1 तीमुथियुस 1:13 - Bagheli Bible

¹³ हम त पहिले यीसु मसीह के अपमान करँइ बाले रहेन हय, अउर बिसुआसी लोगन काहीं सतामँइ बाले, अउर उनखे ऊपर अत्याचार करँइ बाले रहेन हय; तऊ प्रभू हमरे ऊपर दया किहिन, काहेकि जब हम प्रभू के ऊपर बिसुआस नहीं करत रहेन, उआ दसा माहीं बिना समझे बूझे ईं काम किहेन रहा हय।

1 तीमुथियुस 1:13 ပူးပေါင်းရင်းမြစ်များ

लूका 12:47

अउर उआ दास जउन अपने मालिक के इच्छा जानत रहा हय, पय उनखे आमँइ के समय तइआर नहीं रहा, अउर अपने मालिक के इच्छा के मुताबिक नहीं चला, उआ अपने मालिक से खुब मार खई।

लूका 23:34

तब यीसु कहिन, “हे पिता, इनहीं माफ करी, काहेकि ईं पंचे नहीं जानँय, कि हम का कइ रहेन हँय।” अउर ऊँ पंचे परची डारिके उनखे ओन्हन काहीं बाँटि लिहिन।

खास चेलन 22:4

अउर हम मेहेरिआ-मंसेरुआ दोनव काहीं बाँधि बाँधिके, अउर जेल माहीं डार डारिके, यीसु मसीह के ऊपर बिसुआस करँइ बालेन काहीं इहाँ तक सतायन, कि उनहीं मरबाय घलाय डारेन तय।

खास चेलन 3:17

अउर अब हे भाई-बहिनिव, हम जानित हएन, कि इआ काम तूँ पंचे अग्यानता के कारन किहा तय, अउर उहयमेर तोंहार मुखिअव घलाय किहिन तय।

खास चेलन 8:3

साऊल मसीही मन्डली काहीं नास करँइ माहीं लगा रहा हय; अउर घरन-घरन माहीं घुसिके मंसेरुअन अउर मेहेरिअन काहीं, खसेल-खसेलके जेल माहीं डारत रहा हय।

खास चेलन 9:1

साऊल जउन अबे तक प्रभू के चेलन काहीं धमकी देंइ, अउर कतल करँइ के धुन माहीं रहे हँय, महायाजक के लघे गें।

खास चेलन 9:13

तब हनन्याह उनहीं जबाब दिहिन, कि “हे प्रभू, हम इआ मनई के बारे माहीं खुब जनेन से सुने हएन, कि ईं यरूसलेम सहर माहीं अपना के पबित्र मनइन के साथ बड़ी-बड़ी बुराई किहिन हीं।

खास चेलन 9:5

ऊँ पूँछिन; “हे प्रभू, अपना को आहेन?” तब ऊँ कहिन; “हम यीसु आहेन; जेही तूँ सतउते हया।

1 कुरिन्थियन 15:9

अउर हम यीसु मसीह के खास चेलन म से सगलेन से छोट हएन, बलकिन यीसु मसीह के खास चेला कहामँइ के काबिल तक नहिं आहेन, काहेकि पहिले हम परमातिमा के मन्डली काहीं सताबत रहेन हँय।

1 कुरिन्थियन 7:25

अउर जिनखर काज नहीं भ आय, उनखे बारे माहीं हमहीं प्रभू से कउनव हुकुम नहीं मिला आय, पय प्रभू के जउन किरपा हमहीं मिली हय, ओहिन के द्वारा बिसुआस के काबिल होंइ के कारन, हम इआ सलाह देइत हएन।

गलातियन 1:13

अउर यहूदी धरम के मुताबिक जउन पहिले हमार चाल-चलन रहा हय, ओही त तूँ पंचे जनतेन हया; कि पहिले हम परमातिमा के मसीही मन्डली के मनइन काहीं सताबत रहेन हय, इहाँ तक कि नास करँइ के कोसिस करत रहेन हय।

फिलिप्पियन 3:6

अउर अगर उत्साह के बारे माहीं कहा, त मसीही मन्डली के मनइन काहीं सतामँइ बाले आहेन; अउर मूसा के बिधान के धारमिकता के बारे माहीं कहा, त हम एखे बादव निरदोस रहेन हय।

1 तीमुथियुस 1:16

पय हमरे ऊपर एसे दया भे, कि हम सगलेन से बड़े पापी के ऊपर, यीसु मसीह आपन पूरी सहनसीलता देखामँइ, कि जउन मनई अनन्त जीबन पामँइ के खातिर, उनखे ऊपर बिसुआस करिहँय, उनखे खातिर हम आदर्स बनी।

इब्रानियन 4:16

एसे आबा हम पंचे हिम्मत बाँधिके किरपा पामँइ के खातिर परमातिमा के सिंहासन के लघे चली, कि जउने हमरे पंचन के ऊपर उनखर दया होय, अउर उआ किरपा पाई, जउन जरूरत परे माहीं हमार पंचन के मदत करय।

1 पतरस 2:10

एक समय अइसन रहा हय, जब तूँ पंचे परमातिमा के प्रजा नहीं रहे आह्या, पय अब तूँ पंचे परमातिमा के प्रजा बन गया हय, पहिले तोंहरे पंचन के ऊपर परमातिमा के दया नहीं भे रही आय, पय अब तोंहरे पंचन के ऊपर परमातिमा के दया भे ही।