1 थिस्सलुनीकियन 1:1 - Bagheli Bible

¹ पवलुस, सीलास, अउर तीमुथियुस के तरफ से थिस्सलुनीकी सहर के मसीही मन्डली के नाम चिट्ठी, जउन पिता परमातिमा अउर प्रभू यीसु मसीह काहीं मानत हें, उनहीं किरपा अउर सान्ती मिलत रहय।

1 थिस्सलुनीकियन 1:1 ပူးပေါင်းရင်းမြစ်များ

खास चेलन 15:22

तब सगले मसीही मन्डली के मनइन, अउर यीसु के खास चेलन, अउर धारमिक अँगुअन काहीं इआ नीक लाग, कि अपने बीच म से कुछ मनइन काहीं चुनिके, उनहीं बरनबास अउर पवलुस के साथ अन्ताकिया सहर माहीं पठमँइ, एसे ऊँ पंचे यहूदा काहीं जउन बरसब्बा कहाबत रहे हँय, अउर सीलास काहीं जउन बिसुआसी भाइन माहीं मुखिया रहे हँय चुनिन।

खास चेलन 15:27

अउर हम पंचे यहूदा अउर सीलास काहीं एहिन से पठयन हँय, जउने ऊँ अपने मुँहे से घलाय ईं सगली बातन काहीं बतामँय।

खास चेलन 15:40

पय पवलुस सीलास काहीं चुनि लिहिन, अउर बिसुआसी भाई लोग उनहीं परमातिमा के किरपा माहीं सउँपि दिहिन, अउर ऊँ पंचे उहाँ से चलेगें।

खास चेलन 16:19

जब ओखर मालिक देखिन, कि “हमरे पंचन के कमाई के साधन खतम होइगा हय”, त पवलुस अउर सीलास काहीं पकड़िके चउराहा माहीं प्रधानन के लघे लइगें।

खास चेलन 16:25

आधी रात के करीब पवलुस अउर सीलास, प्राथना करत परमातिमा के भजन गाबत रहे हँय, अउर दूसर कइदी उनखर भजन सुनत रहे हँय।

खास चेलन 16:29

तब दरोगा दिया मगबाइके हरबिन भीतर गें, अउर काँपत-काँपत पवलुस अउर सीलास के गोड़न गिरें।

खास चेलन 17:11

पय उहाँ के सगले मनई थिस्सलुनीके सहर के मनइन से निकहे रहे हँय, अउर ऊँ पंचे पूरे मन से पवलुस के बताए बचन काहीं सुनिके अपनाइन, अउर हरेक दिन पबित्र सास्त्र माहीं ढूँढ़त रहे हँय, कि ईं बातँय इहइमेर लिखी हईं कि नहीं।

खास चेलन 18:5

जब सीलास अउर तीमुथियुस मकिदुनिया प्रदेस से आएँ, त पवलुस बचन सुनामँइ के धुन माहीं लगे रहे हँय, अउर यहूदी लोगन काहीं गबाही देत रहे हँय, कि “यीसुअय मसीह आहीं।”

खास चेलन 19:22

एसे अपने सेबकन म से तीमुथियुस अउर इरास्तुस काहीं, मकिदुनिया प्रदेस माहीं पठइके, खुद आसिया प्रदेस माहीं कुछ दिना रहिगें।

खास चेलन 20:4

तब बिरिया सहर के पुरूर्स के लड़िका सोपत्रुस अउर थिस्लोनी सहर के रहँइ बालेन म से अरिस्तरखुस अउर सिकुन्दुस अउर दिरबे के गयुस, अउर तीमुथियुस अउर आसिया प्रदेस के तुखिकुस अउर त्रुफिमुस आसिया प्रदेस तक पवलुस के साथ माहीं आएँ।

रोमियन 1:7

अउर इआ चिट्ठी तोंहईं पंचन काहीं मिलय, जउन रोम देस माहीं परमातिमा के पियार हया, अउर परमातिमा के पबित्र जन होंइ के खातिर चुने गया हय, हमरे पंचन के पिता परमातिमा अउर प्रभू यीसु मसीह के तरफ से तोंहईं पंचन काहीं किरपा अउर सान्ती मिलत रहय।

1 कुरिन्थियन 1:2

परमातिमा के लोगन के उआ मन्डली काहीं मिलय, जउन कुरिन्थुस सहर माहीं ही, अरथात जे कोऊ मसीह यीसु माहीं जुड़ँइ के द्वारा पबित्र कीन गे हँय, अउर उनखर भक्त होंइ के खातिर अलग कीन गे हँय; अउर ऊँ सगले बिसुआसी भाई-बहिनिन काहीं घलाय मिलय, जउन हमरे पंचन के अउर अपने प्रभू यीसु मसीह के नाम से हरेक जघा माहीं अराधना करत हें।

2 कुरिन्थियन 1:1

हम पवलुस इआ चिट्ठी काहीं लिख रहेन हय, जउन परमातिमा के मरजी से यीसु मसीह के खास चेला आहेन, अउर इआ चिट्ठी हमरे अउर हमरे बिसुआसी भाई तीमुथियुस के तरफ से परमातिमा के मसीही मन्डली काहीं मिलय, जउन कुरिन्थुस सहर माहीं ही, अउर अखाया प्रदेस के सगले पबित्र भाई-बहिनिन काहीं घलाय मिलय।

2 कुरिन्थियन 1:19

काहेकि परमातिमा के लड़िका यीसु मसीह जिनखर हमरे पंचन के द्वारा, अरथात हमरे अउर सिलवानुस अउर तीमुथियुस के द्वारा तोंहरे पंचन के बीच माहीं प्रचार कीन ग हय; ओमाहीं “हाँ” अउर “न” दोनव नहीं रहा आय; बलकिन ओमा केबल “हाँ” भर रहा हय।

गलातियन 1:2

अउर हमरे अउर सगले भाइन के तरफ से जउन हमरे साथ माहीं हें, इआ चिट्ठी गलातिया प्रदेस के मसीही मन्डली काहीं मिलय।

गलातियन 1:22

पय यहूदिया प्रदेस के मसीही मन्डलिन के मनई जउन यीसु मसीह काहीं मानत रहे हँय, ऊँ पंचे हमहीं कबहूँ नहीं देखिन तय।

इफीसियन 1:2

हमरे पंचन के पिता परमातिमा अउर प्रभू यीसु मसीह के तरफ से, तोंहईं पंचन काहीं किरपा अउर सान्ति मिलत रहय।

फिलिप्पियन 1:1

प्रभू यीसु मसीह के सेबक पवलुस अउर तीमुथियुस के तरफ से इआ चिट्ठी, फिलिप्पी सहर माहीं रहँइ बाले मसीह यीसु के ऊपर बिसुआस करँइ बाले भाई-बहिनिन, अउर मसीही मन्डली के अँगुअन अउर सेबकन काहीं मिलय।

कुलुस्सियन 1:1

हम पवलुस इआ चिट्ठी काहीं लिख रहेन हय, जउन परमातिमा के इच्छा से यीसु मसीह के खास चेला आहेन, हमरे तरफ से अउर भाई तीमुथियुस के तरफ से,

2 थिस्सलुनीकियन 1:1

पवलुस अउर सीलास अउर तीमुथियुस के तरफ से थिस्सलुनीकी सहर के मसीही मन्डली के नाम चिट्ठी, जउन पिता परमातिमा अउर प्रभू यीसु मसीह के ऊपर बिसुआस माहीं स्थिर ही।

1 तीमुथियुस 1:2

काहेकि तूँ हमरे व्दारा बचन सुनाए से यीसु मसीह के ऊपर बिसुआस किहे हया, इआ बिचार से हे तीमुथियुस, तूँ हमरे सग लड़िका कि नाईं हया। हम प्राथना करित हएन, कि पिता परमातिमा अउर हमरे पंचन के प्रभू यीसु मसीह के तरफ से तोहईं किरपा, दया, अउर सान्ति मिलत रहय।

2 तीमुथियुस 1:2

हम प्राथना करित हएन, कि पिता परमातिमा अउर हमरे पंचन के प्रभू मसीह यीसु के तरफ से तोंहईं किरपा, दया, अउर सान्ति मिलत रहय।

इब्रानियन 13:23

अउर तूँ पंचे इआ जानिल्या, कि हमार पंचन के बिसुआसी भाई तीमुथियुस जेल से छूटिगे हँय, अउर अगर ऊँ हरबिन हमरे लघे आय जइहँय, त हम उनखे साथय तोंहसे मिलँय के खातिर अउब।

1 पतरस 5:12

हम आपन इआ चिट्ठी सिलबानुस के हाँथे से पठइत हएन, जिनहीं हम बिसुआस के काबिल आपन भाई मानित हएन, अउर अपने इआ चिट्ठी माहीं संछेप माहीं लिखिके, तोंहईं पंचन काहीं इआ समझामँइ के कोसिस किहेन हय, अउर इआ गबाही दिहेन हय, कि परमातिमा के सच्ची किरपा इहय आय, कि तूँ पंचे उनखे ऊपर बिसुआस माहीं स्थिर रहा।

1 यूहन्ना 1:3

जउन कुछू हम पंचे उनखे बारे माहीं देखेन, अउर सुनेन हय, ओहिन के खबर तोंहईं पंचन काहीं देइत हएन, कि जउने तुहूँ पंचे हमरे पंचन के साथ सहभागी होइजा; अउर हमार पंचन के इआ सहभागिता, पिता परमातिमा के साथ। अउर उनखे लड़िका यीसु मसीह के साथ ही।

यहूदा 1:1

हम यहूदा आहेन, अउर इआ चिट्ठी काहीं लिख रहेन हय, जउन यीसु मसीह के दास अउर याकूब के भाई आहेन, इआ चिट्ठी हम उनखे खातिर लिख रहेन हय, जिनहीं पिता परमातिमा बोलाइन हीं, अउर जिनसे प्रेम करत हें, अउर उनखर यीसु मसीह के खातिर रखबारी करत हें।