1 थिस्सलुनीकियन 1:3 - Bagheli Bible

³ अउर अपने पिता परमातिमा के आँगे तोंहरे बिसुआस के काम, अउर प्रेम के मेहनत, अउर हमरे प्रभू यीसु मसीह माहीं आसा के धीरज काहीं लगीतार सुध करित हएन।

1 थिस्सलुनीकियन 1:3 ပူးပေါင်းရင်းမြစ်များ

यूहन्ना 14:15

अउर यीसु पुनि कहिन, “अगर तूँ पंचे हमसे प्रेम करते हया, त हमरे हुकुमन काहीं मनिहा।

यूहन्ना 15:10

अगर तूँ पंचे हमरे हुकुमन काहीं पालन करिहा, त हमरे प्रेम माहीं बने रइहा: जइसा कि हम अपने पिता परमातिमा के हुकुमन काहीं पालन किहेन हय, अउर उनखे प्रेम माहीं बने रहित हएन।

खास चेलन 10:31

अउर कहँइ लागें, कि ‘हे कुरनेलियुस, तोंहार प्राथना सुन लीनगे ही, अउर तोंहार दान परमातिमा के आँगे याद कीन गे हँय।

खास चेलन 3:19

एसे तूँ पंचे आपन मन फिराबा, अउर परमातिमा के तरफ लउटि आबा, जउने तोंहार पंचन के पाप धोबरि जाँय, अउर तोंहईं सान्ती अउर आनन्द मिलय।

रोमियन 12:12

अउर अपने आसा माहीं आनन्दित रहा; दुख-मुसीबत माहीं धीरज रक्खा; अउर हमेसा प्राथना करँइ माहीं लगे रहा।

रोमियन 15:13

हम प्राथना करित हएन, कि परमातिमा जउन तोंहईं पंचन काहीं आसा देत हें, अउर तूँ पंचे उनखे ऊपर बिसुआस करते हया, एसे ऊँ तोंहईं पंचन काहीं आनन्द अउर सान्ती से भर देंय, कि जउन आसा तूँ पंचे उनखे ऊपर रक्खे हया, उआ पबित्र आत्मा के सक्ती से अउर बाढ़त जाय।

रोमियन 15:4

अउर पबित्र सास्त्र माहीं जेतनी बातँय पहिले से लिखी गई हँय, ऊँ सगली हमहीं पंचन काहीं सिच्छा देंइ के खातिर लिखी गई हँय, कि हम पंचे धीरज अउर पबित्र सास्त्र के उत्साहित करँइ के द्वारा आसा रक्खी।

रोमियन 16:26

पय अब ओही हमेसा रहँइ बाले परमातिमा के हुकुम से उनखे सँदेस बतामँइ बालेन के लिखी किताबन के द्वारा, सगले जातिअन के मनइन काहीं बताबा ग हय, कि जउने उनखे ऊपर बिसुआस कइके, ऊँ पंचे उनखर हुकुम मानँइ बाले होइ जाँय।

रोमियन 16:6

अउर मरियम बहिनी काहीं, जउन तोंहरे पंचन के खातिर खुब मेहनत करती हईं, उनहीं हमार नबस्कार कहि दिहा।

रोमियन 2:7

जउन मनई धीरज के साथ लगीतार निकहा काम करत, परमातिमा के तरफ से बड़ाई अउर मान- सम्मान पामँइ अउर परमातिमा के साथ हमेसा रहँइ खातिर खोज माहीं लगे रहत हें, उनहीं परमातिमा अनन्त जीबन देइहँय।

1 कुरिन्थियन 13:13

एसे अब हमहीं पंचन काहीं परमातिमा के ऊपर हमेसा बिसुआस रक्खँइ चाही, अउर उनखे ऊपर आसा रक्खँइ चाही, अउर एक दुसरे से प्रेम रक्खँइ चाही, काहेकि ईं तीनव कबहूँ न नास होइहँय, पय इन माहीं सगलेन से बड़ा प्रेम हय।

1 कुरिन्थियन 15:58

एसे हे हमार पियार भाई-बहिनिव, तूँ पंचे बिसुआस माहीं मजबूत होइके, प्रभू माहीं अटल रहा, अउर प्रभू के काम करँइ के खातिर, खुद काहीं पूरी तरह से समरपित कइ द्या, काहेकि तूँ पंचे इआ जनते हया, कि प्रभू के खातिर जउन मेहनत तूँ पंचे करते हया, उआ बेकार न होई।

2 कुरिन्थियन 2:17

काहेकि हम पंचे ऊँ खुब मनइन कि नाईं नहिं आहेन, जउन खुद के फायदा के खातिर परमातिमा के बचन माहीं मिलाबट कइके प्रचार करत हें, बलकिन हम पंचे अपने सच्चे मन से, परमातिमा के तरफ से, अउर परमातिमा काहीं हाजिर जानिके, मसीह के प्रचार करित हएन।

गलातियन 1:4

यीसु मसीह हमरे पंचन के पापन के खातिर खुद काहीं बलिदान कइ दिहिन, जउने पिता परमातिमा के इच्छा के मुताबिक, हमहीं पंचन काहीं इआ बुरे संसार से छोड़ामँइ।

गलातियन 5:13

हे भाई-बहिनिव, परमातिमा तोहईं पंचन काहीं अजाद होंइ के खातिर बोलाइन हीं, पय अइसा न होंइ चाही, कि तूँ पंचे इआ अजादी काहीं देंह के इच्छन काहीं पूर करँइ के खातिर साधन बनाबा? बलकिन प्रेम से एक दुसरे के सेबा करँइ बाले बना।

गलातियन 5:6

काहेकि अगर हम पंचे यीसु मसीह के ऊपर बिसुआस करित हएन, त खतना करबाउब इआ कि खतना न करबाउब, एसे कउनव फायदा नहिं आय, बलकिन केबल यीसु मसीह के ऊपर बिसुआस रखिके, दुसरे मनइन से प्रेम करब खास बात आय।

गलातियन 6:9

एसे हम पंचे निकहे कामन काहीं करँइ माही साहस न छोंड़ी, काहेकि अगर हम पंचे भलाई के काम करतय रहब, त सही समय आमँय पर हमहीं पंचन काहीं ओखर प्रतिफल जरूर मिली।

1 थिस्सलुनीकियन 3:6

पय अबहिनय तीमुथियुस, जउन तोंहरे लघे से हमरे लघे आइके, तोंहरे बिसुआस, अउर प्रेम के निकही खबर सुनाइन हीं, अउर इआ बात काहीं घलाय बताइन हीं, कि तूँ पंचे हमेसा प्रेम के साथ हमहीं पंचन काहीं सुध करते हया, अउर हमहीं पंचन काहीं देखँइ के इच्छा करते हया, जइसा हमहूँ पंचे, तोंहईं देखँइ के इच्छा करित हएन।

2 थिस्सलुनीकियन 1:11

एसे हम पंचे, हमेसा तोंहरे खातिर प्राथना घलाय करित हएन, कि हमार पंचन के परमातिमा, तोंहईं उआ जीबन के काबिल समझँय, जउने काहीं जिअँइ के खातिर बोलाइन रहा हय, अउर तोंहरे भलाई के हरेक इच्छा, अउर बिसुआस के हरेक कामन काहीं सामर्थ सहित पूर करँय।

2 थिस्सलुनीकियन 1:3

हे भाई-बहिनिव, तोंहरे बारे माहीं हमहीं पंचन काहीं, हर समय परमातिमा काहीं धन्यबाद देत रहँइ चाही, अउर इआ उचितव हय, एसे कि तोंहार बिसुआस खुब बाढ़त जात हय, अउर तोंहार सगलेन के प्रेम घलाय आपस माहीं खुब बाढ़त जात हय।

1 तीमुथियुस 1:14

अउर प्रभू के किरपा हमहीं बहुतायत से मिली, अउर साथय-साथ उआ बिसुआस अउर प्रेम जउन मसीह यीसु के ऊपर बिसुआस किहे से मिलत हय, उहव हमहीं मिला।

1 तीमुथियुस 2:3

अउर हमहीं पंचन काहीं मुक्ती देंइ बाले परमातिमा काहीं, इआ निकहा लागत हय, अउर ऊँ एसे प्रसन्नव होत हें।

इब्रानियन 10:36

काहेकि तोंहईं पंचन काहीं धीरज धरब खुब जरूरी हय, जउने तूँ पंचे परमातिमा के मरजी काहीं पूर कइके, उनखे द्वारा कीन वादा के प्रतिफल पाबा।

इब्रानियन 11:17

अउर अब्राहम काहीं परमातिमा के ऊपर पूर बिसुआस रहा हय, एहिन से अपने परिच्छा होंइ के समय इसहाक काहीं बलिदान के रूप माहीं चढ़ाइन, अउर ऊँ परमातिमा के वादा काहीं सही मानिन तय,

इब्रानियन 13:21

अउर उँइन परमातिमा तोंहईं पंचन काहीं, हरेक निकही बातन माहीं परिपूर्न करँय, जउने तूँ पंचे उनखे मरजी काहीं पूर करा, अउर उनहीं जउन कुछू नीक लागत हय, ओही ऊँ यीसु मसीह के द्वारा हमरे पंचन के भीतर पइदा करँय, अउर उनहिन के बड़ाई जुग-जुग होत रहय। आमीन।

इब्रानियन 4:11

एसे हम पंचे उआ अराम के जघा माहीं जाँइ के खातिर पूर कोसिस करी, कहँव अइसा न होय, कि हमरे पंचन म से कोऊ, इजराइलिअन कि नाईं बन जाय, जउन परमातिमा के हुकुम काहीं न मानिके, अराम के जघा माहीं नहीं जाए पाइन तय।

इब्रानियन 6:15

अउर इआमेर से अब्राहम धीरज धइके, परमातिमा के द्वारा कीन वादा के बात काहीं पाइन।

1 पतरस 3:4

बलकिन तोंहार पंचन के सिंगार त मन के भीतर छिपा निकहा सुभाव होंइ चाही, जइसन नम्रता, अउर मन के दीनता के कबहूँ न नास होंइ बाली सजाबट, से सजे रहब, काहेकि परमातिमा के नजर माहीं एखर बड़ी कीमत ही।

1 यूहन्ना 3:18

हे पियार लड़िकव, हमार पंचन के प्रेम बातन भर माहीं नहीं, बलकिन कामन के साथ अउर सच्चा होंइ चाही।

1 यूहन्ना 3:21

हे पियार साथिव, अगर हमार मन हमहीं दोसी न ठहराबय, त हमहीं पंचन काहीं परमातिमा के आँगे साहस मिली।

1 यूहन्ना 3:3

अउर जे कोऊ उनखे ऊपर इआ आसा रक्खत हय, उआ अपने काहीं उहयमेर पबित्र रक्खत हय, जइसन मसीह पबित्र हें।

1 यूहन्ना 5:3

उनखे हुकुमन काहीं पालन कइके, हम पंचे इआ देखाइत हएन, कि हम पंचे परमातिमा से प्रेम करित हएन, अउर उनखे हुकुमन के पालन करब जादा कठिन नहिं आय।

दरसनन के बातँय 2:19

हम तोंहरे कामन, अउर प्रेम, अउर बिसुआस, अउर सेबा, अउर धीरज काहीं जानित हएन, अउर इहव जानित हएन, कि तोंहार पिछले काम, पहिल कामन से बढ़िके हें।

दरसनन के बातँय 3:10

हम तोंहईं धीरज धरँय के खातिर कहेन तय, त तूँ धीरज धरे हया, एसे हमहूँ तोंहईं परिच्छा के उआ समय बचाइके रक्खब, जउन धरती माहीं रहँइ बालेन के जाँचय-परखँय के खातिर, सगले संसार माहीं आमँइ बाली हय।