1 थिस्सलुनीकियन 2:3 - Bagheli Bible

³ काहेकि हमार पंचन के उपदेस न त भ्रम माहीं डारँइ बाला आय, अउर न असुद्धय आय, अउर न ओमा छलय कपट आय।

1 थिस्सलुनीकियन 2:3 ပူးပေါင်းရင်းမြစ်များ

खास चेलन 13:15

अउर मूसा के बिधान अउर परमातिमा के सँदेस बतामँइ बालेन के किताबन काहीं पढ़े के बाद, सभा के कुछ अधिकारी उनखे लघे कहबाय पठइन, कि “हे भाइव, अगर सगले मनइन काहीं उपदेस देंइ के खातिर, तोंहरे मन माहीं कउनव बात होय, त बताबा।”

खास चेलन 4:36

अउर साइप्रस टापू माहीं पइदा भे, यूसुफ नाम के एक जने लेबी रहे हँय, जउने के नाम खास चेला लोग बरनबास अरथात (सान्ति के लड़िका) रक्खिन रहा हय।

2 कुरिन्थियन 11:13

इआमेर के मनई लबरे उपदेसक अउर छल से काम करँइ बाले आहीं, जउन मसीह के खास चेला होंइ के ढोंग करत हें।

2 कुरिन्थियन 2:17

काहेकि हम पंचे ऊँ खुब मनइन कि नाईं नहिं आहेन, जउन खुद के फायदा के खातिर परमातिमा के बचन माहीं मिलाबट कइके प्रचार करत हें, बलकिन हम पंचे अपने सच्चे मन से, परमातिमा के तरफ से, अउर परमातिमा काहीं हाजिर जानिके, मसीह के प्रचार करित हएन।

2 कुरिन्थियन 4:2

पय हम पंचे लज्जित करँइ बाले, अउर गुप्त कामन काहीं छोंड़ि दिहेन हय, अउर अपने चतुराई से नहीं चली, अउर न त परमातिमा के बचन माहीं मिलबटय करित आहेन, बलकिन परमातिमा के नजर माहीं, सत्य काहीं सरल रूप से बताइके, हरेक मनइन के सोच-बिचार माहीं आपन भलाई बइठाइत हएन।

2 कुरिन्थियन 4:5

हम पंचे आपन प्रचार नहीं करी, बलकिन यीसु मसीह के प्रचार करित हएन, कि उँइन प्रभू आहीं, अउर हम पंचे अपने बारे माहीं त इहय कहित हएन, कि हम पंचे यीसु मसीह के कारन तोंहार पंचन के सेबक आहेन।

2 कुरिन्थियन 6:8

मान-सम्मान पामँइ माहीं, अपमान सहँइ माहीं, अउर निकहा नाम पामँइ माहीं, अउर बदनामी सहँय माहीं, हरेक बातन माहीं खुद काहीं सच्चा साबित करित हएन। जबकि हम पंचे भरमामँइ बालेन कि नाईं देखइत त हएन, तऊ हम पंचे सच्चे हएन।

2 कुरिन्थियन 7:2

काहेकि हम पंचे कोहू के कुछू नहीं बिगाड़ेन आय, अउर न कोहू के साथ अन्याय किहेन आय, अउर न कोहू के साथ छलय किहेन आय, एसे तूँ पंचे अपने पूरे हिरदँय से हमसे पंचन से प्रेम करा।

1 थिस्सलुनीकियन 2:11

तूँ पंचे जनते हया, कि जइसन बाप अपने लड़िकन के साथ बरताव करत हय, उहयमेर हम पंचे घलाय तोंहरे पंचन म से हरेक जन काहीं, उपदेस सुनाबत, अउर सान्ति देत, अउर समझाबत रहे हएन।

1 थिस्सलुनीकियन 4:7

काहेकि परमातिमा हमहीं पंचन काहीं असुद्ध होंइ के खातिर नहीं, बलकिन पबित्र बनँइ के खातिर बोलाइन हीं।

2 थिस्सलुनीकियन 2:11

इहय कारन से परमातिमा उनमा एकठे भटकामँइ बाली सामर्थ काहीं पठइहँय, जउने ऊँ झूँठ के बिसुआस करँय,

2 पतरस 1:16

काहेकि जब हम पंचे, तोंहईं अपने प्रभू यीसु मसीह के सामर्थ के, अउर उनखे आमँइ के खबर बतायन तय, त उआ कहानी अपने हुसिआरी से गढ़िके न होय बतायन तय, बलकिन जउन हम पंचे अपने आँखिन से उनखे महिमा काहीं देखन तय, उहय बतायन हय।