1 तीमुथियुस 3:13 - Bagheli Bible

¹³ काहेकि जउन सेबक, मसीही मन्डली के सेबा माहीं मदत कइके निकही सेबा करत हें, सगले मनई उनखर मान-सम्मान करत हें, अउर मसीह यीसु के ऊपर जउन बिसुआस ऊँ किहिन हीं, उआ बिसुआस काहीं दुसरे मनइन काहीं बतामँइ के खातिर, उनहीं बड़ी हिम्मत मिलत ही।

1 तीमुथियुस 3:13 ပူးပေါင်းရင်းမြစ်များ

मत्ती 20:28

जइसन कि मनई के लड़िका एसे नहीं आबा, कि ओखर सेबा कीन जाय, बलकिन एसे आबा हय, कि खुदय दुसरेन के सेबा करय, अउर उआ खुब मनइन काहीं मुक्ती देंइ के खातिर आपन प्रान देय।”

मत्ती 25:21

तब उआ दास के मालिक ओसे कहिन, कि ‘साबास, तूँ बिसुआस के काबिल अउर निकहे दास हया, तूँ थोर काहीं धन माहीं बिसुआस के काबिल रहे हया; एसे हम तोंहईं खुब चीजन के अधिकारी बनाउब। अउर तूँ जाइके अपने मालिक के खुसी माहीं सामिल होइजा।’

लूका 19:17

तब उआ ओसे कहिस, ‘हे धन्य, अउर उत्तम दास तूँ थोरे माहीं बिसुआस के काबिल ठहरे हया, एसे तूँ अब दसठे सहरन माहीं अधिकार रखा।’

खास चेलन 21:35

पवलुस जब सिढ़िया के लघे पहुँचे, त अइसन भ कि भीड़ के सगले मनई उनहीं दबाए डारत रहे हँय, एसे सिपाही लोग उनहीं उठाइके भीतर लइगें।

खास चेलन 6:15

तब सगले जने जउन महासभा माहीं बइठ रहे हँय, स्तिफनुस कइती बड़े ध्यान से देखिन, त “उनखर मुँह स्वरगदूत कि नाईं देखान।”

खास चेलन 6:5

अउर इआ बात चेलन के मंडली काहीं नीक लाग, अउर ऊँ पंचे स्तिफनुस नाम के एकठे मनई काहीं जउन बिसुआस के काबिल अउर पबित्र आत्मा से भरपूर रहे हँय, अउर फिलिप्पुस, अउर प्रुखुरूस, अउर नीकानोर, अउर तीमोन, अउर परमिनास, अउर अन्ताकिया प्रदेस के रहँइ बाले नीकुलाउस काहीं जउन यहूदी मत काहीं अपनाय लिहिन तय, चुनि लिहिन।

खास चेलन 6:8

स्तिफनुस किरपा अउर सामर्थ से भरपूर होइके, मनइन के बीच माहीं बड़े-बड़े अचरज के काम, अउर चमत्कार देखाबत रहे हँय।

1 कुरिन्थियन 16:15

हे भाई-बहिनिव, तूँ पंचे स्तिफनास के घर के मनइन काहीं त जनतेन हया, कि ऊँ पंचे अखाया प्रदेस के पहिल बिसुआसी आहीं, अउर ऊँ पंचे पबित्र लोगन के सेबा करँइ के खातिर हमेसा तइआर रहत हें।

फिलिप्पियन 1:14

अउर प्रभू के ऊपर बिसुआस करँइ बाले जउन भाई हें, उनमा से जादा से जादा हमरे जेल माहीं होंइ के कारन, साहस के साथ, परमातिमा के बचन अउर निधड़क होइके सुनामँइ के हिम्मत करत हें।

1 थिस्सलुनीकियन 2:2

बलकिन तूँ पंचे त खुदय जनते हया, कि पहिले फिलिप्पी सहर माहीं दुख उठामँइ अउर उपद्रव सहे के बादव, हमार परमातिमा हमहीं पंचन काहीं अइसन हिम्मत दिहिन, कि हम पंचे परमातिमा के खुसी के खबर भारी बिरोध के बादव तोंहईं सुनाई।

1 तीमुथियुस 3:14

हम पवलुस तोंहरे लघे हरबी आमँइ के आसा कए हएन, तऊ ईं बातन काहीं एसे इआ चिट्ठी माहीं लिखित हएन।

2 तीमुथियुस 2:1

एसे हे बेटा तीमुथियुस, मसीह यीसु से जउन किरपा तोहईं मिली हय, ओसे तूँ आत्मिक जीबन माहीं मजबूत होइजा,

इब्रानियन 6:10

काहेकि परमातिमा अन्यायी नहीं आहीं, कि तोंहरे काम, अउर उआ प्रेम काहीं बिसरि जाँय, जउन तूँ पंचे उनखे नाम के खातिर पबित्र मनइन के सेबा किहा हय, अउर अबे तक कइव रहे हया।