1 थिस्सलुनीकियन 4:8 - Bagheli Bible

⁸ इआ कारन से जे कोऊ ईं बातन काहीं तुच्छ जानत हय, उआ सिच्छा देंइ बाले मनई काहीं नहीं, बलकिन परमातिमा काहीं तुच्छ जानत हय, जउन आपन पबित्र आत्मा तोंहईं देत हें।

1 थिस्सलुनीकियन 4:8 ပူးပေါင်းရင်းမြစ်များ

लूका 10:16

अउर यीसु पुनि चेलन से कहिन, “जउन मनई तोंहरे बात काहीं सुनिहँय, ऊँ हमरे बात के सुनँय के बराबर होइहँय; अउर जउन मनई तोंहईं तुच्छ मनि हँय; ऊँ पंचे हमहूँ काहीं तुच्छ मनि हँय; अउर जे हमहीं तुच्छ मानत हय, उआ हमहीं पठमँइ बाले परमातिमा काहीं तुच्छ मानत हय।”

यूहन्ना 12:48

जे कोऊ हमहीं तुच्छ जानत हय, अउर हमरे बातन काहीं सोइकार नहीं करय, त ओही दोसी ठहरामँइ बाला एकयठे हय: अरथात जउन बचन हम कहेन हय, उहय ओही अन्तिम दिन माहीं दोसी ठहराई।

खास चेलन 13:41

‘हे बुराई करँइ बाले मनइव, देखा, अउर अचरज माना, अउर मिट जा; काहेकि हम तोंहरे दिनन माहीं एकठे काम करब; अइसन काम, कि अगर कोऊ तोंहसे ओखर चरचा करय, त तूँ पंचे कबहूँ बिसुआस न करिहा’।”

रोमियन 5:5

अउर उआ आसा हमहीं पंचन काहीं निरास नहीं होंय देय, काहेकि जउन पबित्र आत्मा हमहीं पंचन काहीं दीन ग हय, उहय पबित्र आत्मा के द्वारा परमातिमा के प्रेम हमरे पंचन के हिरदँय माहीं बहुतायत से डारा ग हय।

1 कुरिन्थियन 2:10

पय परमातिमा अपने आत्मा के द्वारा, उँइन बातन काहीं हमरे पंचन के खातिर प्रगट किहिन हीं, काहेकि परमातिमा के आत्मा सगली बातन भर काहीं नहीं, बलकिन परमातिमा के छिपी बातन काहीं घलाय जानत हय।

1 कुरिन्थियन 7:40

पय जउने हालत माहीं उआ ही, अगर बिना काज किहे उहय हालत माहीं रहय, त हमरे बिचार से उआ अउर धन्य कहाई; अउर हम इआ जानित हएन, कि परमातिमा के आत्मा हमरे भीतर हय।

2 कुरिन्थियन 1:22

अउर उँइन हमरे पंचन के ऊपर आपन छाप लगाय दिहिन हीं, अउर बयाना माहीं पबित्र आत्मा काहीं हमरे पंचन के भीतर डार दिहिन हीं।

गलातियन 4:6

अउर तूँ पंचे परमातिमा के लड़िका बन गया हय, एसे परमातिमा अपने लड़िका के आत्मा काहीं हमरे पंचन के हिरदँय माहीं पठइन हीं, जउन हे अब्बा, हे पिता कहिके परमातिमा काहीं गोहराबत हय।

1 पतरस 1:12

अउर उनहीं पंचन काहीं इआ बताबा ग रहा हय, कि ऊँ पंचे ईं बातन काहीं बताइके आपन नहीं, बलकिन तोंहार पंचन के सेबा करत हें। अउर जउन खुसी के खबर अब तोंहईं पंचन काहीं, ऊँ मनइन के द्वारा मिली हय, जिनहीं स्वरग से पबित्र आत्मा मिला रहा हय, अउर ऊँ पंचे ओहिन के बताए से, तोंहईं पंचन काहीं खुसी के खबर सुनाइन रहा हय, अउर स्वरगदूत घलाय ईं बातन काहीं देखँइ के बड़ी लालसा करत हें।

2 पतरस 1:21

काहेकि कउनव भबिस्यबानी मनई के मरजी से कबहूँ नहीं होय, बलकिन भक्त जन पबित्र आत्मा के द्वारा उभारे जाँय से परमातिमा के तरफ से बोलत रहे हँय।

1 यूहन्ना 3:24

अउर जउन उनखे हुकुमन काहीं मानत हय, उआ परमातिमा माहीं, अउर परमातिमा ओखे जीबन माहीं बने रहत हें। अउर एहिन से, अरथात पबित्र आत्मा से जउने काहीं ऊँ हमही पंचन काहीं दिहिन हीं, हम पंचे जानित हएन, कि परमातिमा हमरे जीबन माहीं बने रहत हें।

यहूदा 1:8

अउर ठीक इहइमेर से ईं पंचे, सपन देखँइ बाले घलाय, अपने-अपने देंहन काहीं असुद्ध करत हें, अउर प्रभू के सक्ती काहीं तुच्छ जानत हें। अउर ऊँचे पद बाले अधिकारिन काहीं भला-बुरा कहत हें।