1 तीमुथियुस 2:3 - Bagheli Bible

³ अउर हमहीं पंचन काहीं मुक्ती देंइ बाले परमातिमा काहीं, इआ निकहा लागत हय, अउर ऊँ एसे प्रसन्नव होत हें।

1 तीमुथियुस 2:3 ပူးပေါင်းရင်းမြစ်များ

लूका 1:47

अउर हमार आत्मा हमहीं मुक्ती देंइ बाले परमातिमा से आनन्दित भे ही,

रोमियन 14:18

जे कोऊ अइसा जीबन जि के, मसीह के सेबा करत हय, त ओसे परमातिमा खुसी रहत हें, अउर सगले मनई ओखर मान-सम्मान करत हें।

फिलिप्पियन 1:11

अउर जउन काम परमातिमा के नजर माहीं निकहे हँय, उनहीं तूँ पंचे करत रहा, जउने परमातिमा के बड़ाई अउर अराधना होत रहय, काहेकि यीसु मसीह के द्वारा परमातिमा अपने नजर माहीं तोंहईं धरमी बनाइन हीं।

फिलिप्पियन 4:18

अउर जउन चीजँय तूँ पंचे इपफ्रुदीतुस के हाँथ से पठए रहे हया, उनहीं पाइके हमार हर जरूरत पूर होइगे ही, बलकिन हमरे लघे जरूरत से जादा चीजँय होइ गई हँय। जउन भेंट तूँ पंचे हमरे लघे पठए हया, उआ सुगन्धित अउर सोइकार करँइ के काबिल बलिदान हय, जउने से परमातिमा प्रसन्न होत हें।

कुलुस्सियन 1:10

जउने तोंहार चाल-चलन प्रभू के काबिल होय, अउर तूँ पंचे हरेकमेर से प्रभू काहीं प्रसन्न करँइ बाला जीबन जिअा, अउर तूँ पंचे हरेकमेर के भलाई के कामन काहीं करँइ माहीं लगे रहा, अउर परमातिमा के ग्यान माहीं लगीतार बढ़त जा।

1 थिस्सलुनीकियन 4:1

हे भाई-बहिनिव, हम पंचे तोंहसे बिनती करित हएन, अउर तोंहईं प्रभू यीसु के नाम से समझाइत हएन, कि जइसन तूँ पंचे हमसे पंचन से निकहा चाल-चलन चलब, अउर परमातिमा काहीं प्रसन्न करब सिखे हया, अउर उहयमेर चलते घलाय हया, त इहइमेर अउर आँगे बढ़त चले जा।

1 तीमुथियुस 1:1

हम पवलुस आहेन, हे तीमुथियुस इआ चिट्ठी हम तोंहईं लिख रहेन हँय, जउन हमहीं मुक्ती देंइ बाले परमातिमा अउर हमरे आसा के अधार मसीह यीसु के हुकुम से मसीह यीसु के खास चेला आहेन,

1 तीमुथियुस 4:10

काहेकि हम पंचे मेहनत अउर उपाय एहिन खातिर करित हएन, कि हमार पंचन के अनन्त जीबन पामँइ के आसा जिन्दा परमातिमा के ऊपर ही; जउन सगले मनइन काहीं, खास करके बिसुआसिअन काहीं मुक्ती देंइ बाले आहीं।

1 तीमुथियुस 5:4

पय अगर कउनव बिधबा के लड़िका-बच्चा अउर नाती-पंती होंय, त ऊँ पहिले अपने धरम के पालन करत अपने घर-परिबार के देखभाल करँय, अउर ऊँ अपने महतारी-बाप अउर दाई-बाबा के सेबा-सहाई कइके उनखर हक्क पूर करँय, इआ उचितव हय, काहेकि एसे परमातिमा घलाय प्रसन्न होत हें।

2 तीमुथियुस 1:9

परमातिमा हमहीं पंचन काहीं मुक्ती दिहिन हीं, अउर पबित्र जीबन जिअँइ के खातिर बोलाइन हीं, एसे नहीं कि हम पंचे निकहे काम किहेन हय, बलकिन परमातिमा अपने उद्देस्य काहीं पूर करँइ के खातिर, हमहीं पंचन काहीं बोलाइन हीं, काहेकि परमातिमा संसार के बनामँइ से पहिलेन, अपने किरपा से मसीह यीसु के व्दारा, मुक्ती देंइ के योजना बनाइन रहा हय।

इब्रानियन 13:16

अउर तूँ पंचे भलाई करब, अउर दान देब न बिसराया; काहेकि परमातिमा इहइमेर के बलिदानन से खुसी होत हें।

1 पतरस 2:20

पय अगर तूँ पंचे अपराध कइके मार खा, अउर धीरज धरा, त ओमा कउनव बड़ाई के बात नहिं आय, पय अगर तूँ पंचे निकहा काम कइके दुख सहते हया, अउर धीरज धरते हया, त परमातिमा तोंहार बड़ाई करिहँय।

1 पतरस 2:5

अउर तुहूँ पंचे खुदय जिअत पथरा कि नाईं, आत्मिक घर बनाए जाय रहे हया, जउने याजकन के पबित्र समाज बनिके, अइसन आत्मिक बलिदान चढ़ाबा, जउन यीसु मसीह के द्वारा परमातिमा काहीं सोइकार होय।