1 तीमुथियुस 1:10 - Bagheli Bible

¹⁰ अउर ब्यभिचारिन, जउन मंसेरुअय, मंसेरुअय एक दुसरे के साथ गलत सम्बन्ध बनाबत हें, अउर मनइन काहीं बेचँय बालेन, अउर झूँठ बोलँइ बालेन, अउर झूँठ किरिआ करँइ बालेन, अउर इनखे अलाबव सत्य उपदेस के सगले बिरोधिन के खातिर ठहराए गे हँय।

1 तीमुथियुस 1:10 ပူးပေါင်းရင်းမြစ်များ

यूहन्ना 8:44

काहेकि तूँ पंचे अपने पिता सइतान के सन्तान आह्या। अउर तूँ पंचे अपने पिता के मरजी काहीं पूर करँइ चहते हया। उआ त संसार के सुरुआतय से कतली आय, अउर उआ सत्य के पच्छ कबहूँ नहीं लिहिस। काहेकि ओखे जीबन माहीं सत्य हइअय नहिं आय: अउर झूँठ बोलब ओखर सुभाबय आय; काहेकि उआ हमेसा झूँठ बोलँइ बाला आय, बलकिन झूँठ बोलँइ के सुरुआतय करँइ बाला आय।

रोमियन 1:26

एसे परमातिमा उनहीं सरमिन्दा करँइ बाली नीच अभिलासन के काबू माहीं कइ दिहिन; इहाँ तक कि उनखर मेहेरिअव आपन सोभाबिक सम्बन्ध बनाउब छोंड़िके, ओखे बिरुद्ध असोभाबिक सम्बन्ध बनामँइ लागीं।

1 तीमुथियुस 4:6

हे तीमुथियुस, अगर तूँ ईं सगली बातन काहीं सगले बिसुआसी भाई-बहिनिन काहीं सुध देबाबत रइहा, त तूँ मसीह यीसु के निकहे सेबक कहइहा, जिनखर आत्मिक लालन-पालन, परमातिमा के ऊपर बिसुआस, अउर उहय सत्य सिच्छा के व्दारा होत हय, जेही तूँ अपनाए हया।

1 तीमुथियुस 6:3

अगर कोऊ यीसु मसीह के उपदेस काहीं छोंड़िके, दूसर मेर के उपदेस देत हय; अउर सही बातन काहीं, मतलब हमरे पंचन के प्रभू यीसु मसीह के बातन काहीं, अउर उआ उपदेस काहीं, जउन मनइन काहीं परमातिमा के इच्छा के मुताबिक जीबन जिअँइ माहीं मदत करत हय, उआ नहीं मानय।

2 तीमुथियुस 1:13

जउने सत्य बातन काहीं हम तोहईं सिखायन हय, उनहीं तूँ उआ बिसुआस अउर प्रेम के साथ, जउन मसीह यीसु माहीं मिले हँय, उनहीं आपन आदर्स बनाइके रखा।

2 तीमुथियुस 4:3

हम इआ एसे बताइत हएन, कि एक समय अइसा अई, कि जब मनई उत्तम उपदेस काहीं सुनँय तक न चइहँय, ऊँ अपने मन के मुताबिक अपने खातिर उपदेस देंइ बालेन काहीं एकट्ठा कइ लेइहँय। ऊँ उहय उपदेस सुनइहँय, जउन ऊँ पंचे सुनँय चाहत हें।

तीतुस 1:13

हे तीतुस, हम तोंहसे कहित हएन, कि क्रेते दीप के लोगन के बारे माहीं जउन गबाही दीन गे ही। सही हय, एसे हे तीतुस, उहाँ के बिसुआसिअन काहीं कड़ाई से चेतउनी द्या करा, कि ऊँ गलत सिच्छा से दूर रहिके, बिसुआस माहीं मजबूत होइ जाँय,

तीतुस 1:9

अउर जउन बिसुआस के काबिल परमातिमा के बचन हय, जउने काहीं हम तोंहईं सिखायन हय, ओहिन के मुताबिक ऊँ बिसुआस माहीं अटल रहँय, जउने ऊँ लोगन काहीं खरी सिच्छा से उपदेस दइ सकँय, अउर जउन लोग खरी सिच्छा के उपदेस के बिरोध करत हें, उनहीं गलत साबित कइके उनखर मुँह बंद कइ सकँय।

इब्रानियन 13:4

अउर काज-बिआह सबके बीच माहीं मान-सम्मान के बात समझी जाय, अउर उनखर बिछउना निस्कलंक होंइ चाही, अरथात जिनखर बिआह होत हय, उनहीं पबित्र होंइ चाही, काहेकि परमातिमा ब्यभिचारिन, अउर दुसरे के मेहेरिआ के साथ नजायज सम्बन्ध बनामँइ बालेन के न्याय करिहँय।

यहूदा 1:7

अउर इहइमेर से हम तोंहईं पंचन काहीं इहव बतामँइ चाहित हएन, कि कउनमेर से सदोम अउर अमोरा सहरन के अउर उनखे आस-पास के सहरन के मनई, ईंन स्वरगदूतन कि नाईं ब्यभिचार करँइ बाले होइगे रहे हँय, अउर बुरी बासनन के पीछे भागत रहे हँय, त प्रभू उनहीं कबहूँ न बुझाँय बाली आगी माहीं डारिके नास कइ दिहिन रहा हय, जउन हमरे पंचन के खातिर उदाहरन बनिगें हँय।

दरसनन के बातँय 18:13

अउर दालचीनी, मसाला, धूप, अँतर, लोभान, मदिरा, जयतून के तेल, मइदा, गोहूँ, गइआ-बरधा, गाड़र-बोकरी, घोड़, रथ, अउर दास, अउर मनइन के प्रान।

दरसनन के बातँय 21:27

पय ओमाहीं कउनव अपबित्र चीजँय, इआ कि बुरे काम करँइ बाले, इआ कि लबरी बोलँइ बाले, कउनव मेर से न जाए पइहँय, पय केबल उँइन पंचे जइहँय, जिनखर नाम मेम्ना के जीबन के किताब माहीं लिखे हँय।

दरसनन के बातँय 21:8

पय डरपोकन, अउर अबिसुआसी लोगन, अउर बुरे काम करँइ बालेन, अउर कतलिन, अउर ब्यभिचारिन, अउर टोना मारँइ बालेन, अउर मूरतिन के पूजा करँइ बालेन, अउर सब लबरन के भाग, उआ झील माहीं मिली, जउन आगी अउर गन्धक से जलत रहत ही, इआ दूसर मउत आय।”

दरसनन के बातँय 22:15

पय कुकुरन, अउर जादू-टोना करँइ बाले, अउर ब्यभिचारी, अउर कतली, अउर मूरतिन के पूजा करँइ बाले, अउर हरेक लबरी काम करँइ बाले, अउर लबरी बोलँइ के इच्छा रक्खँइ बाले, बहिरेन रइहँय।”