1 तीमुथियुस 1:9 - Bagheli Bible

⁹ इआ जानिके कि परमातिमा के दीन मूसा के बिधान के नेम सही काम करँइ बालेन काहीं सुधारँय के खातिर नहीं, बलकिन अधरमिन, बिद्रोहिन, अउर जउन परमातिमा के अराधना नहीं करँय, पापिन, अउर जउन पबित्र जीबन नहीं जिअँइ, असुद्ध मनइन, अउर महतारी-बाप के कतल करँइ बाले, कतलिन,

1 तीमुथियुस 1:9 ပူးပေါင်းရင်းမြစ်များ

मत्ती 10:21

“अउर भाई, भाई काहीं अउर बाप लड़िका काहीं, मार डारँइ के खातिर सभन म सउँपिहँय, अउर लड़िका-बिटिया महतारी-बाप के बिरोधी होइके मरबाय डरिहँय। अउर हमरे बात काहीं मानँइ के कारन सगले मनई तोंहसे दुसमनी रखिहँय; पय जे कोऊ अन्त तक धीरज धरे रही, उहय मुक्ती पाई।”

रोमियन 1:30

अउर दुसरे के बदनामी करँइ बाले, अउर परमातिमा से नफरत करँइ बाले, अउर दुसरेन के मान-सम्मान न करँइ बाले, अउर घमन्डी, अउर आपन बड़ाई करँइ बाले, बुरी-बुरी बातन काहीं बनाइके बोलँइ बाले, अउर महतारी-बाप के कहा-बतान न मानँइ बाले,

रोमियन 4:13

अउर अब्राहम, इआ कि उनखे बंसन काहीं इआ वादा, कि ऊँ पंचे संसार के बारिसदार होइहँय, मूसा के बिधान के पालन किहे से नहीं मिला रहा आय, बलकिन उआ बिसुआस के द्वारा परमातिमा के नजर माहीं निरदोस होंइ से मिला रहा हय।

रोमियन 5:20

पय मूसा के बिधान बीच माहीं आइगा, कि खुब अपराध होंय, पय जहाँ पाप खुब भ, उहाँ परमातिमा के किरपा ओहू से घलाय जादा भय।

रोमियन 6:14

जउने तोंहरे पंचन के जीबन माहीं पाप सासन न करय, काहेकि तूँ पंचे मूसा के बिधान के सहारे जीबन नहीं जीते आह्या, बलकिन परमातिमा के किरपा के सहारे जीते हया।

गलातियन 3:19

त पुनि परमातिमा मूसा के बिधान काहीं पहिले कउने उद्देस्य से दिहिन रहा हय? उआ त हुकुम के उलंघन करँइ के अपराध के कारन बाद माहीं दीन ग रहा हय। अउर जउने बंस अरथात मसीह के बारे माहीं परमातिमा वादा किहिन रहा हय, उनखे आमँइ तक मूसा के बिधान चलत रहा हय, अउर परमातिमा उआ मूसा के बिधान काहीं स्वरगदूतन के द्वारा मूसा काहीं दिहिन रहा हय, अउर ईं मूसा परमातिमा अउर मनइन के बीच माहीं बिचबई रहे हँय

गलातियन 5:18

अउर अगर तूँ पंचे पबित्र आत्मा के मुताबिक जीबन बितउते हया, त मूसा के बिधान के अधीन नहिं आह्या।

गलातियन 5:21

डाह करब, नसा कइके मतबार होब, भोग-बिलास करब, अउर इनखे कि नाईं अउरव खुब पाप हें, इनखे बारे माहीं हम तोंहईं पहिलेन से बताए देइत हएन, जइसन तोंहईं पहिलेव बताय चुके हएन, कि इआमेर के काम करँइ बाले, परमातिमा के राज के बारिसदार न होइहँय।

गलातियन 5:23

अउर किरपा करब, भलाई करब, बिसुआस के काबिल होब, नम्र होब, अउर संयम रक्खब, ईं बातन के बिरोध माहीं कउनव नेम नहिं आय।

2 थिस्सलुनीकियन 2:8

तब उआ अधरमी प्रगट होई, जउने काहीं प्रभू यीसु अपने मुँहे के फूँक से मारि डरिहँय, अउर अपने आमँइ के तेज से भसम करिहँय।

1 तीमुथियुस 4:7

पय तूँ बुढ़ान मनइन के व्दारा सुनाई जाँय बाली उन मनगढ़ंत किस्सा-कहानिन से दूरी रहा, जिनखर परमातिमा के बचन से कउनव लेन-देन नहिं आय, अउर परमातिमा के सत्य सिच्छा मनइन काहीं सिखामँइ माहीं लगे रहा।

1 तीमुथियुस 6:20

हे तीमुथियुस, हम तोहईं जउन सत्य बचन सउँपेन हँय, उनहीं सगले मनइन काहीं सिखाबत रहा, अउर जउन सिच्छा परमातिमा के बिरोध माहीं हय, उआ सिच्छा के फालतू बातन से तूँ दूरी रहा,

2 तीमुथियुस 2:16

जउन मनई परमातिमा के बिरोध माहीं बात कहत हें, उनसे तूँ बचे रहा, काहेकि इआमेर के मनई, अउरव अभक्ती माहीं बढ़त जइहँय।

2 तीमुथियुस 3:2

काहेकि मनई स्वार्थी, जादा धन कमाय के लालची, खुद के कामन के बड़ाई करँइ बाले, खुद काहीं दुसरे से बड़ा मानँइ बाले, दुसरे के बुराई करँइ बाले, महतारी-बाप के कहा-बतान न मानँइ बाले, जउन उनखर मदत करी, ओखर उपकार न मानँइ बाले, बुरे काम कइके परमातिमा के ऊपर बिसुआस न करँइ बाले,

तीतुस 1:10

काहेकि बहुत से अइसन लोग हें, जउन खरी सिच्छा के बिरोध करत हें, अउर फालतू बातँय बोलिके खुब लोगन काहीं धोखा देत हें; खास करके यहूदी लोगन म से जउन बिसुआसी हें, ऊँ पंचे खतना के ऊपर जादा जोर देत हें, कि सगलेन के खतना होंइ चाही।

तीतुस 1:16

अउर असुद्ध मनई कहत हें, कि हम पंचे परमातिमा काहीं जानित हएन, पय ऊँ पंचे परमातिमा के बचन के खिलाफ काम कइके, उआ बात काहीं इनकार करत हें; काहेकि ऊँ पंचे घिनहे काम करत हें, अउर परमातिमा के हुकुम काहीं नहीं मानँय, अउर ऊँ कउनव निकहे काम करँइ के काबिल नहीं होंय।

तीतुस 1:6

तोंहरे व्दारा नियुक्त उआ अँगुआ बेकसूर होय, अउर ओखे एकयठे मेहेरिआ होय, अउर ओखर लड़िका-बच्चा यीसु के ऊपर बिसुआस करँइ बाले होंय, अउर उँइ लुच्चई करँइ बाले न होंय, अउर उनखे ऊपर बात न मानँय के अरोप न होंइ चाही।

तीतुस 3:3

काहेकि हमहूँ पंचे बिसुआसी बनँइ से पहिले, नासमझ अउर परमातिमा के हुकुम न मानँइ बाले रहे हएन, अउर भ्रम माहीं परिके अनेकव प्रकार के बुरी इच्छा, अउर सुख-बिलास माहीं फँसे रहे हएन, अउर एक दुसरे से दुसमनी, अउर इरसा के जिन्दगी बिताबत रहे हएन, अउर एक दुसरे से नफरत कइके दुसमनी रक्खत रहे हएन।

इब्रानियन 11:31

अउर राहाब बेस्या काहीं, परमातिमा के ऊपर पूर बिसुआस रहा हय, एहिन से उआ परमातिमा के हुकुम न मानँइ बाले मनइन के साथ नास नहीं भे; काहेकि उआ भेद लेंइ बाले दूतन काहीं बचाइस रहा हय।

इब्रानियन 12:16

अउर इहव बात के ध्यान रक्खा, कि तोंहरे पंचन के बीच म से कोऊ ब्यभिचार न करय, अउर न एसाव कि नाईं अधरमी बनय, जउन एक बेरकी के खाना के खातिर, आपन पहिलउठा होंइ के अधिकार बेंच डारिस तय।

1 पतरस 2:7

एसे तूँ पंचे जउन उआ पथरा के ऊपर बिसुआस करते हया, उआ तोंहरे पंचन के खातिर अनमोल हय, पय जे कोऊ ओखे ऊपर बिसुआस नहीं करँय, उनखे खातिर “जउने पथरा काहीं राजा के कारीगर लोग बिना काम के ठहराइन रहा हय, उहय कोने के खास पथरा बनिगा।”

1 पतरस 3:20

अउर नूह के समय माहीं घलाय, जे कोऊ परमातिमा के हुकुम काहीं नहीं मानिन तय। त परमातिमा नूह के जिहाज बनत तक धीरज धरे, रुके रहे हँय। ओखे बाद जल-प्रलय के कारन, जिहाज माहीं चढ़िके केबल आठ जने, अरथात नूह के परिबार भर बचे रहे हँय, बाँकी पानी माहीं बूड़िके मरिगें तँय।

1 पतरस 4:18

अउर “अगर धरमी मनई बड़े मुसकिल से मुक्ती पाई, त पापी अउर भक्तिहीन मनई के त कउनव ठिकानय न होई।”

यहूदा 1:15

कि “देखा, प्रभू अपने लाखन पबित्र स्वरगदूतन के साथ, सगले मनइन के न्याय करँइ के खातिर आए हँय, कि जउने, जउन मनई बुरे काम किहिन हीं, उनखे ईं कामन के खातिर, अउर जउन मनई परमातिमा के बिरोध माहीं बात कहिन हीं, उनहूँ पंचन काहीं घलाय, एखे खातिर सजा देंइ।

दरसनन के बातँय 21:8

पय डरपोकन, अउर अबिसुआसी लोगन, अउर बुरे काम करँइ बालेन, अउर कतलिन, अउर ब्यभिचारिन, अउर टोना मारँइ बालेन, अउर मूरतिन के पूजा करँइ बालेन, अउर सब लबरन के भाग, उआ झील माहीं मिली, जउन आगी अउर गन्धक से जलत रहत ही, इआ दूसर मउत आय।”

दरसनन के बातँय 22:15

पय कुकुरन, अउर जादू-टोना करँइ बाले, अउर ब्यभिचारी, अउर कतली, अउर मूरतिन के पूजा करँइ बाले, अउर हरेक लबरी काम करँइ बाले, अउर लबरी बोलँइ के इच्छा रक्खँइ बाले, बहिरेन रइहँय।”