1 थिस्सलुनीकियन 4:2 - Bagheli Bible

² अउर हम पंचे प्रभू यीसु के तरफ से जउन-जउन हुकुम तोंहईं बताए रहेन हय, उनहीं त तूँ पंचे जनतेन हया?

1 थिस्सलुनीकियन 4:2 ပူးပေါင်းရင်းမြစ်များ

मत्ती 28:20

अउर जउने बातन काहीं, हम तोंहईं पंचन काहीं मानँइ के हुकुम दिहेन हय, उँइन बातन काहीं मानँइ के खातिर उनहूँ पंचन काहीं सिखाबा: अउर इआ बात काहीं सुध रख्या, कि संसार के अन्त तक हमेसा हम तोंहरे पंचन के साथ माहीं रहब।”

1 कुरिन्थियन 9:21

अउर गैरयहूदी लोगन काहीं जिनखे लघे मूसा के बिधान नहिं आय, उनहीं प्रभू यीसु के लघे लइ आमँइ केर खातिर हम उनहिन कि नाईं बन गएन, हम मूसा के बिधान के बिरोधी नहिं आहेन, बलकिन हम मसीह के सिच्छा के अधीनता माहीं हएन।

1 थिस्सलुनीकियन 4:1

हे भाई-बहिनिव, हम पंचे तोंहसे बिनती करित हएन, अउर तोंहईं प्रभू यीसु के नाम से समझाइत हएन, कि जइसन तूँ पंचे हमसे पंचन से निकहा चाल-चलन चलब, अउर परमातिमा काहीं प्रसन्न करब सिखे हया, अउर उहयमेर चलते घलाय हया, त इहइमेर अउर आँगे बढ़त चले जा।

1 थिस्सलुनीकियन 4:3

काहेकि परमातिमा के इआ इच्छा ही, कि तूँ पंचे पबित्र बना, मतलब ब्यभिचार से बचे रहा।

2 थिस्सलुनीकियन 3:10

अउर हम पंचे जब तोंहरे इहाँ रहेन हय, तबहिनव इआ हुकुम तोंहईं देत रहेन हय, कि “अगर जे कोऊ काम न करँइ चाहय, त उआ खाँइव क न पाबय।”

2 थिस्सलुनीकियन 3:6

हे भाई-बहिनिव, हम पंचे, तोंहईं अपने प्रभू यीसु मसीह के नाम से हुकुम देइत हएन; कि तूँ पंचे सगले जन अइसन भाई-बहिनिन से अलग रहा, जिनखर चाल-चलन निकहा नहिं आय, काहेकि जउन सिच्छा ऊँ पंचे हमसे पाइन रहा हय, ओखे मुताबिक नहीं चलँय।