1 तीमुथियुस 2:7 - Bagheli Bible

⁷ हम बेलकुल सही कहित हएन, लबरी नहीं बोली, हम इहय खुसी के खबर सुनामँइ के खातिर, यीसु मसीह के पठए खास चेला आहेन, अउर गैरयहूदी लोगन काहीं, परमातिमा के ऊपर बिसुआस करँइ के सत्य बचन के उपदेस सुनामँइ के खातिर, हम चुने गएन हँय।

1 तीमुथियुस 2:7 ပူးပေါင်းရင်းမြစ်များ

यूहन्ना 7:35

इआ सुनिके यहूदी धारमिक अँगुआ लोग आपस माहीं कहँइ लागें, “ईं कहाँ जइहँय, कि हम पंचे इनहीं न पाउब: का ईं उनखे लघे जइहँय, जउन हमरे समाज के मनई यूनानी भाँसा बोलँइ बालेन के लघे तितर-बितर होइके रहत हें, अउर ईं यूनानी भाँसा बोलँइ बालेन काहीं घलाय उपदेस देइहँय?

खास चेलन 14:27

उहाँ पहुँचिके ऊँ पंचे मसीही मन्डली के मनइन काहीं एकट्ठा किहिन, अउर बताइन, कि परमातिमा हमरे साथ होइके कइसन बड़े-बड़े काम किहिन हीं, अउर गैरयहूदी लोगन के खातिर बिसुआस करँइ के दुअरा खोल दिहिन हीं।

खास चेलन 22:21

अउर ऊँ हमसे कहिन, चले जा, ‘काहेकि हम तोंहईं गैरयहूदी लोगन के लघे दूरी-दूरी तक पठउब।”

खास चेलन 26:20

बलकिन पहिले दमिस्क सहर के, ओखे बाद यरूसलेम सहर के रहँइ बालेन काहीं, ओखे बाद सगले यहूदिया प्रदेस माहीं, अउर गैरयहूदी लोगन काहीं समझाबत रहि गएन, कि अपने मन काहीं बदला, अउर परमातिमा कइती फिरिके अइसन काम करा, कि जउने मनई जानँइ कि तोंहार पंचन के जीबन बास्तव माहीं बदलिगा हय।

खास चेलन 9:15

पय प्रभू उनसे कहिन, कि “तूँ चले जा; काहेकि हम साऊल काहीं चुनि लिहेन हँय, कि ऊँ गैरयहूदी लोगन के आँगे अउर राजन के आँगे, अउर इजराइलिअन के आँगे हमरे नाम के प्रचार करँय।

रोमियन 1:9

अउर परमातिमा के सेबा हम अपने पूरे मन से उनखे लड़िका के खुसी के खबर काहीं सुनामँइ के बारे माहीं करित हएन, अउर उँइन हमार गबाह हें; कि हम तोंहईं पंचन काहीं लगीतार याद करत रहित हएन।

रोमियन 10:14

पय जउने परमातिमा के ऊपर ऊँ पंचे बिसुआस नहीं करँय, त उनखर नाम ऊँ पंचे कइसन लइ सकत हें? अउर जउने परमातिमा के बारे माहीं ऊँ पंचे सुनबय नहीं भें, त उनखे ऊपर ऊँ पंचे कइसन बिसुआस कइ सकत हें? अउर अगर प्रचार करँइ बाले खुसी के खबर के प्रचार न करँय, त मनई कइसन सुन सकत हें?

रोमियन 11:13

हम तोंहसे पंचन से ईं बातन काहीं कहित हएन, जउन गैरयहूदी आह्या, काहेकि परमातिमा हमहीं तोंहरे बीच माहीं यीसु मसीह के खास चेला के रूप माहीं पठइन हीं, अउर हम अपने खुसी के खबर सुनामँइ के सेबा काहीं खुब खास मानित हएन।

रोमियन 15:16

अउर उआ किरपा इआ आय, कि हम गैरयहूदी लोगन के खातिर, मसीह यीसु के सेबक बनिके, परमातिमा के खुसी के खबर सुनामँइ के खातिर, एकठे याजक के रूप माहीं काम करी; जउने गैरयहूदी लोग, पबित्र आत्मा से पूरी तरह से पबित्र बनिके, एकठे भेंट के रूप माहीं परमातिमा के द्वारा सोइकार कीन जाँय।

रोमियन 9:1

हम मसीह के ऊपर बिसुआस करित हएन, एसे हम झूँठ नहीं बोली, पय हम सही कहित हएन, कि हमरे मन के सोच-बिचार पबित्र आत्मा के अँगुआई से इआ गबाही देत हय,

1 कुरिन्थियन 9:1

अउर हमहूँ दुसरे मनइन कि नाईं अजाद हएन, अउर हमहूँ यीसु मसीह के खास चेला आहेन, अउर हम यीसु काहीं जउन हमार प्रभू आहीं, देखे हएन, अउर खुसी के खबर सुनामँइ के द्वारा प्रभू यीसु मसीह के बिसुआस माहीं, हमहिन तोहईं पंचन काहीं लइ आएन हय।

2 कुरिन्थियन 11:31

अउर प्रभू यीसु के पिता परमातिमा जउन हमेसा बड़ाई के काबिल हें, ऊँ जानत हें, कि हम झूँठ नहीं बोली।

गलातियन 1:16

अउर परमातिमा के इआ इच्छा भय, कि हमहीं अपने लड़िका के बारे माहीं ग्यान करामँय, कि जउने हम उनखे खुसी के खबर काहीं, गैरयहूदी लोगन के बीच माहीं सुनाई; त हम कउनव मनई से सलाह नहीं लिहेन।

गलातियन 1:20

अउर जउन बातँय हम तोहईं पंचन काहीं लिख रहेन हय, ऊँ सही हईं, परमातिमा जानत हें, कि हम झूँठ नहीं बोलि रहेन आय।

गलातियन 2:16

यहूदी लोग इआ मानत रहे हँय, कि मनई मूसा के बिधान के पालन करे से परमातिमा के नजर माहीं निरदोस ठहरत हें। पय अब हम इआ जानित हएन, कि केबल यीसु मसीह के ऊपर बिसुआस करँइ के कारन मनई निरदोस ठहरत हें। एहिन से हमहूँ पंचे घलाय मसीह यीसु के ऊपर बिसुआस किहेन हय, जउने हम मसीह के ऊपर बिसुआस किहे के कारन निरदोस ठहरी। पय मूसा के बिधान के पालन करँय के कारन नहीं, काहेकि कउनव मनई मूसा के बिधान के पालन करँय के कारन, परमातिमा के नजर माहीं निरदोस न ठहराबा जई।

गलातियन 2:9

अउर जब ऊँ पंचे परमातिमा के उआ किरपा काहीं जान लिहिन, जउन हमहीं मिली रही हय, तब याकूब, पतरस अउर यूहन्ना जउन मसीही मन्डली के मुखिया माने जात रहे हँय, हमसे अउर बरनबास से हाँथ मिलाइके अपने साथ सामिल कइ लिहिन, कि हम पंचे खुसी के खबर सुनामँइ के खातिर, गैरयहूदी लोगन के बीच माहीं जई, अउर ऊँ पंचे यहूदी लोगन के लघे जाँय।

गलातियन 3:9

एसे अब्राहम बिसुआस के कारन जउन आसिरबाद पाइन रहा हय, उहय आसिरबाद मसीह के ऊपर बिसुआस करँइ बाले सगले जने पाबत हें।

2 तीमुथियुस 1:11

इहय खुसी के खबर काहीं फइलामँइ अउर उपदेस देंइ के खातिर, हम यीसु मसीह के खास चेला ठहरेन हय।

2 पतरस 2:5

अउर ऊँ पुरान संसार काहीं घलाय नहीं बचाइन, बलकिन परमातिमा के बचन काहीं न मानँइ बाले संसार काहीं, पानी के महाप्रलय द्वारा नास कइ दिहिन, पय परमातिमा के सँदेस के प्रचार करँइ बाले नूह, अउर उनखे साथ सातठे अउर मनइन काहीं घलाय बचाय लिहिन।