1 तीमुथियुस 2:15 - Bagheli Bible

¹⁵ एखे बादव मेहेरिआ बच्चा पइदा किहे के कारन मुक्ती पइहँय, अगर खुद पर काबू रखिके, परमातिमा के ऊपर बिसुआस, प्रेम, अउर पबित्रता माहीं अटल रहँय।

1 तीमुथियुस 2:15 ပူးပေါင်းရင်းမြစ်များ

लूका 2:7

अउर मरियम के पहिलउठा लड़िका पइदा भ, अउर लड़िका काहीं ओन्हा माहीं लपेटिके अबाह माहीं पराय दिहिन; काहेकि सराय माहीं उनखे खातिर एक्कव जघा नहीं रही।

1 कुरिन्थियन 12:23

अउर देंह के जउने अंगन काहीं हम पंचे जादा आदर के काबिल नहीं समझी, अरथात जिनहीं देखामँइ माहीं लाज लागत ही, उनहिन के आदर हम पंचे जादा करित हएन, अरथात उनहीं ओन्हन से मूदिके रक्खित हएन।

1 तीमुथियुस 1:14

अउर प्रभू के किरपा हमहीं बहुतायत से मिली, अउर साथय-साथ उआ बिसुआस अउर प्रेम जउन मसीह यीसु के ऊपर बिसुआस किहे से मिलत हय, उहव हमहीं मिला।

1 तीमुथियुस 1:5

हमरे समझामँइ के मतलब इआ आय, कि सुद्ध मन से अउर अच्छे सोच-बिचार से, अउर निस्कपट बिसुआस से प्रेम उत्पन्न होत हय।

1 तीमुथियुस 2:9

इहइमेर सगली मेहेरिआ घलाय, सकुच के साथ खुद पर नियन्त्रन रखिके, उचित ओन्हन से खुद काहीं सजामँय, इआ नहीं कि बार गुहँय, अउर सोन-चाँदी, अउर मोतिन, अउर महग ओन्हन से, बलकिन निकहे-निकहे कामन से सजामँय,

तीतुस 2:12

परमातिमा अपने दया के व्दारा चेतउनी दइके, इआ सिखाबत हें, कि हम पंचे जउन परमातिमा के भक्ती नहीं करी, ओही, अउर संसार के बुरे लोभ लालच काहीं छोंड़ि देई, अउर इआ संसार माहीं अपने ऊपर काबू रखिके, धारमिक अउर परमातिमा के भक्ती माहीं जीबन बिताई;

1 पतरस 4:7

सगले संसार के अन्त लघेन आइगा हय, एसे तूँ पंचे संयमी अउर समझदार बना, कि जउने प्राथना कइ सका।