1 थिस्सलुनीकियन 4:9 - Bagheli Bible

⁹ पय आपस के भाईचारा के प्रेम के बारे माहीं, तोंहईं हमहीं अउर कुछू लिखँइ के जरूरत नहिं आय? काहेकि आपस माहीं प्रेम करब तूँ पंचे खुदय परमातिमा से सिखे हया।

1 थिस्सलुनीकियन 4:9 ပူးပေါင်းရင်းမြစ်များ

मत्ती 22:39

अउर ओहिन कि नाईं इआ दुसरव हुकुम हय, कि तूँ अपने परोसी से अपनेन कि नाईं प्रेम करा।

यूहन्ना 14:26

पय ऊँ सहायक अरथात पबित्र आत्मा, जिनहीं पिता हमरे नाम से पठइहँय, ऊँ तोंहईं पंचन काहीं सगली बातन काहीं सिखइ हँय, अउर जउन कुछू हम तोंहसे कहेन हय, उआ सगला ऊँ तोंहईं सुध देबइहँय।

खास चेलन 4:32

बिसुआस करँइ बालेन के मंडली एक चित्त, अउर एक मन के रही हय, इहाँ तक कि कउनव अपने धन-सम्पत काहीं, आपन नहीं कहत रहा आय, पय सगला साझे के रहा हय।

रोमियन 12:10

अउर आपस माहीं भाईचारा बनाइके, एक दुसरे से प्रेम करा; अउर आपस माहीं एक दुसरे काहीं अपने से बढ़िके माना।

2 कुरिन्थियन 9:1

अब उआ दान देंइ के बारे माहीं जउन पबित्र मनइन काहीं दीन जात हय, हमहीं ओखे बारे माहीं तोंहईं पंचन काहीं लिखब जरूरी नहिं आय।

फिलिप्पियन 3:15

एसे हमरे पंचन म से जेतने जने परमातिमा के ग्यान माहीं मजबूत बनिगे हँय, ऊँ पंचे इहइमेर के सोच-बिचार रक्खँय, पय अगर कउनव बात माहीं तोंहार दूसर मेर के सोच-बिचार हय, त ओहू काहीं परमातिमा तोंहईं स्पस्ट रूप से बताय देइहँय।

1 थिस्सलुनीकियन 5:1

हे भाई-बहिनिव, समय अउर दिन तारीख के बारे माहीं तोंहईं पंचन काहीं लिखँइ के कउनव जरूरत नहिं आय।

इब्रानियन 10:16

“जउन करार हम उन दिनन के बाद, उनसे बाँधब, उआ, इआ होई, कि हम अपने बिधान काहीं, उनखे हिरदँय माहीं लिखब, अउर उनखे मन माहीं डारब।”

इब्रानियन 13:1

एसे आबा हम पंचे आपस माहीं एक दुसरे से, अपने भाई-बहिनिन कि नाईं प्रेम करत रही।

1 पतरस 3:8

एसे सगले जन एक मन रहा, अउर एक दुसरे के ऊपर किरपा करत रहा, अउर आपस माहीं भाईचारा के प्रेम बनाए रहा, अउर दयालू, अउर नम्र बना।

1 पतरस 4:8

अउर सबसे बड़ी बात त इआ हय, कि एक दुसरे से जादा से जादा प्रेम करा; काहेकि प्रेम अनगिनत पापन काहीं मूँद देत हय।

2 पतरस 1:7

अउर भक्ती माहीं भाईचारा के दया, अउर भाईचारा के दया माहीं प्रेम काहीं बढ़ाबत चला।

1 यूहन्ना 2:10

जे कोऊ अपने भाई से प्रेम रक्खत हय, उआ जोति माहीं बना रहत हय, अउर कउनव अइसा कारन नहिं आय कि ओही ठोकर लागय।

1 यूहन्ना 3:11

काहेकि जउन उपदेस तूँ पंचे सुरुआत से सुने हया, उआ इआ आय, कि हम पंचे एक दुसरे से प्रेम रखी।

1 यूहन्ना 3:23

अउर उनखर हुकुम इआ हय, कि हम पंचे उनखे लड़िका यीसु मसीह के नाम के ऊपर बिसुआस करी, अउर जइसन ऊँ हमहीं पंचन काहीं हुकुम दिहिन हीं, ओहिन के मुताबिक आपस माहीं प्रेम रखी।

1 यूहन्ना 4:21

मसीह से हमहीं पंचन काहीं इआ हुकुम मिला हय, कि जे कोऊ अपने परमातिमा से प्रेम करत हय, ओही अपने भाइव से प्रेम करँय चाही।