1 तीमुथियुस 2:5 - Bagheli Bible

⁵ काहेकि सगले संसार के एकयठे परमातिमा हें; अउर परमातिमा के अउर मनइन के मेल-मिलाप करामँइ बाले एकयठे बिचबई हें, मसीह यीसु, जउन मनई के देंह लइके इआ संसार माहीं आए हँय।

1 तीमुथियुस 2:5 ပူးပေါင်းရင်းမြစ်များ

मत्ती 1:1

अब्राहम अउर राजा दाऊद के सन्तान यीसु मसीह के बंसाबली इआमेर से हय,

मत्ती 1:23

कि “देखा एकठे कुमारी लड़कहाई होई, अउर ओखे लड़िका पइदा होई अउर ओखर नाम ‘इम्मानुएल’ धराबा जई, जेखर मतलब हय ‘परमातिमा हमरे पंचन के साथ हें’।”

लूका 14:22

दास आइके कहिस, ‘हे मालिक, जइसन अपना कहेन तय उहयमेर किहेन हय; अउर ओखे बादव घर माहीं जघा खाली हय।’

यूहन्ना 1:14

अउर बचन मनई के रूप लइके संसार माहीं आएँ, अउर ऊँ किरपा अउर सच्चाई से भरपूर होइके, हमरे पंचन के बीच माहीं निबास किहिन, अउर हम पंचे उनखे महिमा काहीं, पिता परमातिमा के एकलउते लड़िका कि नाईं देखे हएन।

यूहन्ना 17:3

अउर अनन्त जीबन इआ आय, कि ऊँ पंचे अपना काहीं जउन एकलउते परमातिमा आहेन, अउर यीसु मसीह काहीं जिनहीं अपना पठयन हँय, जानँय।

खास चेलन 4:12

अउर “यीसु के अलाबा कउनव दुसरे के द्वारा मुक्ती नहीं मिल सकय; काहेकि स्वरग के नीचे मनइन माहीं, अउर कउनव दूसर नाम नहीं दीनगा, जेखे द्वारा हम पंचे मुक्ती पाय सकी।”

रोमियन 1:3

अपने लड़िका अउर हमरे पंचन के प्रभू यीसु मसीह के बारे माहीं वादा किहिन रहा हय; जउन मनई के रूप माहीं त राजा दाऊद के कुल से पइदा भें।

रोमियन 10:12

काहेकि यहूदी लोगन माहीं, अउर गैरयहूदी लोगन माहीं कउनव भेदभाव नहिं आय, एसे कि सगले मनइन के प्रभू एकय आहीं, अउर उनखर दया उन सगलेन के खातिर जेतने उनखर नाम लेत हें, उनहीं बड़ी उदारता से असीसित करत ही।

1 कुरिन्थियन 8:4

एसे मूरतिन के ऊपर चढ़ाई जाँय बाली चीजन काहीं, खाँय के बारे माहीं हम पंचे जानित हएन, कि मूरत इआ संसार माहीं बास्तबिक परमातिमा न होय, काहेकि एकठे परमातिमा के अलाबा कउनव दूसर परमातिमा नहिं आँय।

1 कुरिन्थियन 8:6

तऊ हमरे पंचन के खातिर एकयठे परमातिमा हें, जउन संसार के सगली चीजन काहीं बनाइन हीं, अउर हम पंचे उनहिन के महिमा के खातिर जिन्दा हएन, अउर हमरे पंचन के एकयठे प्रभू हें, अरथात यीसु मसीह जिनखे द्वारा सगली चीजँय बनाई गई हँय, अउर हमहूँ पंचे घलाय उनहिन के द्वारा जीबन पाएन हँय।

गलातियन 3:20

अउर बिचबई के जरूरत दुइ जने के बीच माहीं होत ही, पय परमातिमा बिना बिचबई के खुद अब्राहम से वादा किहिन।

इफीसियन 4:6

अउर सगले मनइन के एकयठे परमातिमा हें, जउन सबके पिता आहीं, जउन सगलेन के ऊपर हें, अउर सगले मनइन के बीच माहीं रहत हें, अउर सगले मनइन के भीतर निबास करत हें।

1 तीमुथियुस 6:13

हम तोहईं परमातिमा के जउन सगलेन काहीं जिन्दा रक्खत हें, अउर मसीह यीसु जउन पुन्तियुस पिलातुस के आँगे अपने बारे माहीं निकही गबाही दिहिन तय, उनहीं गबाह मानिके, इआ हुकुम देइत हएन,

इब्रानियन 12:24

अउर नई करार के बिचबई यीसु, अउर छिड़काव के उआ खून के लघे आया हय, जउन हाबिल के खून से उत्तम बातँय कहत हय।

इब्रानियन 7:25

एसे जेतने जन यीसु के द्वारा परमातिमा के लघे आबत हें, यीसु उनहीं पूर-पूर मुक्ती दइ सकत हें, काहेकि ऊँ बिचबई बनिके उनखे खातिर बिनती करँइ के खातिर हमेसा जिन्दा हें।

इब्रानियन 8:6

पय जउन सेबा के काम मसीह यीसु काहीं मिला हय, उआ पहिले के महायाजकन के सेबा के काम से बढ़िके हय, काहेकि यीसु जउने नई करार के बिचबई बने हँय, उआ पुरान करार से उत्तम ही, काहेकि उआ उत्तम चीजन के करार के ऊपर आधारित ही।

इब्रानियन 9:15

अउर इहय कारन से यीसु नई करार के बिचबई भे हँय, जउने उनखे मउत के द्वारा, जउन पहिल करार के समय के अपराध रहे हँय, उनसे छुटकारा मिलय, अउर परमातिमा के चुने मनई, करार के मुताबिक हमेसा के खातिर बारिसदार बन जाँय।

1 यूहन्ना 2:1

हे हमार पियार लड़िकव, हम ईं बातन काहीं एसे लिखित हएन, कि तूँ पंचे पाप न करा, अउर अगर कोऊ पाप करत हय, त पिता परमातिमा के आँगे हमरे पंचन के पापन के दन्ड से रक्छा करँइ बाले एक जने बिचबई हें, अउर ऊँ धरमी यीसु मसीह आहीं।

दरसनन के बातँय 1:13

अउर उन दीबटन के बीच माहीं मनई के लड़िका कि नाईं एकठे मंसेरुआ काहीं देखेन, जउन गोड़ेन तक के ओन्हा पहिरे, अउर छाती माहीं सोने के पट्टा बाँधे रहे हँय।