1 पतरस 5:6 - Bagheli Bible

⁶ एसे तूँ पंचे परमातिमा के बलमान हाँथ के नीचे नम्रता के साथ रहा, जउने ऊँ तोंहईं उचित समय माहीं बढ़ामँय।

1 पतरस 5:6 ပူးပေါင်းရင်းမြစ်များ

मत्ती 23:12

काहेकि जे कोऊ खुद काहीं बड़ा बनाई, उआ परमातिमा के व्दारा छोट कीन जई: अउर जे कोऊ खुद काहीं छोट बनाई, त उआ परमातिमा के व्दारा बड़ा कीन जई।”

लूका 1:52

परमातिमा बलमानन के राज करँइ के अधिकार छड़ाय लिहिन; अउर दीन-दुखिअन काहीं बड़ा किहिन हीं।

लूका 14:11

काहेकि जे कोऊ खुद काहीं बड़ा बनाई, उआ परमातिमा के व्दारा छोट कीन जई: अउर जे कोऊ खुद काहीं छोट बनाई, त उआ परमातिमा के व्दारा बड़ा कीन जई।”

लूका 18:14

तब यीसु अपने चेलन से कहिन, हम तोंहसे कहित हएन, कि उआ फरीसी मनई नहीं, पय इआ चुंगी लेंइ बाला परमातिमा के नजर माहीं धरमी ठहराबा जाइके अपने घरय ग; काहेकि जे कोऊ खुद काहीं बड़ा बनाई, उआ परमातिमा के व्दारा छोट कीन जई: अउर जे कोऊ खुद काहीं छोट बनाई, त उआ परमातिमा के व्दारा बड़ा कीन जई।”

रोमियन 5:6

काहेकि जब हम पंचे मुक्ती पामँइ माहीं असमर्थ रहेन हय, अउर परमातिमा के हुकुमन काहीं नहीं मानत रहे आहेन, तऊ हमरे पंचन के खातिर मसीह उचित समय म खुद काहीं बलिदान किहिन।

1 कुरिन्थियन 10:22

का हम पंचे अइसन कइके प्रभू काहीं क्रोधित करित हएन? का हम पंचे प्रभू से सक्तिसाली हएन?

1 तीमुथियुस 2:6

जउन खुद काहीं सगले मनइन काहीं मुक्ती देंइ के खातिर, क्रूस माहीं बलिदान कइके कीमत चुकाइन हीं; इआ काम परमातिमा के ठहराए सही समय माहीं प्रभू यीसु मसीह पूर कइके गबाही दिहिन हीं।

तीतुस 1:3

अउर अपने नियुक्त समय माहीं अनन्त जीबन देंइ के बारे माहीं, अपने बचन काहीं बतामँइ के काम, हमहीं मुक्ती देंइ बाले परमातिमा हुकुम दइके सँउपिन हीं।

याकूब 4:10

प्रभू के आँगे दीन बना, त ऊँ तोंहईं सिरोमनि बनइहँय।

याकूब 4:7

एसे परमातिमा के आधीन होइजा; अउर सइतान के सामना करा, त उआ तोंहरे लघे से भाग जई।

याकूब 5:10

हे भाई-बहिनिव, जउन परमातिमा के सँदेस बतामँइ बाले, प्रभू के नाम से बात किहिन, उनहीं दुख उठामँइ अउर धीरज धरँय माहीं आदर्स माना।