1 तीमुथियुस 1:18 - Bagheli Bible

¹⁸ हे बेटा तीमुथियुस, उन परमातिमा के सँदेस बतामँइ बालेन के बातन के मुताबिक, जउन बात पहिलेन तोंहरे बारे माहीं बताई गई रही हँय, हम इआ हुकुम देइत हएन, कि तूँ उनहिन कि नाईं उनखर बिरोध करा, जउन अनुचित सिच्छा सिखाबत हें, अउर सत्य बचन के सिच्छा देत रहा। जइसन सिपाही युद्ध माहीं जीतँय के खातिर निकही लड़ाई लड़त हय।

1 तीमुथियुस 1:18 ပူးပေါင်းရင်းမြစ်များ

खास चेलन 16:1

ओखे बाद पवलुस दिरबे अउर लुस्त्रा सहरन माहीं घलाय गें, अउर उहाँ तीमुथियुस नाम के एकठे चेला रहे हँय, जिनखर महतारी यहूदी जाति के बिसुआसी रही हँय, पय उनखर बाप यूनानी जाति के रहे हँय।

1 कुरिन्थियन 4:17

एसे हम तीमुथियुस काहीं, तोंहरे लघे पठएन हँय, जउन प्रभू माहीं बिसुआस करँइ के कारन, हमार पियार अउर बिसुआस के काबिल लड़िका आहीं। अउर हम हरेक जघा माहीं, अउर हरेक मसीही मन्डली माहीं मसीह के बारे माहीं जउन उपदेस देइत हएन, ऊँ उनखे बारे माहीं तोहईं पंचन काहीं सुध देबइहँय।

1 कुरिन्थियन 9:7

अउर कउन अइसन मनई हय, जउन अपनेन कमाई से खाइके सेना माहीं सिपाही के काम करत हय? अउर कउन अइसन किसान हय, जउन अंगूर के बगिया लगाइके ओखर फर नहीं खाय? अउर कउन अइसन मनई हय, जउन बोकरिन अउर गड़रन काहीं पाल-पोसिके उनखर दूध नहीं पिअय?

फिलिप्पियन 2:22

पय तूँ पंचे, तीमुथियुस काहीं अजमाइके जानिव लिहा हय, कि जइसन लड़िका अपने बाप के साथ मेहनत करत हय, उहयमेर खुसी के खबर के प्रचार करँय माहीं ऊँ हमरे साथ मेहनत किहिन हीं।

1 तीमुथियुस 1:2

काहेकि तूँ हमरे व्दारा बचन सुनाए से यीसु मसीह के ऊपर बिसुआस किहे हया, इआ बिचार से हे तीमुथियुस, तूँ हमरे सग लड़िका कि नाईं हया। हम प्राथना करित हएन, कि पिता परमातिमा अउर हमरे पंचन के प्रभू यीसु मसीह के तरफ से तोहईं किरपा, दया, अउर सान्ति मिलत रहय।

1 तीमुथियुस 1:5

हमरे समझामँइ के मतलब इआ आय, कि सुद्ध मन से अउर अच्छे सोच-बिचार से, अउर निस्कपट बिसुआस से प्रेम उत्पन्न होत हय।

1 तीमुथियुस 4:14

हे बेटा तीमुथियुस, परमातिमा के उन सँदेस बतामँइ बालेन के बातन के मुताबिक, बुजुर्ग बिसुआसी के तोंहरे ऊपर हाँथ धइके प्राथना किहे से, जउन बरदान तोहईं मिला रहा हय, ओखर उपयोग करा,

1 तीमुथियुस 4:4

काहेकि परमातिमा जउन मनइन के खाँय के खातिर, हरेक चीजन काहीं बनाइन हीं, ऊँ सगली निकही हईं, अउर कउनव अइसा चीज नहिं आय, जिनहीं खाबा न जाय सकय; पय इआ कि परमातिमा से प्राथना अउर धन्यबाद कइके खाबा जाय।

1 तीमुथियुस 6:20

हे तीमुथियुस, हम तोहईं जउन सत्य बचन सउँपेन हँय, उनहीं सगले मनइन काहीं सिखाबत रहा, अउर जउन सिच्छा परमातिमा के बिरोध माहीं हय, उआ सिच्छा के फालतू बातन से तूँ दूरी रहा,

2 तीमुथियुस 1:2

हम प्राथना करित हएन, कि पिता परमातिमा अउर हमरे पंचन के प्रभू मसीह यीसु के तरफ से तोंहईं किरपा, दया, अउर सान्ति मिलत रहय।

2 तीमुथियुस 4:7

जइसन एकठे पहिलमान नेम से कुस्ती लड़िके जीतके इनाम पाबत हय, उहयमेर जउन काम परमातिमा हमहीं दिहिन रहा हय, ओही हम निकहा से पूर कइ चुकेन हय, अउर हम उआ काम काहीं पूरे बिसुआस के साथ किहेन हय।

तीतुस 1:4

इआ चिट्ठी तीतुस तोंहईं मिलय, काहेकि तूँ हमरे व्दारा बचन सुनाए से यीसु मसीह के ऊपर बिसुआस किहे हया, इआ बिचार से हे तीतुस, तूँ हमरे सग लड़िका कि नाईं हया। हम प्राथना करित हएन, कि पिता परमातिमा अउर हमहीं पंचन काहीं मुक्ती देंइ बाले मसीह यीसु के तरफ से, तोहईं किरपा अउर सान्ति मिलत रहय।

फिलेमोन 1:10

अउर जब हम जेल माहीं रहेन हय, तब उनेसिमुस हमरे द्वारा बिसुआसी बना हय, एसे उआ हमरे लड़िका कि नाईं हय, ओखे खातिर हम तोंहसे बिनती करित हएन।