1 तीमुथियुस 1:8 - Bagheli Bible

⁸ पय हम पंचे जानित हएन, कि अगर कोऊ मूसा के बिधान के नेमन काहीं, सही रीति से काम माहीं उपयोग करत हय, त उआ निकहा हय।

1 तीमुथियुस 1:8 ပူးပေါင်းရင်းမြစ်များ

रोमियन 12:2

अउर तूँ पंचे इआ संसार के बुरे मनइन कि नाईं न बना; काहेकि परमातिमा तोंहरे मन काहीं नबा कइ दिहिन हीं, एसे तोंहार पंचन के चाल-चलन बदलत जाँइ चाही, जउने तूँ पंचे अपने अनुभव से इआ जान लेबा करा, कि परमातिमा तोंहरे जीबन से का चाहत हें, अउर उनहीं का नीक लागत हय, अउर उनखर पूरी इच्छा का ही।

रोमियन 7:16

अउर अगर हम उहय काम करित हएन, जउन काम हम नहीं करँइ चाही, त हम माने लेइत हएन, कि मूसा के बिधान निकहा हय।

रोमियन 7:18

काहेकि, हम इआ जानित हएन, कि हमरे भीतर अरथात हमरे देंह माहीं कउनव निकही चीज निबास नहीं करय, एसे कि हम निकहा काम करँइ त चाहित हएन, पय करे नहीं पाई।

रोमियन 7:22

काहेकि हम त परमातिमा के बिधान से अपने पूरे मन से खुसी रहित हएन।

गलातियन 3:21

त का मूसा के बिधान परमातिमा के वादा के बिरोध माहीं हय? बेलकुल नहीं? काहेकि अगर अइसन मूसा के बिधान दीन जात जउन जीबन दइ सकत, त सचमुच मूसा के बिधान के पालन करे से मनई परमातिमा के नजर माहीं निरदोस होइ जातें।

2 तीमुथियुस 2:5

अगर कउनव लड़ाई लड़ँइ बाला नेम के मुताबिक नहीं लड़य, त उआ मुकुट नहीं पाबय।