1 थिस्सलुनीकियन 3:2 - Bagheli Bible

² अउर हम तीमुथियुस काहीं जउन मसीह के खुसी के खबर के प्रचार करँइ माहीं हमार सहयोगी भाई, अउर परमातिमा के सेबक आहीं, उनहीं एसे पठएन हय, कि ऊँ तोंहईं समझाइके बिसुआस माहीं मजबूत बनामँइ,

1 थिस्सलुनीकियन 3:2 ပူးပေါင်းရင်းမြစ်များ

खास चेलन 16:1

ओखे बाद पवलुस दिरबे अउर लुस्त्रा सहरन माहीं घलाय गें, अउर उहाँ तीमुथियुस नाम के एकठे चेला रहे हँय, जिनखर महतारी यहूदी जाति के बिसुआसी रही हँय, पय उनखर बाप यूनानी जाति के रहे हँय।

खास चेलन 16:5

इआमेर से मसीही मन्डलिन के मनई बिसुआस माहीं मजबूत होत गें, अउर मसीही मन्डली गिनती माहीं हरेक दिन बढ़त गईं।

खास चेलन 18:5

जब सीलास अउर तीमुथियुस मकिदुनिया प्रदेस से आएँ, त पवलुस बचन सुनामँइ के धुन माहीं लगे रहे हँय, अउर यहूदी लोगन काहीं गबाही देत रहे हँय, कि “यीसुअय मसीह आहीं।”

रोमियन 16:21

अउर तीमुथियुस जउन हमरे साथ सेबा करत हें, अउर हमरे यहूदी जाति के साथी लोग लूकियुस अउर यासोन अउर सोसिपत्रुस के तरफ से तोंहईं पंचन काहीं नबस्कार पहुँचय।

1 कुरिन्थियन 3:10

अउर परमातिमा के जउन किरपा हमहीं मिली हय, ओहिन के द्वारा हम बुद्धिमान कारीगर कि नाईं खुसी के खबर के नेव डारेन हय, अउर दूसर कोऊ बचन सिखामँइ के द्वारा उआ नेव के ऊपर रद्दा रक्खँइ के काम करत हय, पय हरेक मनई सतरक रहय, कि उआ कइसन रद्दा रक्खत हय।

1 कुरिन्थियन 4:17

एसे हम तीमुथियुस काहीं, तोंहरे लघे पठएन हँय, जउन प्रभू माहीं बिसुआस करँइ के कारन, हमार पियार अउर बिसुआस के काबिल लड़िका आहीं। अउर हम हरेक जघा माहीं, अउर हरेक मसीही मन्डली माहीं मसीह के बारे माहीं जउन उपदेस देइत हएन, ऊँ उनखे बारे माहीं तोहईं पंचन काहीं सुध देबइहँय।

2 कुरिन्थियन 1:1

हम पवलुस इआ चिट्ठी काहीं लिख रहेन हय, जउन परमातिमा के मरजी से यीसु मसीह के खास चेला आहेन, अउर इआ चिट्ठी हमरे अउर हमरे बिसुआसी भाई तीमुथियुस के तरफ से परमातिमा के मसीही मन्डली काहीं मिलय, जउन कुरिन्थुस सहर माहीं ही, अउर अखाया प्रदेस के सगले पबित्र भाई-बहिनिन काहीं घलाय मिलय।

2 कुरिन्थियन 1:19

काहेकि परमातिमा के लड़िका यीसु मसीह जिनखर हमरे पंचन के द्वारा, अरथात हमरे अउर सिलवानुस अउर तीमुथियुस के द्वारा तोंहरे पंचन के बीच माहीं प्रचार कीन ग हय; ओमाहीं “हाँ” अउर “न” दोनव नहीं रहा आय; बलकिन ओमा केबल “हाँ” भर रहा हय।

2 कुरिन्थियन 2:12

जब हम मसीह के खुसी के खबर सुनामँइ के खातिर त्रोआस सहर माहीं आएन, त उहाँ खुसी के खबर सुनामँइ के खातिर प्रभू निकहा मोका दिहिन तय।

2 कुरिन्थियन 2:13

तऊ हमार मन ब्याकुल रहा हय, काहेकि हम उहाँ अपने मसीही भाई तीतुस काहीं नहीं पाएन तय; एसे हम उनसे बिदा लइके मकिदुनिया प्रदेस काहीं चल दिहेन।

2 कुरिन्थियन 8:23

अउर अगर कोऊ तीतुस के बारे माहीं पूँछय, त ऊँ हमार साथी आहीं। अउर तोंहरे पंचन के खातिर, ऊँ हमरे पंचन के साथ माहीं सेबा के काम करँइ बाले आहीं, अउर अगर ऊँ भाइन के बारे माहीं कोऊ पूँछय, त ऊँ मसीही मन्डली के तरफ से पठए, अउर मसीह काहीं आदर देंइ बाले आहीं।

फिलिप्पियन 1:25

अउर इआ बात जानित हएन, कि हम जिन्दा रहब, काहेकि हमहीं प्रभू के ऊपर बिसुआस हय, एसे कि हम तोंहरे पंचन के साथय माहीं रहब, जउने तूँ पंचे बिसुआस माहीं मजबूत होइजा, अउर प्रभू माहीं आनन्दित रहा।

कुलुस्सियन 1:1

हम पवलुस इआ चिट्ठी काहीं लिख रहेन हय, जउन परमातिमा के इच्छा से यीसु मसीह के खास चेला आहेन, हमरे तरफ से अउर भाई तीमुथियुस के तरफ से,

कुलुस्सियन 1:7

तूँ पंचे खुसी के खबर के सिच्छा, हमरे साथ माहीं काम करँइ बाले पियार साथी इपफ्रास से पाए हया, जउन हमरे खातिर मसीह के बिसुआस के काबिल सेबक हें।

कुलुस्सियन 4:12

अउर इपफ्रास जउन तोंहरे बीच म से मसीह यीसु के दास आहीं, तोंहईं पंचन काहीं नबस्कार कहत हें, अउर तोंहरे खातिर हमेसा इआ प्राथना करत हें, कि तूँ पंचे आत्मिक रूप से मजबूत होइजा, अउर पूरे बिसुआस के साथ परमातिमा के इच्छा काहीं जानिके ओमाहीं स्थिर रहा।

कुलुस्सियन 4:9

अउर उनहिन के साथ उनेसिमुस काहीं घलाय पठएन हय, जउन तोंहरेन पंचन के बीच म से बिसुआस के काबिल अउर पियार भाई आँय, ऊँ तोंहईं पंचन काहीं हमरे इहाँ के सगली बातन काहीं बतइहँय।

1 थिस्सलुनीकियन 3:13

जउने ऊँ तोंहरे हिरदँय काहीं अइसन स्थिर करँय, कि जब हमार पंचन के प्रभू यीसु अपने सगले पबित्र लोगन के साथ आमँय, त तूँ पंचे पिता परमातिमा के आँगे पबित्र अउर बेकसूर ठहरा।

1 थिस्सलुनीकियन 3:5

इआ कारन से जब हमसे अउर न रहा ग, त तोंहरे बिसुआस के हाल चाल जानँइ के खातिर तीमुथियुस काहीं पठएन, कि कहँव अइसा न होय, कि परिच्छा करँइ बाला सइतान तोंहार परिच्छा किहिस होय, अउर हमार पंचन के सगली मेहनत पानी माहीं चली गे होय।

2 थिस्सलुनीकियन 2:17

तोंहरे हिरदँय माहीं सान्ती देंय, अउर तोंहईं हरेक निकहे कामन, अउर बचन माहीं स्थिर करँय।