1 थिस्सलुनीकियन 2:6 - Bagheli Bible

⁶ अउर हम पंचे मसीह के खास चेला होंइ के कारन तोंहरे ऊपर बोझ डार सकत रहेन हय, तऊ हम पंचे मनइन से आदर नहीं चाहत रहेन आय, अउर न तोंहसे अउर न कोहू से।

1 थिस्सलुनीकियन 2:6 ပူးပေါင်းရင်းမြစ်များ

गलातियन 1:10

का एसे तोंहईं पंचन काहीं अइसन लागत हय, कि हम मनइन काहीं प्रसन्न करँइ चाहित हएन? कि परमातिमा काहीं प्रसन्न करँइ चाहित हएन? पय तूँ पंचे इआ जानिल्या, कि अगर हम अबे तक मनइन काहीं प्रसन्न करत रहित, त मसीह के सेबक न होइत।

1 थिस्सलुनीकियन 2:9

काहेकि, हे भाई-बहिनिव, तूँ पंचे हमरे पंचन के कठिन मेहनत अउर दुख काहीं सुध रखते हया, हम पंचे एहिन से दिन-रात काम धन्धा कइ-कइके तोंहरे बीच माहीं, परमातिमा के खुसी के खबर के प्रचार किहेन, कि तोंहरे ऊपर बोझ न होय।

यूहन्ना 5:44

तूँ पंचे हमरे ऊपर बिसुआस कइसन कइ सकते हया, काहेकि तूँ पंचे त आपस माहीं एक दुसरे से मान-सम्मान चहते हया, अउर उआ मान-सम्मान पामँइ के कोसिस नहीं करते आह्या, जउन एकलउते परमातिमा के तरफ से मिलत हय।

यूहन्ना 5:41

हम मनइन से मान-सम्मान नहीं चाही।

1 तीमुथियुस 5:17

जउन पुरान बिसुआसी मसीही मन्डली के सगला प्रबन्ध निकहा से करत हें, खास करके उँइ जउन बचन सुनामँइ अउर सिखामँइ माहीं मेहनत करत हें, उँइ दुगुने मान-सम्मान के काबिल समझे जाँय।

गलातियन 5:26

अउर हम पंचे घमन्डी होइके, न एक दुसरे काहीं खिसबाई, अउर न एक दुसरे से जलन रक्खी।

2 कुरिन्थियन 13:10

जबकि अबे हम तोंहसे दूरी हएन, तऊ ईं बातन काहीं तोंहरे खातिर लिख रहेन हय, कि जब हम तोंहरे बीच माहीं अउब त, जउन अधिकार हमहीं प्रभू दिहिन हीं, त उआ तोंहरे फायदय के खातिर दिहिन हीं, हानि के खातिर न होय, त तूँ पंचे इआ ध्यान रख्या, कि हमहीं ओखर उपयोग कड़ाई से न करँइ परय।

2 कुरिन्थियन 4:5

हम पंचे आपन प्रचार नहीं करी, बलकिन यीसु मसीह के प्रचार करित हएन, कि उँइन प्रभू आहीं, अउर हम पंचे अपने बारे माहीं त इहय कहित हएन, कि हम पंचे यीसु मसीह के कारन तोंहार पंचन के सेबक आहेन।

1 कुरिन्थियन 11:9

अउर मंसेरुआ मेहेरिआ के खातिर नहीं बनाबा ग आय, पय मेहेरिआ-मंसेरुआ के खातिर बनाई गे ही।

यूहन्ना 12:43

काहेकि उनहीं मनइन के व्दारा दीन जाँय बाला सम्मान, परमातिमा के व्दारा दीन जाँय बाले सम्मान से जादा पियार लागत रहा हय।

यूहन्ना 7:18

जे कोऊ अपने तरफ से कुछू कहत हय, उआ अपनय बड़ाई चाहत हय; पय जे अपने पठमँइ बाले के बड़ाई चाहत हय, उआ सच्चा हय, अउर ओखे जीबन माहीं अधरम नहिं आय।

गलातियन 6:13

काहेकि खतना करामँइ बाले खुदय मूसा के बिधान के मुताबिक नहीं चलँय, पय तोंहार पंचन के खतना एसे करामँइ चाहत हें, कि जउने तोंहरे पंचन के सारीरिक दसा काहीं देखिके घमन्ड करँय।