1 तीमुथियुस 1:15 - Bagheli Bible

¹⁵ इआ बात बेलकुल सही हय, अउर हरेकमेर से मानँइ के काबिल ही, कि मसीह यीसु पापिन काहीं मुक्ती देंइ के खातिर, इआ संसार माहीं आए हँय, जउनेन म से सगलेन से बड़े पापी हम आहेन।

1 तीमुथियुस 1:15 ပူးပေါင်းရင်းမြစ်များ

मत्ती 1:21

अउर उनखे लड़िका पइदा होई, अउर तूँ उनखर नाम यीसु धराया; काहेकि ऊँ अपने लोगन काहीं उनखे पापन से मुक्ती देइहँय।”

मत्ती 18:10

यीसु उनसे पुनि कहिन, कि “देखा, तूँ पंचे ईं छोट से छोट मनइन म से जे हमरे ऊपर बिसुआस करत हें, कोहू काहीं तुच्छ न जान्या; काहेकि हम तोंहसे सही कहित हएन, कि स्वरग माहीं उनखर दूत, स्वरग माहीं रहँइ बाले हमरे पिता के लघे हमेसा हाजिर रहत हें।

मत्ती 18:11

(काहेकि मनई के लड़िका, भटके मनइन काहीं बचामँइ आबा हय।)

मत्ती 20:28

जइसन कि मनई के लड़िका एसे नहीं आबा, कि ओखर सेबा कीन जाय, बलकिन एसे आबा हय, कि खुदय दुसरेन के सेबा करय, अउर उआ खुब मनइन काहीं मुक्ती देंइ के खातिर आपन प्रान देय।”

मत्ती 9:13

एसे तूँ पंचे जाइके एखर मतलब का होत हय, इआ जानिल्या: हम बलिदान नहीं, दया चाहित हएन। काहेकि जे कोऊ इआ सोचत हें, कि हम पापी नहिं आहेन उनहीं नहीं, बलकिन पापी लोगन काहीं बोलामँइ आएन हँय।”

मरकुस 2:17

यीसु इआ बात काहीं सुनिके उनसे कहिन, “नीक-सूख मनइन काहीं बैद के जरूरत नहीं परय, बलकिन बिमारन काहीं बैद के जरूरत परत ही: जे कोऊ इआ सोचत हें, कि हम पापी नहिं आहेन उनहीं नहीं, बलकिन हम पापी लोगन काहीं बोलामँइ आएन हँय।”

लूका 15:2

पय फरीसी अउर मूसा के बिधान सिखामँइ बाले, कुड़कुड़ाइके कहँइ लागें, “ईं त पापी लोगन से मिलत हें, अउर उनखे साथ खाना घलाय खात हें।”

लूका 19:10

काहेकि मनई के लड़िका जे कोऊ पाप के कारन परमातिमा से दूर होइगे हें, उनहीं ढूँढ़ँइ अउर उनहीं मुक्ती देंइ आबा हय।”

लूका 5:32

अउर जे कोऊ इआ सोचत हें, कि हम पापी नहिं आहेन उनहीं नहीं, बलकिन पापी लोगन काहीं पाप करब छोंड़िके परमातिमा के गइल माहीं चलँइ के खातिर बोलामँइ आएन हँय।”

यूहन्ना 1:12

पय जेतने जने उनहीं सोइकार किहिन, ऊँ उनहीं पंचन काहीं परमातिमा के सन्तान होंइ के अधिकार दिहिन, अरथात उनहीं जेतने जन उनखे नाम के ऊपर बिसुआस करत हें।

यूहन्ना 1:29

दुसरे दिन यूहन्ना बपतिस्मा देंइ बाले, यीसु काहीं अपनी कइती आबत देखिके कहिन, “देखा, ईं परमातिमा के मेम्ना आहीं, जउन संसार के मनइन के पाप उठाय लइ जइहँय।

यूहन्ना 12:47

अगर कोऊ हमरे बातन काहीं सुनिके न मानी, त हम ओही दोसी नहीं ठहराई, काहेकि हम संसार के मनइन काहीं दोसी ठहरामँइ के खातिर नहीं, बलकिन संसार के मनइन काहीं मुक्ती देंइ के खातिर आएन हँय।

यूहन्ना 3:36

एसे जे कोऊ उनखे लड़िका के ऊपर बिसुआस करत हय, उहय अनन्त जीबन पाबत हय, पय उआ जउन परमातिमा के लड़िका के बात नहीं मानय, ओही उआ अनन्त जीबन न मिली, बलकिन एखे जघा माहीं ओखे ऊपर परमातिमा के क्रोध बना रही।

खास चेलन 11:1

अउर यीसु के खास चेला लोग, अउर बिसुआसी भाई-बहिनी जउन यहूदिया प्रदेस माहीं रहे हँय सुनिन, कि “गैरयहूदी लोग घलाय परमातिमा के बचन काहीं अपनाय लिहिन हीं।”

खास चेलन 11:18

इआ सुनिके, ऊँ पंचे चुप्पय होइगें, अउर परमातिमा के बड़ाई कइके कहँइ लागें, अब त परमातिमा, गैरयहूदी लोगन काहीं घलाय अनन्त जीबन पामँइ के खातिर, मन फिरामँइ के दान दिहिन हीं।

खास चेलन 3:26

परमातिमा जब अपने सेबक काहीं पुनि जिन्दा किहिन, त सबसे पहिले तोंहरे लघे पठइन, कि तोंहरे पंचन म से हरेक जन काहीं, बुरे रास्तन से हटाइके आसिरबाद देंय।”

रोमियन 11:14

इआ आसा से कि हम अपने यहूदी लोगन माहीं घलाय जलन पइदा कराय सकी, अउर उनमा से कुछ जनेन काहीं मुक्ती देबाय सकी।

रोमियन 5:6

काहेकि जब हम पंचे मुक्ती पामँइ माहीं असमर्थ रहेन हय, अउर परमातिमा के हुकुमन काहीं नहीं मानत रहे आहेन, तऊ हमरे पंचन के खातिर मसीह उचित समय म खुद काहीं बलिदान किहिन।

1 कुरिन्थियन 15:9

अउर हम यीसु मसीह के खास चेलन म से सगलेन से छोट हएन, बलकिन यीसु मसीह के खास चेला कहामँइ के काबिल तक नहिं आहेन, काहेकि पहिले हम परमातिमा के मन्डली काहीं सताबत रहेन हँय।

इफीसियन 3:8

अउर हम जउन सगले पबित्र मनइन म से सगलेन से छोट आहेन, तऊ हमरे ऊपर बड़ी दया भे ही, कि गैरयहूदी लोगन काहीं मसीह के अपार दया के खुसी के खबर सुनाई, जउने ऊँ पंचे घलाय खुब आत्मिक आसीस पामँय।

1 तीमुथियुस 1:13

हम त पहिले यीसु मसीह के अपमान करँइ बाले रहेन हय, अउर बिसुआसी लोगन काहीं सतामँइ बाले, अउर उनखे ऊपर अत्याचार करँइ बाले रहेन हय; तऊ प्रभू हमरे ऊपर दया किहिन, काहेकि जब हम प्रभू के ऊपर बिसुआस नहीं करत रहेन, उआ दसा माहीं बिना समझे बूझे ईं काम किहेन रहा हय।

1 तीमुथियुस 1:19

अउर हमेसा यीसु मसीह के ऊपर बिसुआस रक्खा, अउर आपन सोच-बिचार निकहा रक्खा, काहेकि इनहीं छोंड़े के कारन केतनेव के परमातिमा के ऊपर कीन बिसुआस नास होइगा हय, जइसन पानी माहीं बूड़िके जिहाज नास होइ जात हय।

1 तीमुथियुस 3:1

अगर कोऊ अँगुआ बनय चाहत हय, त उआ निकहे काम करँइ के इच्छा करत हय। इआ बात त सत्य आय।

1 तीमुथियुस 4:9

अउर इआ बात बेलकुल सही आय, अउर हरेकमेर से मानँइ के काबिल ही।

1 तीमुथियुस 6:13

हम तोहईं परमातिमा के जउन सगलेन काहीं जिन्दा रक्खत हें, अउर मसीह यीसु जउन पुन्तियुस पिलातुस के आँगे अपने बारे माहीं निकही गबाही दिहिन तय, उनहीं गबाह मानिके, इआ हुकुम देइत हएन,

2 तीमुथियुस 2:11

इआ बात बेलकुल सही आय, कि अगर हम पंचे यीसु मसीह के साथ मर गएन हय, (मतलब अपने पापी सुभाव के खातिर) त उनहिन के साथ जिऊ अउब।

तीतुस 3:8

अउर ईं सगली बात सही हईं, अउर सगले मनइन के खातिर लाभदायक हईं, एसे हम चाहित हएन, कि तूँ ईं सगली बातन के बारे माहीं जोर दइके लोगन काहीं बताबा, एसे कि जउन लोग परमातिमा के ऊपर बिसुआस करत हें, ऊँ भले-भले कामन काहीं करँइ माहीं ध्यान देंय।

इब्रानियन 7:25

एसे जेतने जन यीसु के द्वारा परमातिमा के लघे आबत हें, यीसु उनहीं पूर-पूर मुक्ती दइ सकत हें, काहेकि ऊँ बिचबई बनिके उनखे खातिर बिनती करँइ के खातिर हमेसा जिन्दा हें।

1 यूहन्ना 3:5

अउर तूँ पंचे त जनतय हया, कि यीसु मसीह हमरे पंचन के पापन काहीं हरँय के खातिर प्रगट भें, अउर इहव, कि उनखे जीबन माहीं कउनव पाप नहिं आय।

1 यूहन्ना 3:8

जे कोऊ पाप करत रहत हय, उआ सइतान के सन्तान आय, काहेकि सइतान सुरुआतय से पाप करत चला आबा हय, एहिन से परमातिमा के लड़िका प्रगट भे हँय, कि सइतान के कामन काहीं नास कइ देंय।

1 यूहन्ना 5:11

अउर उआ गबाही इआ आय, कि परमातिमा हमहीं पंचन काहीं अनन्त जीबन दिहिन हीं, अउर इआ जीबन उनखे लड़िका माहीं हय।

दरसनन के बातँय 21:5

जउन सिंहासन के ऊपर बइठ रहे हँय, ऊँ कहिन, “देखा, हम सब कुछ नबा कए देइत हएन।” ओखे बाद ऊँ पुनि कहिन, “लिख ल्या, काहेकि ईं बचन बिसुआस के काबिल अउर सत्य हें।”

दरसनन के बातँय 22:6

पुनि स्वरगदूत हमसे कहिन, “ईं बातँय बिसुआस के काबिल, अउर सत्य हईं, प्रभू, जउन परमातिमा के सँदेस बतामँइ बालेन के आत्मन के, परमातिमा आहीं, अपने स्वरगदूत काहीं एसे पठइन हीं, कि अपने दासन काहीं ऊँ बातँय, जिनखर हरबिन पूर होब जरूरी हय, देखामँय।”

दरसनन के बातँय 5:9

अउर ऊँ पंचे इआ नबा गाना गामँइ लागें, कि “अपनय इआ किताब काहीं लेंइ, अउर एखर मुहरँय खोलँय के काबिल हएन; काहेकि अपना बध होइके अपने खून से हरेक कुल, अउर भाँसा, अउर लोग, अउर जाति म से परमातिमा के खातिर लोगन काहीं मोल लिहेन हँय।