1 थिस्सलुनीकियन 5:9 - Bagheli Bible

⁹ काहेकि परमातिमा हमहीं पंचन काहीं क्रोध के खातिर नहीं, बलकिन एसे ठहराइन हीं, कि हम पंचे अपने प्रभू यीसु मसीह के व्दारा मुक्ती पाई।

1 थिस्सलुनीकियन 5:9 ပူးပေါင်းရင်းမြစ်များ

मत्ती 26:24

मनई के लड़िका त जाबय करी, जइसन कि पबित्र सास्त्र माहीं ओखे बारे माहीं लिखा हय; पय जउन मनई धोखा दइके मनई के लड़िका काहीं पकड़बामँइ बाला हय, ओही परमातिमा से खुब सजा मिली: अउर अगर उआ मनई के जन्मय न होत, त ओखे खातिर इआ नीक होत।”

खास चेलन 1:20

काहेकि भजन संहिता माहीं इआ लिखा हय, कि “ओखर घर उजरि जाय, अउर ओमाहीं कोऊ न बसय, अउर ओखर पद कोऊ दूसर लइ लेय।”

खास चेलन 1:25

कि उआ, इआ सेबकाई अउर यीसु मसीह के खास चेला होंइ के पद लेय, जउने जघा काहीं यहूदा छोंड़िके चला ग हय।”

खास चेलन 13:48

इआ सुनिके गैरयहूदी लोग आनन्दित भें, अउर परमातिमा के बचन के बड़ाई करँइ लागें, अउर जेतने अनन्त जीबन पामँइ के खातिर ठहराए गे रहे हँय, ऊँ पंचे प्रभू के ऊपर बिसुआस किहिन।

रोमियन 11:30

काहेकि जइसन पहिले तुहूँ पंचे, परमातिमा के हुकुम काहीं नहीं मानत रहे आह्या, पय उनखे द्वारा परमातिमा के हुकुम काहीं न मानँइ के कारन, अब तोंहरे ऊपर दया भे ही।

रोमियन 11:7

त एखर परिनाम का भ? इआ भ, कि इजराइली लोग परमातिमा के किरपा पामँइ के कोसिस माहीं लगे रहे हँय, पय उनहीं नहीं मिली, बलकिन जउन मनई परमातिमा के चुने रहे हँय, उनहीं उनखर किरपा मिलिगे, अउर उनखे अलाबा दुसरे मनइन काहीं परमातिमा कठोर बनाय दिहिन।

1 थिस्सलुनीकियन 1:10

अउर परमातिमा के लड़िका यीसु के स्वरग से आमँइ के इन्तजार करत रहा, जिनहीं परमातिमा मरेन म से जिआइन रहा हय, उँइन हमहीं पंचन काहीं परमातिमा के आमँइ बाले क्रोध से बचाबत हें।

1 थिस्सलुनीकियन 3:3

जउने कोऊ इन दुख बिपत्तिन के कारन बिसुआस माहीं कमजोर न परय; काहेकि तूँ पंचे त खुदय जनते हया, कि हम पंचे एहिन के खातिर ठहराए गएन हय।

1 तीमुथियुस 1:13

हम त पहिले यीसु मसीह के अपमान करँइ बाले रहेन हय, अउर बिसुआसी लोगन काहीं सतामँइ बाले, अउर उनखे ऊपर अत्याचार करँइ बाले रहेन हय; तऊ प्रभू हमरे ऊपर दया किहिन, काहेकि जब हम प्रभू के ऊपर बिसुआस नहीं करत रहेन, उआ दसा माहीं बिना समझे बूझे ईं काम किहेन रहा हय।

1 तीमुथियुस 1:16

पय हमरे ऊपर एसे दया भे, कि हम सगलेन से बड़े पापी के ऊपर, यीसु मसीह आपन पूरी सहनसीलता देखामँइ, कि जउन मनई अनन्त जीबन पामँइ के खातिर, उनखे ऊपर बिसुआस करिहँय, उनखे खातिर हम आदर्स बनी।

2 तीमुथियुस 2:10

इहय कारन से हम परमातिमा के चुने लोगन के खातिर, हरेक दुख-मुसीबत काहीं उठाबत रहित हएन, जउने ऊँ पंचे घलाय मसीह यीसु के ऊपर बिसुआस करे से जउन मुक्ती मिलत ही, ओही अनन्त महिमा समेत पामँय।

1 पतरस 2:10

एक समय अइसन रहा हय, जब तूँ पंचे परमातिमा के प्रजा नहीं रहे आह्या, पय अब तूँ पंचे परमातिमा के प्रजा बन गया हय, पहिले तोंहरे पंचन के ऊपर परमातिमा के दया नहीं भे रही आय, पय अब तोंहरे पंचन के ऊपर परमातिमा के दया भे ही।

1 पतरस 2:8

अउर “उआ अइसन पथरा बनिगा जेसे मनइन काहीं ठेस लागत ही, अउर अइसन बड़ी चट्टान बनिगा जउने से मनइन काहीं ठोकर लागत ही।” काहेकि ऊँ पंचे परमातिमा के बचन काहीं न मानिके ठोकर खात हें, अउर ऊँ पंचे एहिन के खातिर ठहराए घलाय गे रहे हँय।

2 पतरस 1:1

हम समौन पतरस इआ चिट्ठी काहीं लिख रहेन हय, जउन यीसु मसीह के दास अउर खास चेला आहेन। हम इआ चिट्ठी ऊँ मनइन काहीं लिख रहेन हय, जउन हमरे पंचन के परमातिमा, अउर मुक्ती देंइ बाले यीसु मसीह जउन हमहीं पंचन काहीं, परमातिमा के नजर माहीं निरदोस बनाइन हीं, उनहिन के द्वारा हमरे पंचन कि नाईं, ऊँ पंचे घलाय खुब कीमती बिसुआस पाइन हीं।

2 पतरस 2:3

अउर ऊँ पंचे लालच के कारन, अपने बनावटी बातन से तोंहसे पंचन से धन कमँइ हँय, उनखे इआ काम के सजा परमातिमा के द्वारा पहिलेन से निस्चित कीन जाय चुकी हय। अउर उनखर बिनास तइआर हय, अउर उनखर इन्तजार कइ रहा हय।

यहूदा 1:4

हम इआ बात तोंहईं पंचन काहीं एसे बताइत हएन, काहेकि तोंहरे बीच माहीं, चुप्पय से कुछ अइसन मनई घुसि आए हँय, जिनखे सजा के बारे माहीं, पहिलेन से पबित्र सास्त्र माहीं लिखा हय, कि “ईं पंचे परमातिमा के बचन काहीं मानँइ बाले न होंहीं, अउर हमरे पंचन के परमातिमा के दया काहीं, भोग-बिलास करँइ के बहाना बनाय डारिन हीं, अउर हमरे पंचन के एकलउते मालिक, अउर प्रभू यीसु मसीह काहीं अपनामँइ से इनकार करत हें।”