1 थिस्सलुनीकियन 2:8 - Bagheli Bible

⁸ अउर उहयमेर हम पंचे तोंहऊँ से ममता के कारन, न केबल परमातिमा के खुसी के खबर के खातिर, बलकिन तोंहरेव खातिर, आपन-आपन प्रान देंइ के खातिर तइआर रहे हएन, एसे कि तूँ पंचे हमहीं पंचन काहीं खुब पियार होइ गया तय।

1 थिस्सलुनीकियन 2:8 ပူးပေါင်းရင်းမြစ်များ

लूका 7:2

उहाँ कउनव सुबेदार के एकठे पियार दास रहा हय, त उआ खुब बिमार रहा हय, लागत रहा हय कि उआ मर जई।

रोमियन 1:1

हम पवलुस जउन यीसु मसीह के दास आहेन, इआ चिट्ठी काहीं लिख रहेन हय, अउर परमातिमा हमहीं यीसु मसीह के खास चेला होंइ के खातिर बोलाइन हीं, कि जउने हम उनखे खुसी के खबर के प्रचार करी काहेकि परमातिमा हमहीं इहय काम के खातिर नियुक्त किहिन हीं।

रोमियन 10:1

हे भाई-बहिनिव, हमार बड़ी इच्छा हय, कि यहूदी जाति के सगले मनई मुक्ती पामँय, एसे हम उनखे खातिर परमातिमा से प्राथना करित हएन।

रोमियन 15:29

अउर हम जानित हएन, कि जब हम तोंहरे पंचन के लघे अउब, त हमही पंचन काहीं मसीह के भरपूर आसीस मिली।

2 कुरिन्थियन 12:15

हमरे लघे जउन कुछू हय, त ओही हम तोंहरे खातिर खुसी के साथ खरचा करब, इहाँ तक कि अपने-आप काहीं घलाय तोंहरे खातिर खरचा कइ डारब। जब हम तोंहसे एतना प्रेम करित हएन, त का तोंहऊँ काहीं हमसे ओतनय प्रेम न करँइ चाही?

2 कुरिन्थियन 6:1

अउर परमातिमा के काम हम पंचे मिल जुलिके करित हएन, एसे हम पंचे, तोंहसे इआ बिनती करित हएन, कि परमातिमा के जउन किरपा तोंहरे पंचन के ऊपर भे ही, ओही बेकार न जाँइ द्या।

गलातियन 4:19

हे पियार लड़िकव, जब तक तूँ पंचे पूरी तरह से मसीह कि नाईं नहीं बन जाते आह्या, तब तक हम तोंहरे पंचन के खातिर उहयमेर दुखन काहीं सहित हएन, जइसन लड़िका होंइ के समय मेहेरिअन के पीरा होत ही।

फिलिप्पियन 1:8

इआ बात माहीं परमातिमा हमार गबाह हें, कि हम तोंहसे मसीह यीसु कि नाईं प्रेम करित हएन, अउर हम तोंहसे मिलँय के खातिर ब्याकुल रहित हएन।

फिलिप्पियन 2:17

अउर अगर तोंहरे बिसुआस रूपी बलिदान, अउर सेबा के साथ हमहीं आपन खून बहामँइ क परय, तऊ हम आनन्दित रहब, काहेकि तोंहरे पंचन के आनन्दय माहीं हमार आनन्द हय।

फिलिप्पियन 2:20

काहेकि हमरे लघे इनखे सुभाव कि नाईं अउर कउनव मनई नहिं आय, जउन तोंहरे भलाई के खातिर सच्चे मन से चिन्ता करत होय।

फिलिप्पियन 4:1

हे हमार पियार भाई-बहिनिव, तोंहरेन माहीं हमार जिव लगा रहत हय, काहेकि तुहिन हमार आनन्द अउर मुकुट आह्या, हे पियार भाई-बहिनिव, हम तोंहईं जइसन प्रभू के बारे माहीं बताएन हय, ओहिन माहीं अटल बने रहा।

कुलुस्सियन 1:28

जिनखर प्रचार कइके हम हरेक मनइन काहीं जताए देइत हएन, अउर अपने सगले ग्यान से हरेक मनइन काहीं सिखाइत हएन, कि जउने हम हरेक मनइन काहीं मसीह के सिच्छा माहीं, सिद्ध बनाइके परमातिमा के आँगे हाजिर करी।

कुलुस्सियन 1:7

तूँ पंचे खुसी के खबर के सिच्छा, हमरे साथ माहीं काम करँइ बाले पियार साथी इपफ्रास से पाए हया, जउन हमरे खातिर मसीह के बिसुआस के काबिल सेबक हें।

कुलुस्सियन 4:12

अउर इपफ्रास जउन तोंहरे बीच म से मसीह यीसु के दास आहीं, तोंहईं पंचन काहीं नबस्कार कहत हें, अउर तोंहरे खातिर हमेसा इआ प्राथना करत हें, कि तूँ पंचे आत्मिक रूप से मजबूत होइजा, अउर पूरे बिसुआस के साथ परमातिमा के इच्छा काहीं जानिके ओमाहीं स्थिर रहा।

फिलेमोन 1:1

हम पवलुस आहेन, अउर इआ चिट्ठी काहीं लिख रहेन हँय, जउन मसीह यीसु के कारन जेल माहीं हएन, हमरे तरफ से अउर भाई तीमुथियुस के तरफ से, इआ चिट्ठी हमरे पंचन के साथ माहीं काम करँइ बाले पियार फिलेमोन,

इब्रानियन 13:17

अउर तूँ पंचे अपने आत्मिक अँगुअन के हुकुमन काहीं माना, अउर उनखे अधीनता माहीं रहा, काहेकि ऊँ पंचे तोंहरे आत्मिक बढ़ोत्तरी के खातिर, हमेसा खुसी से काम करत रहत हें, अउर उनहीं अपने ईं कामन के हिंसाब परमातिमा काहीं देंइ परी। पय तूँ पंचे उनहीं इआ मोका न दिहा, कि ऊँ इआ काम काहीं खुसी से नहीं, बलकिन बड़े दुख के साथ करँय, त इआ दसा माहीं तोंहईं पंचन काहीं कउनव फायदा न होई।

1 यूहन्ना 3:16

यीसु मसीह हमरे पंचन के खातिर आपन प्रान दइ दिहिन हीं, एहिन से हम पंचे जानित हएन, कि प्रेम का आय? हमहीं पंचन काहीं घलाय अपने भाई-बहिनिन के खातिर, आपन प्रान नेउछाबर कइ देंइ चाही।