम तोंहसे आमने-सामने बातचीत करब।