1 थिस्सलुनीकियन 4:3 - Bagheli Bible

³ काहेकि परमातिमा के इआ इच्छा ही, कि तूँ पंचे पबित्र बना, मतलब ब्यभिचार से बचे रहा।

1 थिस्सलुनीकियन 4:3 ပူးပေါင်းရင်းမြစ်များ

मत्ती 12:50

काहेकि जे कोऊ स्वरग माहीं रहँइ बाले हमरे पिता परमातिमा के मरजी के मुताबिक चलत हय, उहय हमार भाई, बहिनी अउर महतारी आय।”

मत्ती 15:19

काहेकि घिनहे बिचार करब, कतल करब, दुसरे के मेहेरिआ से नजायज सम्बन्ध रक्खब, ब्यभिचार करब, चोरी करब, लबरी गबाही देब, अउर दुसरे के बुराई करब, ईं सगली बातँय करँइ के बिचार मनय से निकरत हय।

मत्ती 5:32

पय हम तोंहसे कहित हएन, कि जे कोऊ ब्यभिचार के अलाबा अउर दुसरे कारन से अपने मेहेरिआ के छोंड़-छुट्टी करत हय, त उआ अपने मेहेरिआ से ब्यभिचार कराबत हय; अउर जे कोऊ उआ छोंड़ी मेहेरिआ से काज करत हय, त उहव ओसे ब्यभिचार करत हय।

मत्ती 7:21

जेतने हमसे, हे प्रभू, हे प्रभू, कहत हें, उनमा से हरेक जन स्वरगराज माहीं न जाए पइहँय, बलकिन उहय स्वरगराज माहीं जई, जउन स्वरग माहीं रहँइ बाले हमरे पिता के मरजी के मुताबिक चलत हय।

मरकुस 3:35

काहेकि जे कोऊ परमातिमा के मरजी के मुताबिक चलत हय, उहय हमार भाई, बहिनी अउर महतारी आय।”

यूहन्ना 4:34

यीसु उनसे कहिन, “हमार खाना इआ आय, कि हम अपने पठमँइ बाले के मरजी के मुताबिक चली, अउर उनखर काम पूर करी।

यूहन्ना 7:17

अगर कोऊ परमातिमा के मरजी के मुताबिक चलँइ चाहय, त उआ इआ उपदेस के बारे माहीं जान जई, कि उआ परमातिमा के तरफ से आय, कि हम अपने कइती से देइत हएन।

खास चेलन 15:20

बलकिन उनहीं लिखिके पठई, कि ऊँ पंचे मूरतिन माहीं चढ़ाबा खाना न लेंय, अउर ब्यभिचार से बचँय, अउर नेटई काटिके मारे गे पसुअन के माँस अउर उनखे खून काहीं न खाँय।

खास चेलन 15:29

कि तूँ पंचे मूरतिन माहीं चढ़ाए खाना से, अउर नेटई काटिके मारे गे पसुअन के माँस काहीं खाँय से, अउर ब्यभिचार से बचे रहा, त तोंहार पंचन के भला होई”। अउर तूँ पंचे नीके कुसल रहा।

खास चेलन 20:32

अउर अब हम अपना पंचन काहीं परमातिमा काहीं, अउर उनखे किरपा के बचन काहीं सँउपे देइत हएन; जउन अपना पंचन के उन्नति कइ सकत हें, अउर सगले पबित्र कीन मनइन के साथ अपना पंचन काहीं बारिसदार बनाय सकत हें।

खास चेलन 26:18

कि तूँ उनखर आँखी खोला, जउने ऊँ पंचे अँधिआर से जोति कइती, अउर सइतान के अधिकार से परमातिमा कइती फिरँय; एसे उनहीं पापन से माफी मिली, अउर उन मनइन के बीच माहीं जघा पइहँय, जउन हमरे ऊपर बिसुआस किहे के कारन पबित्र कीन गे हँय।’

रोमियन 1:29

एसे ऊँ पंचे हरेकमेर के अधरम करँइ बाले, अउर दुस्टता करँइ बाले, अउर लालच करँइ बाले बनिगें, अउर इरसा से भरिगें; अउर डाह करँइ बाले, अउर कतल करँइ बाले, अउर झगड़ा करँइ बाले, अउर छल-कपट करँइ बाले बनिगें अउर इरसा से भरिगें, अउर चुगली करँइ बाले,

रोमियन 12:2

अउर तूँ पंचे इआ संसार के बुरे मनइन कि नाईं न बना; काहेकि परमातिमा तोंहरे मन काहीं नबा कइ दिहिन हीं, एसे तोंहार पंचन के चाल-चलन बदलत जाँइ चाही, जउने तूँ पंचे अपने अनुभव से इआ जान लेबा करा, कि परमातिमा तोंहरे जीबन से का चाहत हें, अउर उनहीं का नीक लागत हय, अउर उनखर पूरी इच्छा का ही।

रोमियन 6:22

पय अब तूँ पंचे पाप के बन्धन से अजाद होइके, परमातिमा के दास बन गया हय, अउर अपने जीबन माहीं पबित्रता के फर पइदा कइ रहे हया, जेखर परिनाम हय अनन्त जीबन।

1 कुरिन्थियन 1:30

अउर उनहिन के द्वारा तूँ पंचे मसीह यीसु माहीं बने हया, जउन परमातिमा के तरफ से हमरे पंचन के खातिर ग्यान ठहरे हँय, अउर उनहिन के द्वारा हम पंचे परमातिमा के नजर माहीं निरदोस साबित भएन हँय, पबित्र बनाए गएन हँय, अउर हरेक बुराइन से छुटकारा घलाय पाए हएन।

1 कुरिन्थियन 7:2

तोंहरे बीच माहीं ब्यभिचार न होय, इआ कारन से हरेक मंसेरुआ के एकठे मेहेरिआ होय, अउर हरेक मेहेरिआ के एकठे मंसेरुआ होय।

2 कुरिन्थियन 12:21

अउर हमहीं इहव बात के डेर हय, कि जब हम तोंहसे मिलँइ के खातिर अई। त तोंहरेन आँगे, हमार परमातिमा हमहीं लज्जित न करँइ; अउर हमहीं उनखे खातिर दुखी होंय परय, जउन पहिले पाप किहिन तय, अउर घिनहे-घिनहे काम किहिन तय, अउर ब्यभिचार किहिन तय, अउर भोग-बिलास के काम किहिन तय, पय उनखे खातिर पस्चाताप नहीं किहिन आय।

गलातियन 5:19

काहेकि देंह के काम त देखाई देत हें, जइसन ब्यभिचार करब, बुरे काम करब, लुच्चई करब,

इफीसियन 5:17

एसे निरबुद्धी मनई कि नाईं न बना, बलकिन प्रभू के इच्छा तोंहरे पंचन के जीबन माहीं का ही? ओही बड़े ध्यान से समझँय के कोसिस करा।

इफीसियन 6:6

अउर मनइन काहीं खुस करँइ बालेन कि नाईं देखाला के खातिर सेबा न करा, बलकिन मसीह के सेबकन कि नाईं, जउन पूरे मन से परमातिमा के इच्छा के मुताबिक चलत हें, उहयमेर तुहूँ पंचे अपने मालिकन के पूरे मन से सेबा करा।

कुलुस्सियन 1:9

एसे जउने दिना से हम तोंहरे बारे माहीं इआ सुने हएन, त हमहूँ घलाय रोज तोंहरे खातिर इआ प्राथना करित हएन, कि तूँ पंचे आत्मिक ग्यान अउर समझ पायजा, अउर परमातिमा के इच्छा तोंहरे बारे माहीं का ही, इआ निकहा से जान जा।

कुलुस्सियन 3:5

एसे तोंहरे पंचन माहीं जउन संसारिक बातँय हईं, उनहीं छोंड़ि द्या, अरथात ब्यभिचार, असुद्धता, कामवासना, बुरी इच्छा, अउर लोभ जउन मूरत पूजँय के बराबर हय।

कुलुस्सियन 4:12

अउर इपफ्रास जउन तोंहरे बीच म से मसीह यीसु के दास आहीं, तोंहईं पंचन काहीं नबस्कार कहत हें, अउर तोंहरे खातिर हमेसा इआ प्राथना करत हें, कि तूँ पंचे आत्मिक रूप से मजबूत होइजा, अउर पूरे बिसुआस के साथ परमातिमा के इच्छा काहीं जानिके ओमाहीं स्थिर रहा।

1 थिस्सलुनीकियन 4:2

अउर हम पंचे प्रभू यीसु के तरफ से जउन-जउन हुकुम तोंहईं बताए रहेन हय, उनहीं त तूँ पंचे जनतेन हया?

1 थिस्सलुनीकियन 4:4

अउर तोंहरे पंचन म से हरेक जन अपने देंह के बासनन काहीं काबू म करब सिखा, काहेकि इआ पबित्र अउर आदर के काबिल हय।

1 थिस्सलुनीकियन 5:18

हरेक बात माहीं धन्यबाद करा; काहेकि जेतने जने मसीह यीसु माहीं हया, तोंहरे खातिर परमातिमा के इहय इच्छा ही।

1 थिस्सलुनीकियन 5:23

सान्ति देंइ बाले परमातिमा खुदय तोंहईं पूरी तरह से पबित्र करँय; अउर तोंहार आत्मा, प्रान अउर देंह हमरे पंचन के प्रभू यीसु मसीह के आमँइ तक, पूर-पूर निरदोस अउर सुरच्छित रहय।

2 थिस्सलुनीकियन 2:13

पय हे प्रभू के पियार भाई-बहिनिव, चाही कि हम पंचे तोंहरे बारे माहीं हमेसा परमातिमा काहीं धन्यबाद देत रही, काहेकि परमातिमा तोंहईं आदि से चुनि लिहिन हीं; कि पबित्र आत्मा के द्वारा पबित्र बनिके, अउर सत्य के बिसुआस कइके मुक्ती पाबा,

तीतुस 2:14

यीसु मसीह अपने इच्छा से हमरे पँचन खातिर मउत काहीं अपनाइन हीं, कि जउने हमहीं पँचन काहीं हरेकमेर के अधरम से छोड़ाय लेंय, अउर सुद्ध कइके अपने खातिर अइसन प्रजा बनाय लेंय, जउन निकहे-निकहे कामन काहीं करँइ के खातिर हरेक समय तइआर रहँय।

इब्रानियन 10:36

काहेकि तोंहईं पंचन काहीं धीरज धरब खुब जरूरी हय, जउने तूँ पंचे परमातिमा के मरजी काहीं पूर कइके, उनखे द्वारा कीन वादा के प्रतिफल पाबा।

इब्रानियन 12:16

अउर इहव बात के ध्यान रक्खा, कि तोंहरे पंचन के बीच म से कोऊ ब्यभिचार न करय, अउर न एसाव कि नाईं अधरमी बनय, जउन एक बेरकी के खाना के खातिर, आपन पहिलउठा होंइ के अधिकार बेंच डारिस तय।

इब्रानियन 13:21

अउर उँइन परमातिमा तोंहईं पंचन काहीं, हरेक निकही बातन माहीं परिपूर्न करँय, जउने तूँ पंचे उनखे मरजी काहीं पूर करा, अउर उनहीं जउन कुछू नीक लागत हय, ओही ऊँ यीसु मसीह के द्वारा हमरे पंचन के भीतर पइदा करँय, अउर उनहिन के बड़ाई जुग-जुग होत रहय। आमीन।

इब्रानियन 13:4

अउर काज-बिआह सबके बीच माहीं मान-सम्मान के बात समझी जाय, अउर उनखर बिछउना निस्कलंक होंइ चाही, अरथात जिनखर बिआह होत हय, उनहीं पबित्र होंइ चाही, काहेकि परमातिमा ब्यभिचारिन, अउर दुसरे के मेहेरिआ के साथ नजायज सम्बन्ध बनामँइ बालेन के न्याय करिहँय।

1 पतरस 1:2

तूँ पंचे पिता परमातिमा के भबिस्य ग्यान के मुताबिक, पबित्र आत्मा से पबित्र कीन जाँय के व्दारा, यीसु मसीह के हुकुम काहीं पालन करँइ के खातिर, अउर उनखे खून से छिनके जाँइ के खातिर चुने गए हया, तोंहईं पंचन काहीं परमातिमा के किरपा, अउर सान्ति बहुतायत से मिलत रहय।

1 पतरस 4:2

एसे तूँ पंचे संसार के बाँकी आपन जीबन, मनइन के बुरी अभिलासन के मुताबिक नहीं, बलकिन परमातिमा के मरजी के मुताबिक बिताबा।

1 यूहन्ना 2:17

अउर इआ संसार, अउर संसार के सगली अभिलासा, दोनव मिट जात हें, पय जउन मनई परमातिमा के इच्छा के मुताबिक चलत हय, उआ हमेसा बना रहत हय।

दरसनन के बातँय 21:8

पय डरपोकन, अउर अबिसुआसी लोगन, अउर बुरे काम करँइ बालेन, अउर कतलिन, अउर ब्यभिचारिन, अउर टोना मारँइ बालेन, अउर मूरतिन के पूजा करँइ बालेन, अउर सब लबरन के भाग, उआ झील माहीं मिली, जउन आगी अउर गन्धक से जलत रहत ही, इआ दूसर मउत आय।”

दरसनन के बातँय 22:15

पय कुकुरन, अउर जादू-टोना करँइ बाले, अउर ब्यभिचारी, अउर कतली, अउर मूरतिन के पूजा करँइ बाले, अउर हरेक लबरी काम करँइ बाले, अउर लबरी बोलँइ के इच्छा रक्खँइ बाले, बहिरेन रइहँय।”