1 पतरस 5:9 - Bagheli Bible

⁹ अउर तूँ पंचे बिसुआस माहीं मजबूत होइके, ओखर सामना करा, काहेकि तूँ पंचे जनते हया, कि सगले संसार के तोंहार मसीही भाई-बहिनी घलाय, इआमेर के दुख भोग रहे हँय।

1 पतरस 5:9 ပူးပေါင်းရင်းမြစ်များ

लूका 22:32

पय हम तोंहरे खातिर परमातिमा से बिनती किहेन हय, कि तोंहार बिसुआस कमजोर न होय, पय जब तूँ पुनि बिसुआस माहीं मजबूत होइहा, तब अपने भाइन काहीं स्थिर किहा।”

यूहन्ना 16:33

ईं बातन काहीं तोंहसे हम एसे कहेन हय, कि हमरे व्दारा तोंहईं सान्ती मिलय; संसार माहीं तोंहईं दुख मिलत हय, पय ढाढ़स बाँधा, हम संसार काहीं जीत लिहेन हय।”

खास चेलन 14:22

अउर चेलन के मन काहीं स्थिर करत रहिगें, अउर उपदेस देत रहे हँय, कि हमहीं पंचन काहीं खुब कस्ट सहिके परमातिमा के राज माहीं प्रबेस करँइ परी।

1 कुरिन्थियन 10:13

अउर तूँ पंचे कउनव अइसन परिच्छा माहीं नहीं परे आह्या, जउन कि मनई के सहँइ के सक्ती से जादा होत ही, काहेकि परमातिमा सच्चे हें, अउर ऊँ तोहईं पंचन काहीं सहँइ के सक्ती से जादा परिच्छा माहीं न परय देइहँय, पय अगर परिच्छा माहीं परिव जाते हया, त ओसे निकरँइ के घलाय उपाय करिहँय, जउने तूँ पंचे ओही सहि सका।

इफीसियन 4:27

अउर सइतान काहीं मोका न द्या।

इफीसियन 6:16

अउर उन सगलेन के साथय बिसुआस रूपी ढाल लइके अटल रहा, जउने उआ दुस्ट सइतान के सगले बरत तीरन काहीं बुझाय सका।

कुलुस्सियन 2:5

काहेकि हम त तोंहसे दूरी हएन, तऊ आत्मिक रूप से हमार मन तोंहरे ऊपर लगा रहत हय, अउर हम तोंहरे जीबन माहीं अनुसासन अउर मसीह के ऊपर तोंहरे मजबूत बिसुआस काहीं देखिके प्रसन्न हएन।

1 थिस्सलुनीकियन 3:3

जउने कोऊ इन दुख बिपत्तिन के कारन बिसुआस माहीं कमजोर न परय; काहेकि तूँ पंचे त खुदय जनते हया, कि हम पंचे एहिन के खातिर ठहराए गएन हय।

1 तीमुथियुस 6:12

जउन बिसुआस तूँ प्रभू यीसु मसीह के ऊपर रखते हया, ओसे पीछे हटामँइ के खातिर खुब मुसीबत अइहँय, पय तूँ डँटे रह्या, जउने काहीं तूँ खुब गबाहन के आँगे अपनाया रहा हय, उआ अनन्त जीबन काहीं गमाय न दिहा, जउने काहीं पामँइ के खातिर परमातिमा तोंहईं चुनिन हीं।

2 तीमुथियुस 3:12

पय जेतने मनई मसीह यीसु के ऊपर बिसुआस कइके, उनखे बचन के मुताबिक जीबन बितामँइ चाहत हें, ऊँ सगले सताए जइहँय।

2 तीमुथियुस 4:7

जइसन एकठे पहिलमान नेम से कुस्ती लड़िके जीतके इनाम पाबत हय, उहयमेर जउन काम परमातिमा हमहीं दिहिन रहा हय, ओही हम निकहा से पूर कइ चुकेन हय, अउर हम उआ काम काहीं पूरे बिसुआस के साथ किहेन हय।

इब्रानियन 11:33

ईं पंचे परमातिमा के ऊपर किहे बिसुआसय के कारन, कइयकठे राज जीतिन; धरम के काम किहिन; वादा कीन चीजन काहीं पाइन, सेरन के मुँह बन्द किहिन,

इब्रानियन 12:8

अउर अगर उआ डाँट तोहईं पंचन काहीं नहीं मिली आय, जइसन सब काहीं मिलत ही, त तूँ पंचे उनखर लड़िका न कहइहा, बलकिन ब्यभिचार के सन्तान कहइहा।

याकूब 4:7

एसे परमातिमा के आधीन होइजा; अउर सइतान के सामना करा, त उआ तोंहरे लघे से भाग जई।

1 पतरस 1:6

अउर इहय कारन से तूँ पंचे खुब आनन्दित होते हया। जबकि इआ बात जरूर हय, कि तूँ पंचे अबे कुछ दिना तक अनेकव प्रकार के परिच्छन माहीं परँइ के कारन, दुखी हया।

1 पतरस 2:21

अउर तूँ पंचे एहिन के खातिर परमातिमा के द्वारा बोलाए गया हय, काहेकि मसीह घलाय तोंहरे खातिर दुख सहिके, तोंहईं नमूना देखाइगे हँय, कि जउने तुहूँ पंचे उनहिन के पद चिन्हन माहीं चला।

1 पतरस 3:14

अउर अगर तूँ पंचे भलाई के काम करँइ के कारन दुखव उठउते हया, त धन्य हया। पय मनइन के डेरबाए से न डेरया, अउर न घबरया।

1 पतरस 4:13

पय जइसय-जइसय तूँ पंचे मसीह के दुखन माहीं भागीदार होते हया, त आनन्द मनाबा, जउने जब मसीह के महिमा प्रगट होय, त तुहूँ पंचे खुब आनन्दित अउर मगन होइ सका।

दरसनन के बातँय 1:9

हम यूहन्ना, जउन तोंहार पंचन के भाई, अउर यीसु के कस्ट, अउर राज, अउर धीरज माहीं, तोंहार पंचन के सहभागी आहेन, परमातिमा के बचन, अउर यीसु के गबाही के कारन, पतमुस नाम के टापू माहीं रहेन हय।

दरसनन के बातँय 6:11

अउर उनमा से हरेक जन काहीं, उजर ओन्हा दीन ग, अउर उनसे कहा ग, कि अउर थोरी देर तक अराम करा, जब तक तोंहार पंचन के साथी सेबक लोग, अउर भाई लोग, जउन तोंहरिन कि नाईं बध होंइ बाले हें, उनहूँ के घलाय गिनती पूर न होइ जाय।

दरसनन के बातँय 7:14

हम उनसे कहेन; “हे, मालिक, अपनय जानित हएन।” तब ऊँ हमसे कहिन; “ईं ऊँ पंचे आहीं, जउन उआ महाकस्ट से निकरिके आए हँय; ईं पंचे अपने-अपने ओन्हन काहीं मेम्ना के खून से धोइके उजर किहिन हीं।