1 थिस्सलुनीकियन 1:4 - Bagheli Bible

⁴ अउर हे परमातिमा के पियार भाई-बहिनिव, हम पंचे जानित हएन, कि तूँ पंचे परमातिमा के चुने आह्या।

1 थिस्सलुनीकियन 1:4 ပူးပေါင်းရင်းမြစ်များ

रोमियन 1:7

अउर इआ चिट्ठी तोंहईं पंचन काहीं मिलय, जउन रोम देस माहीं परमातिमा के पियार हया, अउर परमातिमा के पबित्र जन होंइ के खातिर चुने गया हय, हमरे पंचन के पिता परमातिमा अउर प्रभू यीसु मसीह के तरफ से तोंहईं पंचन काहीं किरपा अउर सान्ती मिलत रहय।

रोमियन 9:25

अउर जइसन कि होसे नबी के लिखी किताब माहीं लिखा हय, कि “जउन मनई पहिले हमार प्रजा नहीं रहे आहीं, उनहीं हम आपन प्रजा बनाउब, अउर जउन मनई पहिले हमहीं पियार नहीं रहे आहीं, ऊँ अब हमहीं पियार होइगें हँय।”

इफीसियन 1:4

संसार काहीं बनामँइ के पहिलेन से परमातिमा, यीसु मसीह के द्वारा हमहीं पंचन काहीं चुनि लिहिन तय, कि जउने हम पंचे उनखे नजर माहीं, उनखे प्रेम के कारन पबित्र अउर निरदोस ठहरी।

कुलुस्सियन 3:12

काहेकि तूँ पंचे परमातिमा के चुने पबित्र अउर पियार आह्या, एसे करुना, भलाई, दीनता, कोमलता अउर सहनसीलता काहीं अपनाबा।

1 थिस्सलुनीकियन 1:3

अउर अपने पिता परमातिमा के आँगे तोंहरे बिसुआस के काम, अउर प्रेम के मेहनत, अउर हमरे प्रभू यीसु मसीह माहीं आसा के धीरज काहीं लगीतार सुध करित हएन।

2 थिस्सलुनीकियन 2:13

पय हे प्रभू के पियार भाई-बहिनिव, चाही कि हम पंचे तोंहरे बारे माहीं हमेसा परमातिमा काहीं धन्यबाद देत रही, काहेकि परमातिमा तोंहईं आदि से चुनि लिहिन हीं; कि पबित्र आत्मा के द्वारा पबित्र बनिके, अउर सत्य के बिसुआस कइके मुक्ती पाबा,

1 पतरस 1:2

तूँ पंचे पिता परमातिमा के भबिस्य ग्यान के मुताबिक, पबित्र आत्मा से पबित्र कीन जाँय के व्दारा, यीसु मसीह के हुकुम काहीं पालन करँइ के खातिर, अउर उनखे खून से छिनके जाँइ के खातिर चुने गए हया, तोंहईं पंचन काहीं परमातिमा के किरपा, अउर सान्ति बहुतायत से मिलत रहय।

2 पतरस 1:10

एसे हे भाई-बहिनिव, इआ साबित करँइ के खातिर, अउर जादा कोसिस करा, कि तोंहईं पंचन काहीं, बास्तव माहीं परमातिमा के द्वारा बोलाबा ग हय, अउर चुना ग हय, काहेकि अगर तूँ पंचे ईं बातन काहीं करत रइहा, त न कबहूँ ठोकरय खइहा, अउर न त कबहूँ बिसुआस से भटकबय करिहा।