1 पतरस 4:9 - Bagheli Bible

⁹ अउर बिना कुड़-कुड़ाए, एक दुसरे के निकहा स्वागत-सत्कार करा।

1 पतरस 4:9 ပူးပေါင်းရင်းမြစ်များ

रोमियन 12:13

अउर परमातिमा के पबित्र मनइन काहीं जउन जरूरत होय, त उनखर मदत करा; अउर महिमानन के स्वागत-सतकार करँइ माहीं लगे रहा।

रोमियन 16:23

भाई गयुस के तरफ से जउन हमार अउर मसीही मन्डली के सगले बिसुआसी भाई-बहिनिन के स्वागत-सत्कार करत हें, तोंहईं पंचन काहीं नबस्कार पहुँचय। अउर भाई इरास्तुस जउन सहर के भन्डारी हें, अउर भाई क्वारतुस के तोंहईं पंचन काहीं नबस्कार।

2 कुरिन्थियन 9:7

एसे हरेक जन जइसन अपने मन माहीं ठान लेत हय, उहयमेर उआ बिना कुड़-कुड़ाए, बिना दबाव के दान करय, काहेकि परमातिमा खुसी से दान करँइ बाले मनई से प्रेम करत हे।

फिलिप्पियन 2:14

एसे बिना सिकाइत किहे, अउर बिना बाद-बिबाद किहे, सगले कामन काहीं करत रहा।

1 तीमुथियुस 3:2

एसे अँगुआ काहीं अइसा जीबन जिअँइ चाही, कि ओही कोऊ बुरा न कहे पाबय, अउर ओखे केबल एकयठे मेहेरिआ होय, अउर उआ खुद काहीं काबू माही रक्खँइ बाला होय, अउर सगले मनइन के साथ निकहा बेउहार करँइ बाला होय, अउर सभ्य, अउर महिमानन के स्वागत-सत्कार करँइ बाला होय, अउर उआ सिच्छा देंइ माही निपुन होय।

तीतुस 1:8

पय ऊँ महिमानन के सेबा सत्कार करँइ बाले, अउर भलाई के चाहँय बाले, संयमी अउर न्यायी पबित्र अउर अपने ऊपर काबू रक्खँइ बाले होंय;

फिलेमोन 1:14

पय हम तोंहरे मरजी काहीं बिना जाने, कुछू नहीं करँइ चाहेन, कि जउने हमरे ऊपर तोंहार इआ दया, कउनव दबाव से नहीं, बलकिन बड़े खुसी के साथ होय।

इब्रानियन 13:16

अउर तूँ पंचे भलाई करब, अउर दान देब न बिसराया; काहेकि परमातिमा इहइमेर के बलिदानन से खुसी होत हें।

इब्रानियन 13:2

अउर तूँ पंचे महिमानन के स्वागत-सत्कार करब कबहूँ न बिसराया, काहेकि एहिन के द्वारा कुछ मनई अनजाने माहीं स्वरगदूतन के स्वागत-सतकार किहिन हीं।

याकूब 5:9

हे भाई-बहिनिव, एक दुसरे के ऊपर दोस न लगाबा जउने तुहूँ पंचे दोसी न ठहरा, देखा न्याय करँइ बाले दुअरा माहीं ठाढ़ हें।