1 पतरस 5:1 - Bagheli Bible

¹ तोंहरे पंचन के बीच माहीं जउन मसीही मन्डली के अँगुआ हें, हमहूँ उनहिन कि नाईं अँगुआ हएन, अउर मसीह जउन दुख सहिन हीं, हम ओखर गबाह हएन, अउर प्रगट होंइ बाली महिमा माहीं भागीदार होइके, उनहीं पंचन काहीं इआ समझाइत हएन।

1 पतरस 5:1 ပူးပေါင်းရင်းမြစ်များ

लूका 24:48

अउर तूँ पंचे ईं सगली बातन के गबाह हया।

खास चेलन 1:22

इआ उचित हय, कि उनमा से एक जने काहीं चुना जाय, जउन हमरे पंचन के साथ उनखे जिन्दा होंय के गबाह होइ जाय।

खास चेलन 1:8

पय जब पबित्र आत्मा तोंहरे ऊपर अई, तब तूँ पंचे सामर्थ पइहा; अउर यरूसलेम सहर अउर यहूदिया अउर सामरिया प्रदेसन माहीं, अउर धरती के छोर तक हमार गबाह होइहा।”

खास चेलन 11:30

अउर ऊँ पंचे इहइमेर किहिन; बरनबास अउर साऊल के हाँथे यहूदिया इलाका के मन्डली के अँगुअन के लघे कुछ धन पठय दिहिन।

खास चेलन 14:23

अउर ऊँ पंचे हरेक मसीही मन्डली माहीं उनखे खातिर अँगुआ चुनिन, अउर उपबास समेत प्राथना कइके, उनहीं प्रभू काहीं सउँपि दिहिन, जिनखे ऊपर ऊँ पंचे बिसुआस किहिन रहा हय।

खास चेलन 15:4

जब ऊँ पंचे यरूसलेम सहर माहीं पहुँचे, तब मसीही मन्डली के मनई, अउर यीसु के खास चेला लोग, अउर मुखिया लोग, उनसे आनन्द के साथ मिलें, अउर ऊँ पंचे बताइन, कि “परमातिमा उनखे साथ माहीं रहिके कइसन-कइसन अचरज के काम किहिन रहा हय।”

खास चेलन 15:6

तब यीसु के खास चेला लोग, अउर मुखिया इआ बात के बारे माहीं बिचार करँइ के खातिर एकट्ठा भें।

खास चेलन 2:32

ईंन यीसु काहीं परमातिमा पुनि जिन्दा कइ दिहिन, जेखर हम पंचे सगले जने गबाह हएन।

खास चेलन 20:17

अउर ऊँ मिलेतुस सहर से इफिसुस सहर माहीं सँदेस पठबाइके, मसीही मन्डली के अँगुअन काहीं बोलबाइन।

खास चेलन 20:28

एसे अपना पंचे आपन अउर अपने पूरे झुन्ड के रखबारी करी; जउने खातिर पबित्र आत्मा अपना पंचन काहीं अँगुआ ठहराइन हीं; कि अपना पंचे परमातिमा के मसीही मन्डली के रखबारी करी, जेही ऊँ अपने खून से मोल लिहिन हीं।

खास चेलन 21:18

अउर दुसरे दिना पवलुस हमहीं पंचन काहीं लइके याकूब के लघे गें, जहाँ मसीही मन्डली के सगले अँगुआ एकट्ठा रहे हँय।

खास चेलन 3:15

अउर तूँ पंचे जीबन के रचइता काहीं मारि डारे रहे हया, जिनहीं परमातिमा मरेन म से पुनि जिन्दा कइ दिहिन; अउर इआ बात के हम पंचे गबाह हएन।

2 कुरिन्थियन 5:1

काहेकि हम पंचे जानित हएन, कि हमार पंचन के तम्बू, अरथात इआ देंह जउने माहीं हम पंचे इआ धरती माहीं रहित हएन, गिराय दीन जई। त हमहीं पंचन काहीं परमातिमा के द्वारा, स्वरग माहीं एकठे अइसन घर दीन जई, जउन हमेसा बना रही। काहेकि उआ मनइन के हाँथे से बनाबा न होई।

2 कुरिन्थियन 5:8

हमहीं पंचन काहीं इआ पूर बिसुआस हय। एहिन से हम पंचे इआ देंह काहीं छोंड़िके, प्रभू के लघे रहब जादा निकहा समझित हएन।

फिलिप्पियन 1:19

काहेकि हम जानित हएन, कि तोंहरे पंचन के प्राथना से, अउर यीसु मसीह के दीन पबित्र आत्मा के दान के व्दारा, हमहीं एखर प्रतिफल जरूर मिली, अउर हम जेल से छूटि जाब।

1 तीमुथियुस 5:1

हे तीमुथियुस, मसीही मन्डली माहीं जउन तोंहसे उमिर माहीं बड़े हँय उनहीं न डाँट्या; बलकिन उनहीं बाप कि नाईं जानिके समझाय दिहा, अउर जमानन काहीं भाई जानिके;

1 तीमुथियुस 5:19

अगर कउनव पुरान बिसुआसी के ऊपर दोस लगाबा जाय, त ओही न मान्या, जब तक दुइ, इआ कि तीनठे गबाही न होंय।

2 तीमुथियुस 4:8

भबिस्य माहीं हमरे खातिर धरम के उआ मुकुट धरा हय, जउन धरमी मनइन काहीं दीन जात हय, जउने काहीं प्रभू, जउन धरमी अउर न्यायी हें, हमहीं अउर उन सगलेन काहीं घलाय, जउन उनखे आमँइ के इन्तजार काहीं पियार जानत हें, न्याय के दिन देइहँय।

तीतुस 1:5

हम एखे खातिर तोहईं क्रेते टापू माहीं छोंड़िके आएन रहा हय, कि जउन काम अधूरा रहिगा तय, तूँ ओही पूर करा, अउर हमरे हुकुमय के मुताबिक हरेक सहरन के मसीही मन्डलिन माहीं, अँगुअन काहीं नियुक्त करा।

फिलेमोन 1:9

तऊ हम पवलुस जउन बुढ़ाय गएन हय, अउर अब मसीह यीसु के खातिर जेल माहीं डारे गएन हय, हमहीं इआ नीक जान परा, कि हम प्रेम से तोंहसे बिनती करी।

इब्रानियन 12:1

जब परमातिमा के ऊपर बिसुआस करँइ बाले खुब मनइन के गबाही, हमरे पंचन के चारिव कइती मवजूद ही, इआ कारन से आबा, हमहूँ पंचे हरेक रोंकँइ बाली चीजन काहीं, अउर हरेक उलझामँय बाले पापन काहीं, अपने जीबन से दूर करी, जउन परमातिमा से दूरी लइ जात हें, अउर जउने मसीही दउड़ माहीं, हमहीं पंचन काहीं दउड़ँइ काहीं हय, ओही बड़े धीरज के साथ दउड़ी।

1 पतरस 1:12

अउर उनहीं पंचन काहीं इआ बताबा ग रहा हय, कि ऊँ पंचे ईं बातन काहीं बताइके आपन नहीं, बलकिन तोंहार पंचन के सेबा करत हें। अउर जउन खुसी के खबर अब तोंहईं पंचन काहीं, ऊँ मनइन के द्वारा मिली हय, जिनहीं स्वरग से पबित्र आत्मा मिला रहा हय, अउर ऊँ पंचे ओहिन के बताए से, तोंहईं पंचन काहीं खुसी के खबर सुनाइन रहा हय, अउर स्वरगदूत घलाय ईं बातन काहीं देखँइ के बड़ी लालसा करत हें।

1 पतरस 1:7

अउर इआ एसे होत हय, कि तोंहार पंचन के बिसुआस, परिच्छा के द्वारा खरा निकरय, अउर तोंहार पंचन के जाँचा-परखा बिसुआस, आगी माहीं ताबा ग, नास होंइ बाले सोन से जादा कीमती हय, जब यीसु मसीह दुसराय अइहँय, त बिसुआस माहीं बने रहँइ के कारन, तोंहईं पंचन काहीं परमातिमा से बड़ाई, महिमा, अउर मान-सम्मान मिली।

1 पतरस 4:13

पय जइसय-जइसय तूँ पंचे मसीह के दुखन माहीं भागीदार होते हया, त आनन्द मनाबा, जउने जब मसीह के महिमा प्रगट होय, त तुहूँ पंचे खुब आनन्दित अउर मगन होइ सका।

1 पतरस 5:4

अउर जब संसार के रखबारी करँइ बाले परमप्रधान अइहँय, त तोंहईं पंचन काहीं महिमा के मुकुट दीन जई, जउन कबहूँ न मुरझई।

1 यूहन्ना 3:2

हे पियार साथिव, हम पंचे परमातिमा के सन्तान आहेन, अउर अबे तक इआ प्रगट नहीं भ, कि हम पंचे का कुछ होब! पय एतना जानित हएन, कि जब यीसु मसीह दुसराय अइहँय, त हमहूँ पंचे उनहिन कि नाईं होइ जाब, काहेकि उनहीं ओहिन मेर देखब, जइसन ऊँ हें।

2 यूहन्ना 1:1

हम मसीही मन्डली के अँगुआ आहेन, हमरे तरफ से परमातिमा के व्दारा चुनी उआ बहिनी, अउर ओखे लड़िका बिटिअन के नाम, जिनसे हम सच्चा प्रेम रक्खित हएन, अउर केबल हमहिन भर नहीं, बलकिन ऊँ सगले जने तोंहसे प्रेम रक्खत हें, जउन सत्य काहीं जानत हें;

3 यूहन्ना 1:1

हम मसीही मन्डली के अँगुआ आहेन, हमरे तरफ से पियार गयुस के नाम, जेसे हम सच्चा प्रेम करित हएन।

दरसनन के बातँय 1:9

हम यूहन्ना, जउन तोंहार पंचन के भाई, अउर यीसु के कस्ट, अउर राज, अउर धीरज माहीं, तोंहार पंचन के सहभागी आहेन, परमातिमा के बचन, अउर यीसु के गबाही के कारन, पतमुस नाम के टापू माहीं रहेन हय।