1 थिस्सलुनीकियन 2:7 - Bagheli Bible

⁷ पय जउनमेर महतारी अपने लड़िकन काहीं पालत-पोसत ही, उहयमेर हमहूँ पंचे घलाय तोंहरे बीच माहीं रहिके नम्रता देखायन हय।

1 थिस्सलुनीकियन 2:7 ပူးပေါင်းရင်းမြစ်များ

खास चेलन 13:18

अउर परमातिमा चालिस बरिस तक सुनसान जघा माहीं, उनखे गलतिन काहीं सहत रहिगें।

1 कुरिन्थियन 2:3

अउर हम निबल बनिके, डर-भय के साथ अउर खुब काँपत-काँपत तोंहरे पंचन के साथ माहीं रहेन हँय।

1 कुरिन्थियन 9:22

अउर हम निबल मनइन के खातिर निबल बन गएन, कि जउने निबल मनइन काहीं प्रभू यीसु मसीह के लघे खींच लई, अउर हम हरेक मनइन के खातिर उनहिन कि नाईं बन गएन, कि जउने कउनव मेर से कइअक जनेन काहीं मुक्ती देबाय देई।

2 कुरिन्थियन 10:1

हम पवलुस यीसु मसीह कि नाईं नम्र अउर दीन होइके तोंहसे पंचन से बिनती करित हएन, जबकि हमरे पीठ पीछे कुछ मनई कहत हें, कि हम डरपोक हएन। पय हम इआ लिखी चिट्ठी माहीं खुब निडर देखइत हएन।

2 कुरिन्थियन 13:4

इआ बात सही आय, कि जब मसीह काहीं क्रूस माहीं चढ़ाबा ग रहा हय, त ऊँ निबल देखात रहे हँय, पय अब परमातिमा के सक्ती से जिन्दा हें। एसे हमहूँ पंचे घलाय मसीह माहीं निबल देखइत हएन, पय परमातिमा के सक्ती से हमहूँ पंचे मसीह के साथ जिअत रहब। जउने तोंहार पंचन के सेबा करत रही।

गलातियन 4:19

हे पियार लड़िकव, जब तक तूँ पंचे पूरी तरह से मसीह कि नाईं नहीं बन जाते आह्या, तब तक हम तोंहरे पंचन के खातिर उहयमेर दुखन काहीं सहित हएन, जइसन लड़िका होंइ के समय मेहेरिअन के पीरा होत ही।

1 थिस्सलुनीकियन 2:11

तूँ पंचे जनते हया, कि जइसन बाप अपने लड़िकन के साथ बरताव करत हय, उहयमेर हम पंचे घलाय तोंहरे पंचन म से हरेक जन काहीं, उपदेस सुनाबत, अउर सान्ति देत, अउर समझाबत रहे हएन।

याकूब 3:17

पय जउन ग्यान परमातिमा के तरफ से आबत हय, उआ पहिले त पबित्र होत हय, अउर मिलनसार, कोमल अउर मीठ बोलँइ बाला अउर दयालू, अउर निकहे फर से लदा, अउर बिना पच्छपात के, अउर बिना कपट के होत हय।