1 थिस्सलुनीकियन 4:4 - Bagheli Bible

⁴ अउर तोंहरे पंचन म से हरेक जन अपने देंह के बासनन काहीं काबू म करब सिखा, काहेकि इआ पबित्र अउर आदर के काबिल हय।

1 थिस्सलुनीकियन 4:4 ပူးပေါင်းရင်းမြစ်များ

खास चेलन 9:15

पय प्रभू उनसे कहिन, कि “तूँ चले जा; काहेकि हम साऊल काहीं चुनि लिहेन हँय, कि ऊँ गैरयहूदी लोगन के आँगे अउर राजन के आँगे, अउर इजराइलिअन के आँगे हमरे नाम के प्रचार करँय।

रोमियन 1:24

एसे परमातिमा उनहीं पंचन काहीं उनखे मन के बुरी इच्छन के मुताबिक असुद्ध होंइ के खातिर छोंड़ दिहिन, कि ऊँ पंचे ब्यभिचार माहीं परिके आपस माहीं अपने देंहन के अपमान करँय।

रोमियन 12:1

हे भाई-बहिनिव, परमातिमा तोंहरे ऊपर जउन दया किहिन हीं, ओही सुधि देबाइके तोंहसे पंचन से बिनती करित हएन, कि अपने-अपने जीबन काहीं जिन्दा, अउर पबित्र, अउर परमातिमा काहीं प्रसन्न करँइ बाले बलिदान के रूप माहीं समरपित कइ द्या, तोंहार पंचन के परमातिमा के सेबा करँइ के सही तरीका इहय आय।

रोमियन 6:19

अउर हम तोंहरे पंचन के देंह के निबल दसा होंइ के कारन, मनइन के रीति के मुताबिक कहित हएन, कि जइसन तूँ पंचे अपने देंह के अंगन काहीं, कुकर्म करँइ के खातिर, अउर असुद्धता अउर कुकर्म के दास होंइ के खातिर घलाय सउँपि दिहा तय, उहयमेर अब अपने अंगन काहीं पबित्र होंइ के खातिर, परमातिमा के नजर माहीं जउन निकहे काम हें, उनखर दास के रूप माही सउँपि द्या।

1 कुरिन्थियन 6:15

अउर का तूँ पंचे इआ नहीं जनते आह्या, कि तोंहार पंचन के देंह मसीह के देंह के अंग आहीं? त का हम पंचे मसीह के अंग लइके बेस्या के अंग बनाई? बेलकुल नहीं।

1 कुरिन्थियन 7:2

तोंहरे बीच माहीं ब्यभिचार न होय, इआ कारन से हरेक मंसेरुआ के एकठे मेहेरिआ होय, अउर हरेक मेहेरिआ के एकठे मंसेरुआ होय।

1 कुरिन्थियन 7:9

पय अगर ऊँ पंचे अपने देंह के इच्छन काहीं अपने काबू माहीं नहीं कइ सकँय, त ऊँ पंचे काज कइ लेंय, काहेकि सारीरिक सम्बन्ध बनामँइ के बड़ी इच्छा रखिके जिए से, उनहीं पंचन काहीं काज कइ लेब नीक हय।

2 कुरिन्थियन 4:7

काहेकि परमातिमा अपने असीमित सामर्थ काहीं, हमरे पंचन के देंह के अंदर रक्खिन हीं, जउन टूटँइ बाले माटी के बरतनन कि नाईं हईं, कि जउने इआ साबित होइ जाय, कि इआ सामर्थ हमार पंचन के न होय, बलकिन परमातिमय के आय।

फिलिप्पियन 4:8

एसे हे भाई-बहिनिव, जउन-जउन बातँय सत्य हईं, अउर जउन-जउन बातँय आदर के काबिल हईं, अउर जउन-जउन बातँय उचित हईं, अउर जउन-जउन बातँय पबित्र हईं, अउर जउन-जउन बातँय निकही हईं, अउर जउन-जउन बातँय मन काहीं नीक लागँइ बाली हईं, मतलब इआ, कि जउन-जउन बातँय जीबन माहीं निकहे बिचार पइदा करती हईं, अउर जउन सराहनीय बातँय हईं, उनहिन के ऊपर आपन ध्यान रक्खा।

इब्रानियन 13:4

अउर काज-बिआह सबके बीच माहीं मान-सम्मान के बात समझी जाय, अउर उनखर बिछउना निस्कलंक होंइ चाही, अरथात जिनखर बिआह होत हय, उनहीं पबित्र होंइ चाही, काहेकि परमातिमा ब्यभिचारिन, अउर दुसरे के मेहेरिआ के साथ नजायज सम्बन्ध बनामँइ बालेन के न्याय करिहँय।

1 पतरस 3:7

उहयमेर हे मंसेरुअव, तुहूँ पंचे घलाय अपने-अपने मेहेरिआ के साथ समझदारी से जीबन निरबाह करा। अउर उनहीं कमजोर जानिके, उनखर सम्मान करा। इआ समझिके, कि हम पंचे दोनव जने अनन्त जीबन के बरदान के बारिसदार आहेन। जउने तोंहार पंचन के प्राथना परमातिमा के लघे तक पहुँचय से न रुकय।