1 थिस्सलुनीकियन 5:3 - Bagheli Bible

³ जब लोग-बाग इआ कहत होइहँय, कि सब कुसल-मंगल हय, अउर कुछू डेर नहिं आय, तबहिनय उनखे ऊपर एकय एक घोर संकट आय परी, जइसन लड़कहाई मेहेरिआ के पीरा; अउर ऊँ कउनव मेर से न बचि हँय।

1 थिस्सलुनीकियन 5:3 ပူးပေါင်းရင်းမြစ်များ

मत्ती 23:33

हे साँप, अउर करिआ साँप कि नाईं खतरनाक मनइव, तूँ पंचे नरक के सजा से कबहूँ न बचिहा।

यूहन्ना 16:21

जइसन कउनव मेहेरिआ के जब बच्चा पइदा होंय लागत हय, त ओखे खुब पीरा होत ही, काहेकि ओखे पीरा के समय आय पहुँचा हय, पय जब उआ बच्चा पइदा कइ चुकत ही, त इआ खुसी के मारे कि संसार माहीं एकठे मनई पइदा भ हय, उआ पीरा काहीं पुनि सुधि नहीं करय।

खास चेलन 13:41

‘हे बुराई करँइ बाले मनइव, देखा, अउर अचरज माना, अउर मिट जा; काहेकि हम तोंहरे दिनन माहीं एकठे काम करब; अइसन काम, कि अगर कोऊ तोंहसे ओखर चरचा करय, त तूँ पंचे कबहूँ बिसुआस न करिहा’।”

2 थिस्सलुनीकियन 1:9

ऊँ प्रभू के सामर्थ के तेज के आँगे से दूरी हटाइके, नास होंइ के खातिर नरक माहीं डार दीन जइहँय।

इब्रानियन 12:23

अउर उन पहिलउठिन के साधारन सभा, अरथात मसीही मन्डली के लघे आय गया हय, जिनखर नाम स्वरग माहीं लिखे हँय, अउर सबके न्याय करँइ बाले परमातिमा के लघे, अउर परिपूर्न कीन गईं पबित्र मनइन के आत्मन के लघे आय गया हय।

इब्रानियन 2:3

त हम पंचे एतनी महान मुक्ती देंइ बाले बचन के तिरस्कार कइके, कइसन सजा से बँच सकित हएन? अरथात नहीं बँच सकी। जेखे बारे माहीं सबसे पहिले प्रभू बताइन तय, अउर सुनँय बालेन के द्वारा हमहीं पंचन काहीं पूर बिसुआस भ।

2 पतरस 2:4

काहेकि परमातिमा, पाप करँइ बाले स्वरगदूतन काहीं घलाय, जब माफ नहीं किहिन, बलकिन उनहीं नरक माहीं पठइके अँधिआरे कुन्डन माहीं डार दिहिन हीं, जउने परमातिमा के न्याय करँइ के दिन तक कइदी रहँय।