1 तीमुथियुस 1:1 - Bagheli Bible

¹ हम पवलुस आहेन, हे तीमुथियुस इआ चिट्ठी हम तोंहईं लिख रहेन हँय, जउन हमहीं मुक्ती देंइ बाले परमातिमा अउर हमरे आसा के अधार मसीह यीसु के हुकुम से मसीह यीसु के खास चेला आहेन,

1 तीमुथियुस 1:1 ပူးပေါင်းရင်းမြစ်များ

लूका 1:47

अउर हमार आत्मा हमहीं मुक्ती देंइ बाले परमातिमा से आनन्दित भे ही,

लूका 2:11

काहेकि आज दाऊद के सहर माहीं तोंहरे खातिर मुक्ती देंइ बाले जनम लिहिन हीं, अउर ईंन मसीह प्रभू आहीं।

खास चेलन 9:15

पय प्रभू उनसे कहिन, कि “तूँ चले जा; काहेकि हम साऊल काहीं चुनि लिहेन हँय, कि ऊँ गैरयहूदी लोगन के आँगे अउर राजन के आँगे, अउर इजराइलिअन के आँगे हमरे नाम के प्रचार करँय।

रोमियन 1:1

हम पवलुस जउन यीसु मसीह के दास आहेन, इआ चिट्ठी काहीं लिख रहेन हय, अउर परमातिमा हमहीं यीसु मसीह के खास चेला होंइ के खातिर बोलाइन हीं, कि जउने हम उनखे खुसी के खबर के प्रचार करी काहेकि परमातिमा हमहीं इहय काम के खातिर नियुक्त किहिन हीं।

1 कुरिन्थियन 1:1

हम पवलुस इआ चिट्ठी काहीं लिख रहेन हय, अउर परमातिमा हमहीं अपने इच्छा के मुताबिक यीसु मसीह के खास चेला होंइ के खातिर नियुक्त किहिन हीं, इआ चिट्ठी हमरे तरफ से अउर भाई सोस्थिनेस के तरफ से,

1 कुरिन्थियन 9:17

काहेकि अगर हम अपने मरजी से इआ काम करित हएन, त इनाम पामँइ के हकदार हएन, पय अगर अपने मरजी से नहीं करी, तऊ खुसी के खबर के प्रचार करँइ के जबाबदारी हमहीं सउँपी गे ही।

2 कुरिन्थियन 1:1

हम पवलुस इआ चिट्ठी काहीं लिख रहेन हय, जउन परमातिमा के मरजी से यीसु मसीह के खास चेला आहेन, अउर इआ चिट्ठी हमरे अउर हमरे बिसुआसी भाई तीमुथियुस के तरफ से परमातिमा के मसीही मन्डली काहीं मिलय, जउन कुरिन्थुस सहर माहीं ही, अउर अखाया प्रदेस के सगले पबित्र भाई-बहिनिन काहीं घलाय मिलय।

गलातियन 1:1

हम यीसु मसीह के खास चेला पवलुस आहेन, अउर इआ चिट्ठी काहीं लिख रहेन हय, अउर हमहीं यीसु मसीह के खास चेला होंय के अधिकार न मनइन के तरफ से मिला आय। अउर न कउनव मनई के व्दारा, बलकिन यीसु मसीह के खास चेला होंय के अधिकार, हमहीं यीसु मसीह अउर पिता परमातिमा के व्दारा मिला हय, जउन यीसु मसीह काहीं मरेन म से जिआइन रहा हय।

गलातियन 1:11

हे भाई-बहिनिव, हम तोंहईं पंचन काहीं जताए देइत हएन, कि जउने खुसी के खबर काहीं हम तोंहईं सुनायन हय, उआ कउनव मनई के बिचार के मुताबिक न होय।

कुलुस्सियन 1:27

अउर इआ बात काहीं परमातिमा उनखे ऊपर एसे प्रगट किहिन हीं, कि जउने उनहीं मालुम होय, कि गैरयहूदी लोगन माहीं उआ भेद के महिमा के कीमत केतनी बड़ी ही? अउर उआ इआ आय, कि मसीह जउन महिमा के आसा आहीं, तोंहरे जीबन माहीं निबास करत हें।

2 थिस्सलुनीकियन 2:16

हमार पंचन के प्रभू यीसु मसीह खुदय, अउर हमार पिता परमातिमा जउन हमसे पंचन से प्रेम किहिन हीं, अउर अपने किरपा से कबहूँ न खतम होंइ बाली सान्ती अउर उत्तम आसा दिहिन हीं,

1 तीमुथियुस 1:12

अउर हम अपने प्रभू मसीह यीसु काहीं, जउन हमहीं सामर्थ दिहिन हीं, धन्यबाद देइत हएन, ऊँ हमहीं बिसुआस के काबिल समझिके, अपने सेबा के खातिर ठहराइन हीं।

1 तीमुथियुस 2:3

अउर हमहीं पंचन काहीं मुक्ती देंइ बाले परमातिमा काहीं, इआ निकहा लागत हय, अउर ऊँ एसे प्रसन्नव होत हें।

1 तीमुथियुस 2:7

हम बेलकुल सही कहित हएन, लबरी नहीं बोली, हम इहय खुसी के खबर सुनामँइ के खातिर, यीसु मसीह के पठए खास चेला आहेन, अउर गैरयहूदी लोगन काहीं, परमातिमा के ऊपर बिसुआस करँइ के सत्य बचन के उपदेस सुनामँइ के खातिर, हम चुने गएन हँय।

1 तीमुथियुस 4:10

काहेकि हम पंचे मेहनत अउर उपाय एहिन खातिर करित हएन, कि हमार पंचन के अनन्त जीबन पामँइ के आसा जिन्दा परमातिमा के ऊपर ही; जउन सगले मनइन काहीं, खास करके बिसुआसिअन काहीं मुक्ती देंइ बाले आहीं।

तीतुस 1:3

अउर अपने नियुक्त समय माहीं अनन्त जीबन देंइ के बारे माहीं, अपने बचन काहीं बतामँइ के काम, हमहीं मुक्ती देंइ बाले परमातिमा हुकुम दइके सँउपिन हीं।

तीतुस 2:10

ऊँ बेइमानी कइके कुछू न लइ जाँय, बलकिन जउन कुछ करँय इमानदारी से करँय, जउने हर बात माहीं उनहीं दूसर मनई देखिके, हमहीं पंचन काहीं मुक्ती देंइ बाले परमातिमा के बचन कइती खिंचे चले आमँय।

तीतुस 2:13

अउर उआ आनन्द मिलँइ के आसा रखिके, अपने महान परमातिमा, अउर पाप करँइ से छुटकारा देंइ बाले यीसु मसीह काहीं, महिमा के साथ धरती माहीं आमँइ के इन्तजार करत रही।

तीतुस 3:4

पय जब हमहीं पँचन काहीं मुक्ती देंइ बाले परमातिमा के किरपा भे, अउर सगले मनइन के ऊपर ऊँ आपन प्रेम देखाइन।

तीतुस 3:6

अउर परमातिमा हमहीं पंचन काहीं पाप करँइ से मुक्ती देंइ बाले, यीसु मसीह के व्दारा, हमहीं पंचन काहीं पबित्र आत्मा बहुतायत से दिहिन हीं।

1 पतरस 1:21

अउर तूँ पंचे उँइन यीसु मसीह के कारन, परमातिमा के ऊपर बिसुआस करते हया, जउन यीसु मसीह काहीं मरेन म से पुनि जिआइके, उनहीं महिमा दिहिन, कि जउने तोंहार पंचन के आसा अउर बिसुआस परमातिमा के ऊपर होय।

1 पतरस 1:3

हमरे पंचन के प्रभू यीसु मसीह के पिता परमातिमा के धन्यबाद होय, जउन यीसु मसीह काहीं मरेन म से जिआइके, अपने बड़ी दया से हमहीं पंचन काहीं अनन्त जीबन पामँइ के खातिर, जउन जिअत आसा ही, ओखे खातिर नबा जनम दिहिन हीं।

2 पतरस 1:1

हम समौन पतरस इआ चिट्ठी काहीं लिख रहेन हय, जउन यीसु मसीह के दास अउर खास चेला आहेन। हम इआ चिट्ठी ऊँ मनइन काहीं लिख रहेन हय, जउन हमरे पंचन के परमातिमा, अउर मुक्ती देंइ बाले यीसु मसीह जउन हमहीं पंचन काहीं, परमातिमा के नजर माहीं निरदोस बनाइन हीं, उनहिन के द्वारा हमरे पंचन कि नाईं, ऊँ पंचे घलाय खुब कीमती बिसुआस पाइन हीं।

1 यूहन्ना 4:14

अउर हम पंचे देखिव लिहेन हय, अउर गबाही देइत हएन, कि परमातिमा अपने लड़िका काहीं, संसार के मनइन काहीं मुक्ती देंइ के खातिर पठइन हीं।

यहूदा 1:25

अउर हमहीं पंचन काहीं मुक्ती देंइ बाले, एकलउते परमातिमा के महिमा, अउर बैभव अउर सक्ती, अउर अधिकार, हमरे पंचन के प्रभू यीसु मसीह के द्वारा, जइसन सनातन काल से हय, अबहिनव होय, अउर आमँइ बाले जुगन-जुगन तक होत रहय। आमीन!