1 पतरस 5:3 - Bagheli Bible

³ अउर जउन झुन्ड तोंहईं पंचन काहीं रखबारी के खातिर सउँपा ग हय, उनखे ऊपर आपन अधिकार न जताबा, बलकिन झुन्ड के खातिर आदर्स बना।

1 पतरस 5:3 ပူးပေါင်းရင်းမြစ်များ

यूहन्ना 13:15

काहेकि हम तोंहईं नमूना देखाय दिहेन हय, कि जइसा हम तोंहरे साथ किहेन हय, तुहूँ पंचे घलाय उहयमेर किहा करा।

खास चेलन 20:28

एसे अपना पंचे आपन अउर अपने पूरे झुन्ड के रखबारी करी; जउने खातिर पबित्र आत्मा अपना पंचन काहीं अँगुआ ठहराइन हीं; कि अपना पंचे परमातिमा के मसीही मन्डली के रखबारी करी, जेही ऊँ अपने खून से मोल लिहिन हीं।

1 कुरिन्थियन 11:11

पय प्रभू के नजर माहीं, मंसेरुआ के बिना न त मेहेरिअय के कउनव महत्व आय, अउर न त मेहेरिआ के बिना मंसेरुअय के कउनव महत्व आय। अरथात प्रभू के नजर माहीं दोनव एक समान हें।

1 कुरिन्थियन 3:5

पय अपुल्लोस अउर पवलुस के कउनव खास महत्व नहिं आय, हम पंचे त केबल सेबक आहेन जिनखे द्वारा तूँ पंचे यीसु मसीह के ऊपर बिसुआस किहे हया। हम पंचे त उहय काम किहेन हँय, जउने काम काहीं प्रभू हमरे पंचन म से हरेक जन काहीं सउँपिन हीं।

1 कुरिन्थियन 3:9

काहेकि हम पंचे परमातिमा के साथ काम करँइ माहीं साझीदार हएन; अउर तूँ पंचे परमातिमा के खेत अउर उनखे घर कि नाईं हया।

2 कुरिन्थियन 1:24

तोंहरे पंचन के बिसुआस के बारे माहीं, हम तोंहरे ऊपर आपन अधिकार नहीं जतामँइ चाहित आहेन; बलकिन हम तोंहरे आनन्द माहीं सामिल हएन, काहेकि तूँ पंचे बिसुआस माहीं मजबूत बने रहते हया।

2 कुरिन्थियन 4:5

हम पंचे आपन प्रचार नहीं करी, बलकिन यीसु मसीह के प्रचार करित हएन, कि उँइन प्रभू आहीं, अउर हम पंचे अपने बारे माहीं त इहय कहित हएन, कि हम पंचे यीसु मसीह के कारन तोंहार पंचन के सेबक आहेन।

फिलिप्पियन 3:17

अउर हे भाई-बहिनिव, तूँ पंचे सगले जन हमरे कि नाईं जीबन जिआ, अउर उनहीं पहिचान लेबा करा, जउन हमरिन कि नाईं जीबन जिअत हें, जेखर उदाहरन तूँ पंचे हमरे जीबन माहीं पउते हया।

फिलिप्पियन 4:9

अउर जउन बातँय तूँ पंचे हमसे सिखे हया, अउर उनहीं अपने जीबन माहीं अपनाए हया, अउर जउन बातँय हमसे सुने हया, इआ कि हमहीं करत देखे हया, उनहिन के मुताबिक चला, तबहिन सान्ति के दाता परमातिमा तोंहरे पंचन के साथ माहीं रइहँय।

1 थिस्सलुनीकियन 1:7

इहाँ तक कि मकिदुनिया अउर अखाया प्रदेस के सगले बिसुआसी लोगन के खातिर, तूँ पंचे नमूना बन गया हय।

2 थिस्सलुनीकियन 3:9

अइसा नहिं आय कि हमहीं पंचन काहीं तोंहसे खाँय-पिअँइ के हक्क नहिं आय, हक्क हय, तऊ हम पंचे एसे कठिन मेहनत करत रहेन हय, कि जउने तुहूँ पंचे इहइमेर करा।

1 तीमुथियुस 4:12

हे तीमुथियुस, तूँ अबे जमान हया, इआ कारन से कोऊ तोंहार निरादर न करँय पाबय, बलकिन तूँ अपने बात-चीत म अउर चाल-चलन म, अउर प्रेम करँइ म, अउर परमातिमा के ऊपर बिसुआस करँय, अउर अपने पबित्र जीबन से सगले बिसुआसिअन के खातिर आदर्स बन जा।

तीतुस 2:7

तूँ जउन कुछू काम करा ऊँ निकहे होंय, जउने ईं सब कामन काहीं देखिके, जमान लोग उहयमेर जीबन जिअँइ। अउर तूँ जउन सिखाबा उआ निस्कपट होंइ चाही, जउने काहीं सुनिके लोग-बाग अपनाय सकँय।

1 पतरस 2:9

पय तूँ पंचे परमातिमा के चुने बंस आह्या, अउर राज पदधारी याजकन के समाज आह्या, अउर पबित्र मनई, अउर परमातिमा के खास प्रजा आह्या, अउर उँइन तोहईं पंचन काहीं, अँधिआर से निकारिके, अपने अदभुत जोति माहीं बोलाइन हीं, कि उनखे महिमा काहीं अपने जीबन से देखाबा।