1 तीमुथियुस 1:6 - Bagheli Bible

⁶ कुछ जने इन बातन काहीं छोंड़िके फालतू के बातन माहीं फँसिगें हँय।

1 तीमुथियुस 1:6 ပူးပေါင်းရင်းမြစ်များ

मत्ती 18:12

तूँ पंचे का समझते हया? अगर कउनव मनई के लघे सवठे गाड़र होंय, अउर उनमा से एकठे हेराइ जाय, त का उआ मनई निन्यान्नबे गड़रन काहीं उहँय, छोंड़िके, पहार माहीं जाइके, उआ हेरान गाड़र काहीं न ढूँढ़ी?

1 तीमुथियुस 5:15

हम एसे बताइत हएन, काहेकि कइयकठे बिधबा परमातिमा के हुकुम काहीं मानब छोंड़िके, सइतान के इच्छा के मुताबिक जीबन बितामँइ लागी हईं।

2 तीमुथियुस 2:18

जउन इआ कहत हें, कि जउन बिसुआसी मरिगें तय, उनखर मर के जि उठब होइ चुका हय, ऊँ सत्य से भटकिगें हँय, अउर कुछ मनइन के बिसुआस काहीं नास कइ देत हें।

2 तीमुथियुस 4:10

काहेकि देमास इआ संसार के बातन काहीं पियार जानिके हमहीं छोंड़ि दिहिस ही, अउर थिस्सलुनीके सहर काहीं चला ग हय। क्रेसकेंस गलातिया प्रदेस काहीं अउर तीतुस दलमतिया प्रदेस काहीं चला ग हय।

तीतुस 1:10

काहेकि बहुत से अइसन लोग हें, जउन खरी सिच्छा के बिरोध करत हें, अउर फालतू बातँय बोलिके खुब लोगन काहीं धोखा देत हें; खास करके यहूदी लोगन म से जउन बिसुआसी हें, ऊँ पंचे खतना के ऊपर जादा जोर देत हें, कि सगलेन के खतना होंइ चाही।

तीतुस 3:9

पय मूर्खता के जउने बातन से बिबाद होत हें, अउर बंसाबलिअन के बिबाद से, अउर मूसा के बिधान के बातन से सम्बन्धित बिबादन से बँचे रहा, काहेकि ईं सगली बातन से कउनव फायदा नहीं होय, बलकिन नुकसानय होत हय।