1 पतरस 4:8 - Bagheli Bible

⁸ अउर सबसे बड़ी बात त इआ हय, कि एक दुसरे से जादा से जादा प्रेम करा; काहेकि प्रेम अनगिनत पापन काहीं मूँद देत हय।

1 पतरस 4:8 ပူးပေါင်းရင်းမြစ်များ

1 कुरिन्थियन 13:1

मानि ल्या, कि अगर हमहीं इआ बरदान मिल जाय, कि हम मनइन के अउर स्वरगदूतन के सगली भाँसन काहीं बोल सकी, पय दुसरेन से प्रेम न रक्खी त हमहीं का फायदा होई? काहेकि हमार बोलब पीतल के खुब बड़ी घन्टी अउर झाँझ के बोल कि नाईं होई।

1 कुरिन्थियन 13:4

अउर प्रेम करँइ बाला मनई, अपने जीबन माहीं धीरज रक्खत हय, दुसरे के ऊपर किरपा करत हय; अउर दुसरे के ऊपर जलन नहीं रक्खय; अउर उआ खुद के बड़ाई नहीं करय; अउर उआ घमन्डिव नहीं होय,

कुलुस्सियन 3:14

ईं सगली बातन से बढ़िके प्रेम काहीं अपनाय ल्या, जउन एक दुसरे काहीं आपस माहीं जोड़िके, प्रेम माहीं भरपूर करत हय।

1 थिस्सलुनीकियन 3:12

अउर प्रभू अइसन करँय, कि जइसन प्रेम हम पंचे तोंहसे रक्खित हएन; उहयमेर तोंहरव प्रेम आपस माहीं एक दुसरे के साथ, अउर सगले मनइन के साथ बढ़य, अउर मजबूत होत जाय।

2 थिस्सलुनीकियन 1:3

हे भाई-बहिनिव, तोंहरे बारे माहीं हमहीं पंचन काहीं, हर समय परमातिमा काहीं धन्यबाद देत रहँइ चाही, अउर इआ उचितव हय, एसे कि तोंहार बिसुआस खुब बाढ़त जात हय, अउर तोंहार सगलेन के प्रेम घलाय आपस माहीं खुब बाढ़त जात हय।

1 तीमुथियुस 1:5

हमरे समझामँइ के मतलब इआ आय, कि सुद्ध मन से अउर अच्छे सोच-बिचार से, अउर निस्कपट बिसुआस से प्रेम उत्पन्न होत हय।

इब्रानियन 13:1

एसे आबा हम पंचे आपस माहीं एक दुसरे से, अपने भाई-बहिनिन कि नाईं प्रेम करत रही।

याकूब 5:12

पय हे हमार भाई-बहिनिव, सगलेन से बड़ी बात इआ हय, कि कसम न खया; न त स्वरग के, न धरती के, न कउनव चीज के, पय तोंहार बातचीत हाँ के हाँ, अउर नहीं के नहीं होय, जउने तूँ पंचे दन्ड पामँइ बाले न ठहरा।

याकूब 5:20

त उआ जान लेय, कि जे कोऊ कउनव भटके पापी मनई काहीं लउटाइके ले अई, त उआ एकठे प्रान काहीं मउत से बचाई, अउर ओखे अनेकव पापन के माफ करे जाँय के कारन बनी।

1 पतरस 1:22

एसे जब तूँ पंचे, भाईचारा के प्रेम के खातिर, सत्य के पालन कइके, अपने-अपने आत्मन काहीं पबित्र किहा हय, त तन- मन लगाइके आपस माहीं एक दुसरे से प्रेम करा।

3 यूहन्ना 1:2

हे पियार साथी, हमार इआ बिनती ही, कि जउनमेर तूँ आत्मिक उन्नति कइ रहे हया, उहयमेर सगली बातन माहीं उन्नति करा, अउर नीक-सूख रहा।