1 थिस्सलुनीकियन 4:7 - Bagheli Bible

⁷ काहेकि परमातिमा हमहीं पंचन काहीं असुद्ध होंइ के खातिर नहीं, बलकिन पबित्र बनँइ के खातिर बोलाइन हीं।

1 थिस्सलुनीकियन 4:7 ပူးပေါင်းရင်းမြစ်များ

रोमियन 1:7

अउर इआ चिट्ठी तोंहईं पंचन काहीं मिलय, जउन रोम देस माहीं परमातिमा के पियार हया, अउर परमातिमा के पबित्र जन होंइ के खातिर चुने गया हय, हमरे पंचन के पिता परमातिमा अउर प्रभू यीसु मसीह के तरफ से तोंहईं पंचन काहीं किरपा अउर सान्ती मिलत रहय।

1 कुरिन्थियन 1:2

परमातिमा के लोगन के उआ मन्डली काहीं मिलय, जउन कुरिन्थुस सहर माहीं ही, अरथात जे कोऊ मसीह यीसु माहीं जुड़ँइ के द्वारा पबित्र कीन गे हँय, अउर उनखर भक्त होंइ के खातिर अलग कीन गे हँय; अउर ऊँ सगले बिसुआसी भाई-बहिनिन काहीं घलाय मिलय, जउन हमरे पंचन के अउर अपने प्रभू यीसु मसीह के नाम से हरेक जघा माहीं अराधना करत हें।

गलातियन 5:19

काहेकि देंह के काम त देखाई देत हें, जइसन ब्यभिचार करब, बुरे काम करब, लुच्चई करब,

इफीसियन 1:4

संसार काहीं बनामँइ के पहिलेन से परमातिमा, यीसु मसीह के द्वारा हमहीं पंचन काहीं चुनि लिहिन तय, कि जउने हम पंचे उनखे नजर माहीं, उनखे प्रेम के कारन पबित्र अउर निरदोस ठहरी।

इफीसियन 2:10

काहेकि हम पंचे परमातिमा के बनए आहेन; अउर ऊँ यीसु मसीह के द्वारा हमहीं पंचन काहीं एसे बनाइन हीं, कि हम पंचे निकहे कामन काहीं करी, जिनहीं परमातिमा पहिलेन से तइआर किहिन हीं, कि जउने हम पंचे उँइन कामन काहीं करत आपन जीबन बिताई।

इफीसियन 4:1

हम पवलुस प्रभू के सेबक होंइ के कारन जउन बन्दी बने हएन, तोंहसे बिनती करित हएन, कि जउने उद्देस्य से परमातिमा तोंहईं बोलाइन हीं, ओहिन के काबिल तोंहार चाल-चलन होय।

इफीसियन 4:19

अउर ऊँ पंचे नीक-नागा पहिचानँय के सक्ती काहीं गमाइके, लुचपन के कामन माहीं लगिगे हँय, कि हरेकमेर के बुरे काम अपने बुरी इच्छा से करा करँय।

1 थिस्सलुनीकियन 2:3

काहेकि हमार पंचन के उपदेस न त भ्रम माहीं डारँइ बाला आय, अउर न असुद्धय आय, अउर न ओमा छलय कपट आय।

2 तीमुथियुस 1:9

परमातिमा हमहीं पंचन काहीं मुक्ती दिहिन हीं, अउर पबित्र जीबन जिअँइ के खातिर बोलाइन हीं, एसे नहीं कि हम पंचे निकहे काम किहेन हय, बलकिन परमातिमा अपने उद्देस्य काहीं पूर करँइ के खातिर, हमहीं पंचन काहीं बोलाइन हीं, काहेकि परमातिमा संसार के बनामँइ से पहिलेन, अपने किरपा से मसीह यीसु के व्दारा, मुक्ती देंइ के योजना बनाइन रहा हय।

इब्रानियन 12:14

अउर तूँ पंचे सबसे मेल-मिलाप रक्खा, अउर पबित्र बनँइ के हरेकमेर से कोसिस करत रहा; काहेकि पबित्र बने बिना, कउनव मनई प्रभू के दरसन कबहूँ न करे पाई।

2 पतरस 2:10

खास करके उनहीं जउन असुद्ध अभिलासन के पीछे, अउर अपने मन के बुरी इच्छन के मुताबिक चलत हें, अउर प्रभू के अधिकार काहीं तुच्छ जानत हें, ऊँ पंचे एतने घमन्डी हँय, कि महिमामय स्वरगदूतन के अपमान करँइ से घलाय नहीं डेराँय।